Appudo Ippudo Eppudo OTT Platform: ‘కార్తికేయ 2’తో పాన్ ఇండియా ఇమేజ్ సంపాదించిన హీరో నిఖిల్. ఆయన నటించిన లేటెస్ట్ సినిమా ‘అప్పుడో ఇప్పుడో ఎప్పుడో’. నేడు (శుక్రవారం) ఈ సినిమా థియేటర్లలో విడుదల అయింది. ఈ సినిమా ఓటీటీ ప్లాట్‌ఫాం కూడా ఇప్పుడు రివీల్ అయింది. అమెజాన్ ప్రైమ్ వీడియోలో ఈ సినిమా థియేట్రికల్ రన్ పూర్తయ్యాక స్ట్రీమ్ కానుంది. అయితే ఎప్పుడు స్ట్రీమ్ కానుందో మాత్రం తెలియరాలేదు.
బ్లాక్‌బస్టర్ కాంబినేషన్‌లో...
హీరో నిఖిల్, దర్శకుడు సుధీర్ వర్మలది బ్లాక్‌బస్టర్ కాంబినేషన్. వీరి కాంబోలో ఇంతకు ముందు ‘స్వామి రారా’, ‘కేశవ’ సినిమాలు తెరకెక్కాయి. ఈ రెండు సినిమాలూ బాక్సాఫీస్ వద్ద మంచి విజయాన్ని సాధించాయి. ‘అప్పుడో ఇప్పుడో ఎప్పుడో’ కూడా సక్సెస్ అయితే వీరి కాంబినేషన్ హ్యాట్రిక్ కొట్టేసినట్లే.
షార్ప్ రన్‌టైం...
రొమాంటిక్ క్రైమ్ కామెడీ థ్రిల్లర్‌గా తెరకెక్కిన ఈ సినిమా రన్ టైమ్ కూడా జోనర్‌కు తగ్గట్లు ఉంది. ‘అప్పుడో ఇప్పుడో ఎప్పుడో’ రన్‌టైమ్ కేవలం రెండు గంటల రెండు నిమిషాలు మాత్రమే. దీన్ని బట్టి సినిమా చాలా రేసీగా ఉంటుందని అనుకోవచ్చు.
త్వరలో నిఖిల్ మరో రెండు కొత్త సినిమాలతో ప్రేక్షకుల ముందుకు రానున్నారు. పీరియాడిక్ సినిమా ‘స్వయంభు’ మొదట రిలీజ్ కానుంది. అనంతరం ‘ది ఇండియా హౌస్’ అనే సినిమాలో కూడా నటించనున్నారు. ఇది కూడా పీరియాడిక్ సినిమానే.
రుక్మిణి, దివ్యాన్ష హీరోయిన్లుగా...
‘అప్పుడో ఇప్పుడో ఎప్పుడో’ సినిమాలో మోస్ట్ హ్యాపెనింగ్ బ్యూటీ రుక్మిణి వసంత్ హీరోయిన్‌గా నటిస్తున్నారు. దివ్యాన్ష కౌశిక్ కూడా మరో హీరోయిన్‌గా నటించారు. రుక్మిణి వసంత్‌కు తెలుగులో ఇదే మొదటి సినిమా. ఇప్పటి వరకు డబ్బింగ్ సినిమాలతో మాత్రమే పలకరించిన రుక్మిణి ఇప్పుడు తెలుగు హీరోయిన్‌గా మారారు.
ఈ సినిమాలో అజయ్, వైవా హర్ష, జాన్ విజయ్, సుదర్శన్, సత్య కూడా కీలక పాత్రల్లో నటించారు. జాన్ విజయ్, అజయ్ ప్రతినాయక పాత్రల్లో కనిపించారు. ప్రముఖ సింగర్ కార్తీక్ ఈ సినిమాకు సంగీతం అందిస్తున్నారు. సన్నీ ఎంఆర్ బ్యాక్‌గ్రౌండ్ స్కోర్ అందించారు. ‘స్వామి రారా’, ‘కేశవ’ సినిమాలకు కూడా సన్నీ ఎంఆర్‌నే సంగీతం అందించారు.
https://telugu.abplive.com/web-stories/cinema/happy-birthday-trivikram-srinivas-this-maverick-director-movies-imdb-ratings-from-athadu-to-agnyaathavasi-check-list-186406