నట సింహం నందమూరి బాలకృష్ణ (Nandamuri Balakrishna) కొత్త సినిమాకు 'బ్రో, ఐ డోంట్ కేర్' (NBK - Bro I Don't Care Movie) టైటిల్ ఖరారు చేసినట్టు ఫిల్మ్ నగర్ టాక్. అనిల్ రావిపూడి (Anil Ravipudi) దర్శకత్వంలో నందమూరి అందగాడు ఓ సినిమా చేయనున్న సంగతి తెలిసిందే. ఆ సినిమా టైటిల్ ఇదేనట! బాలకృష్ణ 108వ సినిమా ఇది (NBK 108 Movie).
జూన్ 10న బాలకృష్ణ బర్త్ డే సందర్భంగా (Balakrishna Birthday Special) ఈ రోజు అనిల్ రావిపూడి సినిమా టైటిల్ లోగో, ఫస్ట్ లుక్ విడుదల చేయడానికి సన్నాహాలు జరుగుతున్నాయని తెలుస్తోంది. ఒకవేళ ఈ రోజు చేయకపోతే... శుక్రవారం, రేపు పుట్టినరోజు సందర్భంగా చేసే అవకాశాలు ఉన్నాయి.
తండ్రీ కుమార్తె కథతో బాలకృష్ణ - అనిల్ రావిపూడి సినిమా రూపొందుతోంది. ఇప్పటి వరకూ చేయనటువంటి పాత్రలో నట సింహం కనిపిస్తారని టాక్. ఇందులో బాలయ్య కుమార్తెగా 'పెళ్లి సందడి' ఫేమ్, యుంగ్ హీరోయిన్ శ్రీలీల (SreeLeela in NBK 108) నటించనున్నారు. సినిమాలో మరో హీరోయిన్ అంజలి ఉన్నారు. ఆమెది విలన్ రోల్.
అక్కినేని నాగచైతన్య, సమంత జంటగా నటించిన 'మజిలీ'... నానితో 'కృష్ణార్జున యుద్ధం' చిత్రాలను నిర్మించిన షైన్ స్క్రీన్స్ పతాకంపై బాలయ్య 108వ సినిమా రూపొందుతోంది. సెప్టెంబర్ లేదా అక్టోబర్ నెలలో షూటింగ్ స్టార్ట్ చేసి... వచ్చే ఏడాది వేసవి కానుకగా సినిమాను విడుదల చేయడానికి సన్నాహాలు చేస్తున్నారు.
Also Read: సాయి పల్లవి కెరీర్ బెస్ట్ పెర్ఫార్మన్స్, మాటలు రావడం లేదు - 'విరాట పర్వం' చూసిన సెలబ్రిటీల రివ్యూ
అనిల్ రావిపూడి సినిమా కంటే ముందు... గోపీచంద్ మలినేని దర్శకత్వంలో నటిస్తున్న సినిమాతో బాలకృష్ణ ప్రేక్షకుల ముందుకు రానున్నారు. ఈ రోజు సాయంత్రం ఆ సినిమా టీజర్ విడుదల కానుంది.
Also Read: నా జీవితం నయనతారకు అంకితం, మీ అందరికీ రుణపడి ఉంటా - పెళ్లికి ముందు విఘ్నేష్ శివన్ ఎమోషనల్ పోస్ట్