Bigg Boss 5 Telugu: ‘బిగ్ బాస్ 5’ అరుదైన రికార్డ్.. దేశంలో 2 స్థానంలో తెలుగు రియాల్టీ షో

ఊరించి ఊరించి ప్రారంభమైన తెలుగు బిగ్ బాస్ సీజన్ 5 ట్రెండింగ్ లో ఉంది. ఏకంగా దేశంలోనే రెండో స్థానంలో నిలిచింది ఈ తెలుగు రియాల్టీ షో.

బుల్లితెర ప్రేక్షకులు ఎదురుచూస్తున్న బిగ్ బాస్ రియాల్టీ షో సందడి మామూలుగా లేదు. అత్యంత గ్రాండ్ గా ప్రారంభమైన షో నాగార్జున ఎంట్రీ నుంచి హౌస్ లో లైట్స్ ఆఫ్ చేసేవరకూ ఓ రేంజ్ లో సాగింది. మాస్,  క్లాస్,  ఓల్డ్ ఇలా అన్ని రకాల పాటల డాన్స్ లతో నాగ్ ఎంట్రీకి ఫిదా అయిపోయారు. ఎంట్రీ తర్వాత బిగ్ బాస్ హౌస్ లోకి వెళ్లిన నాగ్ అక్కడ కాసేపు తిరుగుతూ ఇంటి వివరాలు వెల్లడించాడు. ఆ తర్వాత మళ్లీ స్టేజ్ పైకి వచ్చి కంటెస్టేంట్స్ ను ఆహ్వానించాడు. ఈ షోకు ఊహించని క్రేజ్ వచ్చింది. జాతీయ స్థాయిలో ఈ షో 2వ స్థానంలో ట్రెండింగ్ అవుతోంది. అంటే మన తెలుగు కార్యక్రమం.. హిందీ షోలకు గట్టి పోటీ ఇస్తుందన్నమాట. ఈ నేపథ్యంలో ‘స్టార్ మా’కు టీఆర్పీ అమాంతంగా పెరిగే అవకాశాలు కనిపిస్తున్నాయి.

  

షో విషయానికొస్తే మొదటి కంటెస్టెంట్‌గా పలు సినిమాల్లో హీరోయిన్ ఫ్రెండ్ గా నటించిన, యూట్యూబ్‌లో సందడి చేసే సిరి హన్మంతు. ఈమె హౌస్‌లో అడుగుపెట్టబోతోందని ఆరు నెలలుగా ప్రచారం జరుగుతున్నట్టే నిజమైంది. కొందరు పాటలతో ఎంట్రీ ఇస్తే మరికొందరు డాన్సులతో సందడి చేశారు. తమని తాము పరిచయం చేసుకుని మొత్తం 19 మంది కంటిస్టెంట్స్ లోపలకు అడుగుపెట్టారు. ‘బిగ్ బాస్’ హౌస్ అంటేనే టాస్కుల మయం. అయితే ఎంట్రీ ఇచ్చిన వెంటనే టాస్కులు పెట్టి కంటిస్టెంట్స్ , ఆడియన్స్ ఉత్సాహాన్ని నింపాడు బిగ్ బాస్. హౌస్ లో రెండు సింగిల్ బెడ్స్‌ను లాక్ చేసిన బిగ్ బాస్ ఒకదాన్ని అన్ లాక్ చేయడం కోసం టాస్క్ పెట్టారు. నాలుగు విడతల్లో జరిగిన టాస్కుల్లో నలుగురు కంటెస్టెంట్స్ విజేతలుగా నిలువగా.. వారికి మరో టాస్క్ ఇచ్చి ఫైనల్ విజేతను ప్రకటించారు. ఫైనల్ విజేతగా విశ్వ నిలిచినప్పటికీ ఆ సింగిల్ బెడ్‌ను ట్రాన్స్ జెండర్ ప్రియాంకకు ఇచ్చేశాడు.

సిరి హన్మంతు,  వీజే సన్నీ, లహరి, శ్రీరామ చంద్ర, అనీ మాస్టర్, లోబో, ప్రియా, మోడల్ జెస్సీ, ట్రాన్స్ జెండర్, ప్రియాంక, షన్ముఖ్ జశ్వంత్, హమీద, నటరాజ్ మాస్టర్, 7 ఆర్ట్స్ సరయు, విశ్వ, ఉమాదేవి, మానస్, ఆర్జే కాజల్ , శ్వేత, యాంకర్ రవితో కలసి మొత్తం 19 మందితో హౌస్ కళకళలాడిపోతోంది. మొదటి వారం నుంచే ఒకొక్కరు చొప్పున ఎలిమినేటైపోతూ ఉంటారు. ఇక బిగ్ బాస్ సీజన్ 5 కంటెస్టెంట్స్ విషయంలో భిన్నాభిప్రాయాలు వ్యక్తమవుతున్నాయి. ఓ ఐదారుగురు మినహా మిగిలిన వారంతా ప్రేక్షకులకు కొత్తే అన్నట్టుంది. యాంకర్ రవి, షణ్ముఖ్ జశ్వంత్ వీరిద్దరిలో ఎవరో ఒకరు ఈ సీజన్ విజేతలుగా  నిలుస్తారని అప్పుడే సోషల్ మీడియాలో ప్రచారం మొదలైపోయింది. మరి మొదటి వారం ఎలిమినేట్ అయ్యేదెవరో చూద్దాం.