Pawan Kalyan: నా అప్పు తీర్చేందుకే పవన్ ఆ మూవీ చేశాడు- ‘గబ్బర్ సింగ్‘ వెనుక అసలు కథ చెప్పిన నాగబాబు

‘గబ్బర్ సింగ్‘ సినిమాకు సంబంధించి నటుడు నాగబాబు కీలక విషయాలు వెల్లడించారు. తన అప్పులు తీర్చేందుకే పవన్ కల్యాణ్ ఈ చేశాడని వెల్లడించారు. ప్రస్తుతం నాగబాబు వ్యాఖ్యలు నెట్టింట వైరల్ అవుతున్నాయి.

Nagababu About Gabbar Singh Movie: పవర్ స్టార్ పవన్ కల్యాణ్ హీరో హరీష్ శంకర్ దర్శకత్వంలో తెరకెక్కిన బ్లాక్ బస్టర్ హిట్ మూవీ ‘గబ్బర్ సింగ్‘. బండ్ల గణేష్ నిర్మాతగా వ్యవహరించిన  సినిమా 2012లో విడుదలై బాక్సాఫీస్ దగ్గర రికార్డుల మోత మోగించింది. పవన్ కెరీర్ లోనే అత్యధిక వసూళ్లు సాధించిన చిత్రంగా రికార్డు నెలకొల్పింది. పవర్ స్టార్ బర్త్ డే(సెప్టెంబర్ 2న) ఈ సినిమా రీ రిలీజ్ అయ్యింది. ఈ నేపథ్యంలో  ‘గబ్బర్ సింగ్‘ సినిమాకు సంబంధించి మెగా బ్రదర్ నాగబాబు ఆసక్తికర విషయాలు వెల్లడించారు.

నా అప్పుడు తీర్చేందకు ‘గబ్బర్ సింగ్‘ సినిమా చేశాడు- నాగబాబు

తన అప్పులు తీర్చేందుకు పవన్ కల్యాణ్ ‘గబ్బర్ సింగ్‘ సినిమా చేశాడని మెగా బ్రదర్ నాగబాబు వెల్లడించారు. “సల్మాన్ ఖాన్ బ్రదర్ అర్బాజ్ ఖాన్ దగ్గర ‘దబాంబ్’ రీమేక్ రైట్స్ తీసుకున్నాం. ఫ్రాఫిట్స్ లో నా(నాగబాబు) అప్పులు తీర్చి, ఆ తర్వాత  ఏమైనా తనకు రెమ్యునరేషన్ ఇస్తే ఇవ్వు. లేకపోతే లేదని కల్యాణ్ బాబు బండ్ల గణేష్ తో ఒప్పందం చేసుకున్నాడు. ఈ ప్రపోజల్ కు గణేష్ కూడా ఓకే చెప్పాడు. అయితే, ఈ సినిమాకు వస్తున్న క్రేజ్ చూసి పవన్ ప్రపోజల్ మార్చాడు. సినిమా మంచి హిట్ అవుతుంది. నీ లాభాలు నువ్వు తీసుకో. నీకు ఇవ్వాలనిపించిన రెమ్యునరేషన్ నాకు ఇవ్వు. ఆ డబ్బుతో మా అన్నయ్య అప్పుడు నేను తీర్చుకుంటానని చెప్పాడు. గణేష్ దానికి కూడా ఓకే చెప్పాడు. ఆ సినిమా అద్భుత విజయాన్ని అందుకుంది. మంచి లాభాలు వచ్చాయి. పవన్ తీసుకున్న రెమ్యునరేషన్ తో నా అప్పుడు అన్నీ తీర్చాడు. నా అప్పుడు తీర్చేందుకే తమ్ముడు ‘గబ్బర్ సింగ్’ సినిమా చేశాడు. ఆ సమయంలో పవన్ కూడా ఆర్థిక ఇబ్బందుల్లోనే ఉన్నాడు. అయినా, నాకు అప్పుల తిప్పలు తప్పించాడు” అని చెప్పుకొచ్చారు.  

‘ఆరెంజ్’ సినిమాతో అప్పుల్లో కూరుకుపోయిన నాగబాబు

నాగబాబు ‘ఆరెంజ్’ సినిమాతో తీవ్రంగా నష్టపోయారు. రామ్ చరణ్ హీరోగా నటించిన ఈ సినిమా బాక్సాఫీస్ దగ్గర డిజాస్టర్ గా మిగిలింది. నాగబాబు అప్పుల్లో కూరుకుపోయాడు. ఆ అప్పుల నుంచి బయటపడేందుకు నాగబాబు చాలా కష్టపడ్డాడు. చివరికి పవన్ కల్యాణ్ ‘గబ్బర్ సింగ్’ సినిమా చేసి ఆ అప్పుడు తీర్చాడని నాగబాబు ఇప్పటికే పలుమార్లు వెల్లడించారు. తాజాగా ఫుల్ క్లారిటీ ఇచ్చాడు. ప్రస్తుతం నాగబాబు వ్యాఖ్యలు సోషల్ మీడియాలో బాగా వైరల్ అవుతున్నాయి. పవన్ కల్యాణ్ మంచి మనసు పట్ల నెటిజన్లు ప్రశంసలు కురిపిస్తున్నారు. అందుకే, పవర్ స్టార్ ను అభిమానులు అంతగా ఇష్టపడుతారని కామెంట్స్ పెడుతున్నారు. పవన్ లాంటి తమ్ముడు ఉండటం నిజంగా నాగబాబుతో పాటు కొణిదెల ఫ్యామిలీ చేసుకున్న అదృష్టం అంటున్నారు.