Nayanthara's O2 Telugu Trailer: ఇప్పుడు లేడీ సూపర్ స్టార్ నయనతార చాలా బిజీ. పెళ్లి హడావిడిలో ఉండి ఉంటారు. ఈ రోజు ఉదయం చిరకాల ప్రియుడు విఘ్నేష్ శివన్ (Vignesh Shivan) తో ఆమె ఏడు అడుగులు వేసిన (Nayanthara Wedding) సంగతి తెలిసిందే. పెళ్లి తర్వాత నయన్ సినిమాలు చేస్తారా? లేదా? అని కొందరు డిస్కషన్ చేస్తున్నారు. అది నిజమా? కదా? అనేది పక్కన పెడితే... పెళ్ళైన వారం రోజులకు కొత్త సినిమాతో నయన్ ప్రేక్షకుల ముందుకు వస్తున్నారు.
నయనతార ప్రధాన పాత్రలో నటించిన సినిమా 'ఓ 2' (O2 Telugu Movie - ఓ 2 అంటే... ఆక్సిజన్ అన్నమాట). జూన్ 17న డిస్నీ ప్లస్ హాట్ స్టార్ ఓటీటీలో తెలుగు, తమిళ భాషల్లో స్ట్రీమింగ్ కానుంది. రెండు రోజుల క్రితం తమిళ్ ట్రైలర్ విడుదల చేశారు. నేడు తెలుగు ట్రైలర్ విడుదల చేశారు.
'ఓ 2' సినిమాలో ఓ చిన్నారికి తల్లిగా నయనతార నటించారు. బాబు అందరిలా నార్మల్ గా ఊపిరి తీసుకోలేడు... ఆక్సిజన్ సిలిండర్ కంపల్సరీగా ఉండాలి. ఆ బాబుతో కలిసి చిత్తూరు నుంచి కొచ్చికి ఒక బస్సులో ప్రయాణం అవుతారు. మార్గ మధ్యలో బస్సు మిస్ అవుతుంది. బస్సుకు, బస్సులో ప్రయాణీకులకు ఏమైంది? బాబును కాపాడుకోవడానికి నయనతార ఏం చేశారు? అనేది చిత్రకథ.
Also Read: 'బ్రో, ఐ డోంట్ కేర్' అంటున్న బాలకృష్ణ?
జి.ఎస్. వీక్నెష్ దర్శకత్వంలో డ్రీమ్ వారియర్ పిక్చర్స్ పతాకంపై ఎస్.ఆర్. ప్రభు, ఎస్.ఆర్. శేఖర్ 'ఓ 2' సినిమాను నిర్మించారు. విశాల్ చంద్రశేఖర్ సంగీతం అందించారు.
Also Read: సాయి పల్లవి కెరీర్ బెస్ట్ పెర్ఫార్మన్స్, మాటలు రావడం లేదు - 'విరాట పర్వం' చూసిన సెలబ్రిటీల రివ్యూ