కోలీవుడ్ స్టార్, దళపతి విజయ్ (Thalapathy Vijay) హీరోగా తెరకెక్కుతున్న తాజా సినిమా 'ది గోట్'. The GOAT అంటే... ది గ్రేటెస్ట్ ఆఫ్ ఆల్ టైమ్ అని మీనింగ్. ఈ చిత్రానికి వెంకట్ ప్రభు దర్శకత్వం వహిస్తున్నారు. ఈ సినిమాకు యువన్ శంకర్ రాజా సంగీతం అందిస్తున్నారు. ఆల్రెడీ రెండు సాంగ్స్ రిలీజ్ అయ్యాయి. ఇప్పుడు మూడో సాంగ్ వచ్చింది.
తమిళంలో విడుదలైన గంటకు తెలుగులో!
విజయ్ కోసం యువన్ శంకర్ రాజా తనదైన మార్క్ బాణీలో 'స్పార్క్' సాంగ్ కంపోజ్ చేశారు. ఈ పాటను సంగీత దర్శకుడు యువన్ స్వయంగా ఆలపించడం విశేషం. ఈ సాంగ్ తమిళ్ వెర్షన్ ఆరు గంటలకు విడుదల అయ్యింది. తెలుగు పాటను 7 గంటలకు విడుదల చేశారు.
'ది గోట్'లో మూడో పాట 'స్పార్క్'కు తెలుగులో 'సరస్వతీ పుత్ర' రామ జోగయ్య శాస్త్రి సాహిత్యం అందించారు. వృష బాలుతో కలిసి యువన్ శంకర్ రాజా పాడారు. ఇది ఇన్స్టంట్ హిట్ అయ్యింది.
'ది గోట్' సినిమాను ఎజిఎస్ ఎంటర్‌టైన్‌మెంట్ ప్రై.లి. పతాకం మీద కల్పాత్తి ఎస్ అఘోరమ్, కల్పాత్తి ఎస్ గణేష్, కల్పాత్తి ఎస్ సురేష్ ప్రొడ్యూస్ చేస్తున్నారు. పాన్ ఇండియా ప్రొడక్షన్ హౌస్ మైత్రీ మూవీ మేకర్స్ (The Goat Telugu Release) ఈ పాన్ ఇండియా మూవీ తెలుగు వెర్షన్‌ను భారీ ఎత్తున విడుదల చేయనుంది. ఈ సినిమాకు సిద్ధార్థ నుని సినిమాటోగ్రఫీ అందిస్తున్నారు.
Also Read: దేవర పాటకు నయన్ భర్త లిరిక్స్ - ఆ నాలుగు భాషల్లో ఒక్కరే, తమిళ్‌కు సపరేట్ సింగర్
The Goat Songs: 'ది గోట్' నుంచి ఆల్రెడీ విడుదల చేసిన ఫస్ట్ సాంగ్ 'విజిలేస్కో', రెండో సాంగ్ 'నిన్ను కన్న కనులే'... రెండిటికీ సూపర్బ్ రెస్పాన్స్ వచ్చిందని ఫిల్మ్ మేకర్స్ సంతోషం వ్యక్తం చేశారు. సాంగ్స్ హిట్ అవుతుండటం, విజయ్ రాజకీయాల్లోకి వెళుతుండటంతో లాస్ట్ సినిమా ఇదేననే ప్రచారం 'ది గోట్' మీద మరింత అంచనాలు పెంచుతోంది.
Also Read: పిఠాపురం ఎమ్మెల్యే గారి తాలూకా... పవన్ నియోజకవర్గంలోని కుక్కుటేశ్వర ఆలయంలో నిహారిక పూజలు
Vijay dual role in The Goat: 'ది గోట్' సినిమాలో విజయ్ డ్యూయల్ రోల్ చేస్తున్నారు. ఆయన సరసన మీనాక్షి చౌదరి (Meenakshi Chaudhary) కథానాయిక. ఇంకా ఈ సినిమాలో ప్రశాంత్, ప్రభుదేవా, మోహన్, జయరామ్, స్నేహ, లైలా, అజ్మల్ అమీర్, వైభవ్, యోగి బాబు, ప్రేమి అమరన్, యుగేంద్రన్ వాసుదేవన్, అఖిలన్ ఇతర ప్రధాన తారాగణం.