తమిళ సూపర్ స్టార్ రజినీకాంత్ కి కోలీవుడ్ లోనే కాకుండా దేశవ్యాప్తంగా అభిమానులున్నారు. ఆయన సినిమాలు విడుదలవుతున్నాయంటే చాలు.. హడావిడి మాములుగా ఉండదు. ఆయన చివరిగా నటించిన సినిమా 'దర్బార్'. ప్రస్తుతం శివ దర్శకత్వంలో 'అన్నాత్తే' అనే సినిమాలో నటిస్తున్నారు. ఈ సినిమా అనౌన్స్ చేసి చాలా కాలమవుతున్నా.. కరోనా కారణంగా షూటింగ్ చాలాసార్లు వాయిదా పడింది. ఫైనల్ గా అన్ని అడ్డంకులను దాటుకొని షూటింగ్ పూర్తి చేసుకుంది.
Also Read: 'నాకు నేనే కింగ్..' షణ్ముఖ్ కామెంట్ కి నాగార్జున పంచ్..
దీపావళి కానుకగా సినిమాను విడుదల చేయడానికి ప్లాన్ చేస్తున్నారు. దీంతో ప్రమోషన్స్ షురూ చేశారు. ఇప్పటికే ఈ సినిమా మోషన్ పోస్టర్ ని విడుదల చేసిన సంగతి తెలిసిందే. ఇందులో రజినీకాంత్ మాస్ గెటప్ లో ఆకట్టుకున్నారు. కొద్దిరోజుల క్రితం 'అన్నాత్తే.. అన్నాత్తే' అంటూ సాగే ఫస్ట్ సాంగ్ ను విడుదల చేశారు. స్ప్ బాలసుబ్రహ్మణ్యం ఆ పాటను పాడారు. తాజాగా ఈ సినిమా నుంచి మరో పాటను విడుదల చేశారు.
'సారా కాట్రే' అంటూ సాగే మరో పాటను శనివారం సాయంత్రం విడుదల చేశారు. శ్రేయా గోషల్, సిద్ శ్రీరామ్ లు పాడిన ఈ పాట అభిమానులను ఆకట్టుకుంటుంది. ఈ లిరికల్ సాంగ్ లో నయన్-రజినీకాంత్ ల కెమిస్ట్రీకి సంబంధించిన కొన్ని సీన్లు చూపించారు. ఇమాన్ ఈ సినిమాకి సంగీతం అందిస్తున్నారు. ఈ సినిమాలో కుష్బు, మీనా, కీర్తి సురేష్, సూరి, ప్రకాశ్ రాజ్, జగపతి బాబు, అభిమన్యు సింగ్‌లో ప్రధాన పాత్రల్లో నటిస్తున్నారు. నవంబర్ 4న ఈ సినిమా ప్రేక్షకుల ముందుకు రానుంది.
Also Read: విమానంలో పుట్టిన ‘మా’.. తొలి అధ్యక్షుడు ఆయనే.. ఇదే ‘మూవీ ఆర్టిస్ట్ అసోసియేషన్’ చరిత్ర
Also Read: ‘మా’ బిడ్డల పోరు.. కళామతల్లి కన్నీరు.. పదవుల కోసం పంతాలు? పరువు తీస్తున్న పోట్లాటలు!
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి