Mahesh Babu-Trivikram : మహేష్ బాబుతో త్రివిక్రమ్ సినిమా.. నవంబర్ నుంచి షురూ.. 

టాలీవుడ్ స్టార్ డైరెక్టర్ త్రివిక్రమ్ శ్రీనివాస్.. సూపర్ స్టార్ మహేష్ బాబుతో ఓ సినిమా చేయనున్న సంగతి తెలిసిందే.

టాలీవుడ్ స్టార్ డైరెక్టర్ త్రివిక్రమ్ శ్రీనివాస్.. సూపర్ స్టార్ మహేష్ బాబుతో ఓ సినిమా చేయనున్న సంగతి తెలిసిందే. ఈ సినిమాకి సంబంధించిన అనౌన్స్మెంట్ వచ్చి చాలా కాలమవుతుంది. రీసెంట్ గా మహేష్ బాబు పుట్టినరోజు సందర్భంగా సినిమా హీరోయిన్, టెక్నీషియన్స్ లిస్ట్ ను వెల్లడించారు. అయితే ఇప్పుడు ఈ సినిమా రెగ్యులర్ షూటింగ్ మొదలుపెట్టడానికి సన్నాహాలు చేస్తున్నారు. ప్రస్తుతం పవన్ కళ్యాణ్ నటిస్తోన్న 'భీమ్లా నాయక్' సినిమాకి డైలాగ్స్, స్క్రీన్ ప్లే అందిస్తున్నారు త్రివిక్రమ్. 

ఈ సినిమాకి ఈయనే గోస్ట్ డైరెక్టర్ అనే మాటలు కూడా వినిపిస్తున్నాయి. ఇదిలా ఉండగా.. త్రివిక్రమ్ ప్రస్తుతం మహేష్ సినిమాకి సంబంధించిన పనులు మొదలుపెట్టారట. గతంలో 'అతడు', 'ఖలేజా' లాంటి సినిమాల కోసం వీరిద్దరూ కలిసి పని చేశారు. ఇప్పుడు మరోసారి త్రివిక్రమ్-మహేష్ బాబు కాంబినేషన్ లో సినిమా వస్తుండడంతో అంచనాలు పెరిగిపోయాయి. ఈ ఏడాది నవంబర్ నుంచి సినిమా రెగ్యులర్ షూటింగ్ మొదలుపెట్టాలనుకుంటున్నారు. 

నవంబర్ నుండి మహేష్ బాబు తన కాల్షీట్స్ ను ఇచ్చినట్లు సమాచారం. అప్పటికి 'సర్కారు వారి పాట' సినిమాను పూర్తి చేయాలనేది మహేష్ ప్లాన్. అనుకున్నట్లుగా జరిగితే వచ్చే ఏడాది సమ్మర్ కి మహేష్-త్రివిక్రమ్ సినిమా ప్రేక్షకుల ముందుకు వచ్చే ఛాన్స్ ఉంది. ఈ సినిమాలో హీరోయిన్ గా పూజాహెగ్డే నటిస్తుండగా.. తమన్ సంగీతం అందిస్తున్నారు. సినిమాటోగ్రాఫర్ గా, ఎడిటర్ గా పేరున్న వాళ్లను తీసుకున్నారు. భారీ బడ్జెట్ తో సినిమాను నిర్మించబోతున్నారు.