కిరణ్ అబ్బవరం, చాందిని చౌదరి జంటగా నటించిన రొమాంటిక్ ఎంట‌ర్‌టైన‌ర్‌ 'సమ్మతమే'. జూన్ 24న థియేటర్లలో విడుదల అయ్యింది. థియేటర్లలోకి వచ్చిన మూడు వారాలకు ఓటీటీలోకి రానుంది.
'సమ్మతమే' డిజిటల్ రిలీజ్ రైట్స్‌ను 'ఆహా' ఓటీటీ దక్కించుకుంది. జూలై 15న ఈ సినిమా వరల్డ్ డిజిటల్ ప్రీమియర్‌కు ఏర్పాట్లు చేస్తోంది. అంటే... ఆ రోజు నుంచి సినిమా వీక్షకులకు అందుబాటులోకి రానుందన్నమాట.
పెళ్లి తర్వాత కట్టుకున్న భార్యను ప్రేమించాలని వెయిట్ చేస్తున్న, తనకు కాబోయే భార్య తనతో పెళ్ళికి ముందు ఎవరితోనూ ప్రేమలో పడకూడదని ఆశిస్తున్నా ఓ యువకుడికి... గతంలో ఒకరిని ప్రేమించిన అమ్మాయి పరిచయం అవుతుంది. ఆ తర్వాత ఏమైందనేది సినిమా.
Also Read : విడాకుల వార్తలపై స్పందించిన సింగర్స్ శ్రావణ భార్గవి, హేమచంద్ర
గోపీనాథ్ రెడ్డి దర్శకుడిగా పరిచయమైన 'సమ్మతమే' సినిమాను ఆయన తల్లి ప్రవీణా రెడ్డి నిర్మించారు. ఈ సినిమాకు శేఖర్ చంద్ర సంగీతం బలంగా నిలిచింది. ఆయన పాటలు, నేపథ్య సంగీతానికి మంచి పేరు వచ్చింది.
Also Read : మగబిడ్డకు జన్మనిచ్చిన 'దిల్' రాజు భార్య తేజస్విని వ్యాఘా రెడ్డి