ప్రతి వారం ఓటీటీలోకి కొత్త కొత్త సినిమాలు వస్తున్న విషయం తెలిసిందే. అందులో కొన్ని థియేటర్లలో రిలీజ్ అయి ఆ తర్వాత ఓటీటీలోకి వస్తుంటే, మరికొన్ని సినిమాలు మాత్రం డైరెక్ట్ గా ఓటీటీలో స్ట్రీమింగ్ కు రెడీ అవుతుంటాయి. అలా ఈ వారం థియేటర్లలో పూర్తిగా చిన్న చిత్రాల సందడి నడుస్తుంటే, ఓటీటీలో మాత్రం ఈ రోజు, రేపు మోస్ట్ అవైటింగ్ సినిమాలు, ఆసక్తికర వెబ్ సిరీస్ లు స్ట్రీమింగ్ అవుతున్నాయి. మరి ఏ మూవీ ఏ ఓటిటిలో స్ట్రీమింగ్ అవుతుందో తెలుసుకుందాం పదండి. 


సిటాడెల్ : హనీ బన్నీ 
చాలా కాలం గ్యాప్ తర్వాత సమంత స్పై యాక్షన్ థ్రిల్లర్ 'సిటాడెల్ : హనీ బన్నీ'తో ప్రేక్షకుల ముందుకు వచ్చింది. ఇందులో వరుణ్ ధావన్ హీరోగా నటించగా, రాజ్ అండ్ డీకే దర్శకత్వం వహించారు. ఈ మూవీ నవంబర్ 7 నుంచే డైరెక్ట్ గా అమెజాన్ ప్రైమ్ వీడియోలో స్ట్రీమింగ్ అవుతోంది.


లైఫ్ స్టోరీస్ 
సత్య కేతినిడి, శాలిని, దేవయాని శర్మ ప్రధాన పాత్రలు పోషించిన 'లైఫ్ స్టోరీస్' వెబ్ సిరీస్ నవంబర్ 7 నుంచి ఈటీవీ విన్ లో స్టీరింగ్ అవుతుంది. 


తెలిసినవాళ్లు 
హెబ్బా పటేల్, రామ్ కార్తీక్ జంటగా నటించిన రొమాంటిక్ ఎంటర్టైనర్ 'తెలిసిన వాళ్ళు'. నవంబర్ 7 నుంచి ఈ సినిమా డైరెక్ట్ గా ఈటీవీ విన్ లో స్ట్రీమింగ్ అవుతోంది. 


వేట్టయన్ 
సూపర్ స్టార్ రజనీకాంత్ హీరోగా నటించిన భారీ యాక్షన్ ఎంటర్టైనర్ 'వేట్టయన్'. ఇందులో రజనీకాంత్ హీరోగా నటించగా, అమితాబ్ బచ్చన్, రానా, ఫహద్ ఫాజిల్ కీలక పాత్రలు పోషించారు. దసరా కానుకగా థియేటర్లలోకి వచ్చిన ఈ మూవీ నవంబర్ 8 నుంచి నెట్ ఫ్లిక్స్ లో తెలుగు తో పాటు ఐదు భాషల్లో స్ట్రీమింగ్ కాబోతోంది.


దేవర 
ఓటిటి మూవీ లవర్స్ ఈగర్ గా వెయిట్ చేస్తున్న మోస్ట్ అవైటింగ్ మూవీ 'దేవర'. సెప్టెంబర్ 27 న రిలీజైన ఈ మూవీ థియేటర్లలో దాదాపు 300 కోట్లకు పైగా కలెక్షన్లు కొల్లగొట్టి, నిర్మాతలకు కాసుల వర్షం కురిపించింది. ఈ మూవీ నవంబర్ 8 నుంచి నెట్ ఫ్లిక్స్ లో స్ట్రీమింగ్ కాబోతోంది. కొరటాల శివ దర్శకత్వం వహించిన ఈ మూవీలో ఎన్టీఆర్ హీరోగా నటించగా, జాన్వి హీరోయిన్ గా కనిపించిన సంగతి తెలిసిందే.



జనక అయితే గనక 
సుహాస్ హీరోగా నటించిన రీసెంట్ హిట్ మూవీ 'జనక అయితే గనక'.  ఈ మూవీ నవంబర్ 8 నుంచి ఆహాలో అందుబాటులోకి రానుంది. 


ఏఆర్ఎం 
టోవినో థామస్, కృతి శెట్టి జంటగా నటించిన పీరియాడిక్ యాక్షన్ ఎంటర్టైనర్ (ఏఆర్ఏం). ఈ మలయాళ సినిమా నవంబర్ 8 నుంచి స్ట్రీమింగ్ కానుంది. 


విజయ్ 69 
అనుపమ్ ఖేర్ ప్రధాన పాత్ర పోషించిన హిందీ మూవీ 'విజయ్ 69'. ఈ స్పోర్ట్స్ డ్రామా డిస్ని ప్లస్ హాట్ స్టార్ లో నవంబర్ 8 నుంచి అందుబాటులోకి వస్తుంది. 


బంకింగ్ హామ్ మర్డర్స్ 
కరీనా కపూర్ ఖాన్ లీడ్ రోల్ పోషించిన మర్డర్ మిస్టరీ 'బంకింగ్ హామ్ మర్డర్స్' నెట్ ఫిక్స్ లో నవంబర్ 8 నుంచి స్ట్రీమింగ్ అవుతుంది.


అన్ స్టాపబుల్ సీజన్ 4 
ఆహాలో నవంబర్ 8న స్ట్రీమింగ్ కాబోతున్న 'అన్ స్టాపబుల్ సీజన్ 4'లో 'కంగువ' స్టార్స్ సూర్య, బాబి డియోల్ అతిధులుగా విచ్చేస్తున్నారు. బాలయ్య హోస్ట్ చేస్తున్న ఈ షో ప్రోమో ఇప్పటికే రిలీజై ఆసక్తిని పెంచేసిన విషయం తెలిసిందే.