ప్రస్తుతం దేశంలో డిస్నీప్లస్ హాట్ స్టార్ నంబర్ వన్ ఓటీటీ ప్లాట్‌ఫాంగా ఉంది. నంబర్ వన్ స్థాయికి తగ్గట్లే ప్రతి నెలా కొత్త కంటెంట్‌ను యాడ్ చేస్తూ వినియోగదారులను ఎంటర్‌టైన్ చేస్తూనే ఉంది. ఈ నెల ప్రథమార్థంలో హాట్‌స్టార్ ఒరిజినల్ కంటెంట్‌తో పాటు.. థియేటర్లలో విడుదల అయిన సినిమాను ఎక్స్‌క్లూజివ్‌గా స్ట్రీమింగ్ చేయనున్నారు.
ఇప్పటికే ‘ది గ్రేట్ ఇండియన్ మర్డర్’ వెబ్ సిరీస్ డిస్నీప్లస్ హాట్‌స్టార్‌లో స్ట్రీమ్ అవుతుంది. శుక్రవారం (ఫిబ్రవరి 4వ తేదీ) దీన్ని డిస్నీప్లస్ హాట్‌స్టార్ విడుదల చేసింది. క్రైమ్ కామెడీ జోనర్‌లో రూపొందిన ఈ సిరీస్‌కు విమర్శకుల ప్రశంసలు దక్కుతున్నాయి.
ఇక ఫిబ్రవరి 5వ తేదీన భారత్, ఇంగ్లండ్‌ల మధ్య అండర్-19 వరల్డ్ కప్ ఫైనల్ మ్యాచ్ జరగనుంది. భారత్ ఈ టోర్నీలో వరుసగా నాలుగు సార్లు ఫైనల్‌కు చేరడం విశేషం. ఈ మ్యాచ్ గెలిస్తే అత్యధికంగా నాలుగు వరల్డ్‌కప్‌లు గెలిచిన యువజట్టుగా భారత్ నిలవనుంది.
స్పైడర్ మ్యాన్: నో వే హోంలో హీరోయిన్‌గా నటించిన జెండాయా కీలక పాత్రలో నటిస్తున్న యుఫోరియా అనే వెబ్‌సిరీస్ రెండో సీజన్ ఐదో ఎపిసోడ్ ఫిబ్రవరి 7వ తేదీన విడుదల కానుంది. ఈ సిరీస్‌లో నెట్‌ఫ్లిక్స్ వారానికి ఒక ఎపిసోడ్‌ను విడుదల చేస్తుంది.
ఇక ఫిబ్రవరి 9వ తేదీన హౌ ఐ మెట్ యువర్ ఫాదర్, స్టార్ వార్స్‌కు చెందిన ది బుక్ ఆఫ్ బొబా ఫెట్ సిరీస్ ఎపిసోడ్లు విడుదల కానున్నాయి. ఇక ఫిబ్రవరి 11వ తేదీన హీరో సినిమా హాట్‌స్టార్‌లో స్ట్రీమ్ కానుంది. ఈ సినిమాలో మహేష్ బాబు మేనల్లుడు గల్లా అశోక్ హీరోగా నటించాడు. తన మొదటి సినిమా ఇదే. దీంతో పాటు మరిన్ని ఇంగ్లిష్ వెబ్ సిరీస్‌లకు చెందిన ఎపిసోడ్లు కూడా స్ట్రీమ్ అవ్వడానికి సిద్ధంగా ఉన్నాయి.