సూపర్ స్టార్ రజనీకాంత్ (Rajinikanth) కథానాయకుడిగా లైకా ప్రొడక్షన్స్ అధినేత సుభాస్కరన్ నిర్మించిన తాజా సినిమా 'వేట్టయన్: ద హంటర్' (Vettaiyan The Hunter) ప్రపంచ వ్యాప్తంగా ఈ రోజు థియేటర్లలో విడుదలైంది. సింగపూర్ సహా కొన్ని ఓవర్సీస్ లొకేషన్లలో ప్రీమియర్ షోలు పడుతున్నాయి. సోషల్ మీడియాలో సినిమా టాక్ ఎలా ఉందో తెలుసా? 


నటనతో డామినేట్ చేసిన రజనీకాంత్
సూపర్ స్టార్ రజనీకాంత్ సినిమా అంటే ఆయన హీరోయిజం అండ్ మేనరిజమ్స్ హైలైట్ అవుతాయి. కానీ, ఈ సినిమాలో ఆయన నటన గురించి ప్రేక్షకులు ఎక్కువ మాట్లాడతారని ఎర్లీ షోస్ రిపోర్ట్ బట్టి మనకు అర్థం అవుతుంది. ఇది యాక్టింగ్ బేస్డ్ సినిమా అని నెటిజనులు చెబుతున్నారు. సినిమా థీమ్ కూడా సూపర్ ఉందట. రజనీ ఫ్యాన్స్‌ కొందరు ఇండస్ట్రీ హిట్ అంటున్నారు.










రజనీకాంత్ ఫ్యాన్స్ డిజప్పాయింట్ అవ్వాల్సిన అవసరం లేదు. ఆయన నుంచి అభిమానులు కోరుకునే మాస్ మూమెంట్స్ సినిమాలో చాలా ఉన్నాయని టాక్. ఎన్కౌంటర్ స్పెషలిస్ట్ పాత్రలో రజనీ హీరోయిజం అదిరిందట. ఆయనతో పాటు బాలీవుడ్ మెగాస్టార్ అమితా‌బ్ బచ్చన్ కూడా మిగతా నటీనటులను డామినేట్ చేశారని తెలిసింది.


Also Read: 'వేట్టయన్' తెలుగు టైటిల్ వివాదం- పేరు ఎందుకు మార్చలేదో క్లారిటీ ఇచ్చిన లైకా ప్రొడక్షన్స్



ఇంటర్వెల్, సెకండాఫ్ సినిమా హైలైట్స్!
దర్శకుడు టీజే జ్ఞానవేల్ క్యారెక్టర్లు ఎస్టాబ్లిష్ చేయడానికి సినిమా స్టార్టింగ్ నుంచి కొంత సమయం తీసుకున్నారని ట్విట్టర్ టాక్. ఇంటర్వెల్ వచ్చేసరికి సినిమా పిక్ అప్ అయ్యిందట. అక్కడి నుంచి క్లైమాక్స్ వరకు పరుగులు పెట్టిందట. ఇంటర్వెల్ సెకండాఫ్ సినిమాకు హైలైట్స్ అవుతాయని... మంచి ట్విస్టుతో కూడిన సందేశాన్ని చెప్పారట. ఆ ట్విస్ట్ ఏమిటనేది తెలియాలంటే సినిమా చూడాలి.  






రానా దగ్గుబాటి... ఫహాద్ ఫాజిల్ కూడా!
'వేట్టయన్: ద హంటర్' సినిమాలో టాలీవుడ్ హంక్ రానా దగ్గుబాటి (Rana Daggubati) విలన్ రోల్ చేసిన సంగతి తెలిసిందే. తమిళనాడు జరిగిన ప్రీ రిలీజ్ వేడుకలో రానాపై రజనీకాంత్ పొగడ్తల వర్షం కురిపించారు. రామానాయుడు గారి మనవడిగా రానాను చిన్నప్పటి నుంచి చూస్తున్నానని, తన కళ్ళ ముందు పెరిగిన ఆ యువకుడు ఈ సినిమాలో కొన్ని సన్నివేశాల్లో ఇచ్చిన ఎక్స్ప్రెషన్స్ చూస్తే భయపడ్డానని చెప్పారు. 


Also Read: థియేటర్లు దద్దరిల్లేలా 'గుంగురూ గుంగురూ'... గోపీచంద్ సినిమాకు భీమ్స్ మాస్ బీట్



సినిమాలో రానా పాత్రతో పాటు ఆయన నటన కూడా చాలా బాగుందట. పుష్ప సినిమాలో షెకావత్ పాత్రతో తెలుగు ప్రేక్షకుల్ని మెప్పించిన మలయాళ స్టార్ ఫహాద్ ఫాజిల్ నటన సైతం బావుందని చెబుతున్నారు. సోషల్ మీడియాలో సినిమా గురించి ఆడియన్స్ ఏమని చెబుతున్నారో కింద ట్వీట్లలో చూడండి.