టాలీవుడ్ యంగ్ హీరో రామ్ పోతినేని త్వరలోనే పెళ్లి చేసుకోబోతున్నట్లు కొన్ని రోజులుగా వార్తలు వస్తున్నాయి. తన స్కూల్ ఫ్రెండ్ అయిన ఓ అమ్మాయితో రామ్ చాలా కాలంగా ప్రేమలో ఉన్నారని.. ఇప్పుడు ఆమెనే పెళ్లి చేసుకోవడానికి రెడీ అవుతున్నారని మీడియాలో వార్తలొచ్చాయి. ఇరు కుటుంబాలకు చెందిన పెద్దల సమక్షంలో వీరి వివాహం జరగబోతుందని కథనాలను ప్రచురించారు. దీంతో రామ్ నిజంగానే పెళ్లి చేసుకుంటున్నాడేమో అని కొందరు ఫ్యాన్స్ కంగ్రాట్స్ చెప్పగా.. లేడీ ఫ్యాన్స్ మాత్రం తెగ ఫీలైపోయారు.
ఇప్పుడు ఈ పెళ్లి వార్తలపై రామ్ స్వయంగా స్పందించారు. ట్విట్టర్ వేదికగా ఓ పోస్ట్ పెట్టారు. 'ఓ గాడ్.. స్టాప్.. ఇప్పుడు నేను ఎలాంటి సిట్యుయేషన్ లో ఉన్నానంటే నా సొంత ఫ్యామిలీ, ఫ్రెండ్స్ ను నేను ఏ హైస్కూల్ స్వీట్ హార్ట్ ను పెళ్లి చేసుకోవడం లేదని కన్విన్స్ చేయాల్సి వస్తుంది. నిజం చెప్పాలంటే.. నేను హైస్కూల్ కి వెళ్లిందే చాలా తక్కువ' అంటూ రాసుకొచ్చారు. దీంతో రామ్ ఇప్పట్లో పెళ్లి చేసుకోవడం లేదని క్లారిటీ వచ్చింది.
Also Read : విడాకుల వార్తలపై స్పందించిన సింగర్స్ శ్రావణ భార్గవి, హేమచంద్ర
Also Read : మగబిడ్డకు జన్మనిచ్చిన 'దిల్' రాజు భార్య తేజస్విని వ్యాఘా రెడ్డి
ప్రస్తుతం ఈ హీరో నటించిన 'ది వారియర్' సినిమా విడుదలకు సిద్ధమవుతోంది. లింగుస్వామి డైరెక్ట్ చేసిన ఈ సినిమాలో రామ్ పోలీస్ ఆఫీసర్ గా కనిపించనున్నారు. ఇటీవల విడుదలైన ఈ సినిమా టీజర్ కి మంచి రెస్పాన్స్ వచ్చింది. త్వరలోనే ట్రైలర్ ను విడుదల చేయనున్నారు. ఈ సినిమా రిలీజ్ తరువాత బోయపాటి శ్రీనుతో ఓ సినిమా చేయనున్నారు రామ్. ఈ ప్రాజెక్ట్ కి సంబంధించిన అఫీషియల్ అనౌన్స్మెంట్ కూడా వచ్చింది.