Kalyaan Dhev: కూతురి బర్త్ డే, విష్ చేయని కళ్యాణ్ దేవ్ - తెరపైకి మరోసారి శ్రీజ విడాకుల వ్యవహారం!

కొన్నాళ్లుగా శ్రీజ, కళ్యాణ్ విడిపోతున్నట్లు సోషల్ మీడియాలో ప్రచారం జరుగుతోంది. వీరిద్దరూ వేర్వేరుగా ఉంటున్నారని.. త్వరలోనే విడాకులు తీసుకోబోతున్నారని వార్తలు చక్కర్లు కొడుతున్నాయి.

మెగాస్టార్ చిరంజీవి చిన్న కూతురు శ్రీజ మ్యారీడ్ లైఫ్ గురించి సోషల్ మీడియాలో పలు రకాల వార్తలు వినిపిస్తున్నాయి. గతంలో శిరీష్ భరద్వాజ్ అనే వ్యక్తిని ప్రేమించి పెళ్లి చేసుకుంది శ్రీజ. వీరికి నివృతి అనే కూతురు కూడా పుట్టింది. కొన్ని రోజులకు ఈ జంట విడాకులు తీసుకుంది. ఆ తరువాత చాలా కాలానికి శ్రీజ.. కళ్యాణ్ దేవ్ ని పెళ్లి చేసుకుంది. కొంతకాలం పాటు వీరు అన్యోన్యంగానే కనిపించారు. వీరిద్దరికీ ఓ కూతురు కూడా పుట్టింది. 

అయితే కొన్నాళ్లుగా శ్రీజ, కళ్యాణ్ విడిపోతున్నట్లు సోషల్ మీడియాలో ప్రచారం జరుగుతోంది. వీరిద్దరూ వేర్వేరుగా ఉంటున్నారని.. త్వరలోనే విడాకులు తీసుకోబోతున్నారని వార్తలు చక్కర్లు కొడుతున్నాయి. దానికి తగ్గట్లే శ్రీజ తన ఇన్స్టాగ్రామ్ ఖాతాలో కళ్యాణ్ పేరుని తొలగించింది. అతడిని అన్ ఫాలో కూడా చేయడంతో రూమర్లు ఎక్కువయ్యాయి. ఇప్పుడు మరోసారి శ్రీజ, కళ్యాణ్ దేవ్ ల వ్యవహారం హాట్ టాపిక్ అవుతోంది. 

ఈరోజు శ్రీజ పెద్ద కూతురు నివృతి పుట్టినరోజు. ఈ సందర్భంగా శ్రీజ కూతురు బర్త్ డే సెలబ్రేట్ చేసింది. ఈ వేడుకల్లో కళ్యాణ్ దేవ్ కనిపించలేదు. నివృతిని విష్ చేస్తూ సోషల్ మీడియాలో ఒక పోస్ట్ కూడా పెట్టలేదు కళ్యాణ్ దేవ్. దీంతో మరోసారి శ్రీజ, కళ్యాణ్ దేవ్ విడాకుల వ్యవహారం తెరపైకి వచ్చింది. గతేడాది మాత్రం కళ్యాణ్ దేవ్.. నివృతి పుట్టినరోజు నాడు చాలా ఎమోషనల్ గా ఓ పోస్ట్ పెట్టారు. ఇప్పుడు ఆ పోస్ట్ వైరల్ అవుతోంది.