Actress Samyuktha: శర్వా 37లో సంయుక్త... శాస్త్రీయ నృత్యం చేస్తున్న దియా - ఫస్ట్ లుక్ చూశారా?

శర్వానంద్ హీరోగా అబ్బరాజు దర్శకత్వంతో తెరకెక్కునున్న తాజా చిత్రం ‘శర్వా 37’. ఈ సినిమాలో సంయుక్త మీనన్ హీరోయిన్ గా నటిస్తోంది. ఇవాళ ఆమె బర్త్ డే కావడంతో మేకర్స్ అదిరిపోయే పోస్టర్ ను రిలీజ్ చేశారు.

Actress Samyuktha First Look From ‘Sharwa37’: టాలీవుడ్ యంగ్ హీరో శర్వానంద్, ‘సామజవరగమన’ దర్శకుడు రామ్ అబ్బరాజు కాంబోలో ఓ సినిమా తెరకెక్కుతోంది. దీని వర్కింగ్ టైటిల్ ‘శర్వా 37’. అంటే... శర్వానంద్ 37వ చిత్రమిది. ఈ సినిమాలో ఇద్దరు హీరోయిన్లు నటిస్తున్నారు. వారిలో ఒకరు సంయుక్త కాగా... మరొకరు యంగ్ బ్యూటీ సాక్షి వైద్య. ఇప్పటికే ఈ సినిమా నుంచి శర్వానంద్ తో పాటు సాక్షి వైద్య  ఫస్ట్ లుక్స్ రిలీజ్ అయ్యాయి. ఈ పోస్టర్లకు ప్రేక్షకుల నుంచి మంచి రెస్పాన్స్ వచ్చింది. ఇవాళ సంయుక్త బర్త్ డే కావడంతో మేకర్స్ ఆమె ఫస్ట్ లుక్ రివీల్ చేశారు.

సంయుక్తకు అదిరిపోయే బర్త్ డే గిఫ్ట్   

టాలెంటెడ్ హీరోయిన్ సంయుక్త ‘శర్వా 37’లో కీలక పాత్ర పోషిస్తున్నారు. ఇందులో ఆమె దియా అనే పాత్రలో నటిస్తున్నారు. ఆమె బర్త్ డే సందర్భంగా మేకర్స్ ఆమెను సర్ ప్రైజ్ చేశారు. సంప్రదాయ దుస్తుల్లో ఆకట్టుకునేలా ఉన్న పోస్టర్ ను రిలీజ్ చేశారు. పేరుకు తగ్గట్టుగానే చేతిలో దీపాలను పట్టుకుని అందంగా కనిపిస్తున్నది సంయుక్త. శాస్త్రీయ నృత్యానికి సంబంధించిన అలంకరణలో ఆహా అనిపిస్తున్నది. ప్రస్తుతం ఈ పోస్టర్ నెట్టింట తెగ వైరల్ అవుతుంది. సినీ అభిమానులు ఈ పోస్టర్ ను చూసి ఆమెకు బర్త్ డే శుభాకాంక్షలు చెప్తున్నారు.

నిత్య సాక్షి పాత్రలో వైద్య

అటు ఈ మూవీలో సాక్షి వైద్య నిత్య సాక్షి పాత్రలో నటించనుంది. ఈమె క్యారెక్టర్ కు సంబంధించిన పోస్టర్ ను రీసెంట్ గా ఆమె బర్త్ డే సందర్భంగా రిలీజ్ చేశారు. చక్కటి లుక్ లో అలరించింది. ఇప్పటికే ఈ ముద్దుగుమ్మ ‘ఏజెంట్’, ‘గాండీవధారి అర్జున’ లాంటి సినిమాలతో ప్రేక్షకులను ఆకట్టుకోగా, ఈ సినిమాతో మరోసారి ప్రేక్షకుల ముందుకురాబోతున్నది.

ఈ సినిమా పేరు ఫిక్స్ అయ్యిందా?

‘శర్వా 37’ మూవీకి ‘నారీ నారీ నడుమ మురారి’ అనే టైటిల్ ఫిక్స్ అయినట్లు ఇండస్ట్రీలో టాక్ వినిపిస్తోంది. గతంలో ఇదే పేరుతో బాలయ్య ఓ సినిమా చేశారు. అప్పట్లో ఈ సినిమా సంచలన విజయాన్ని అందుకుంది. ఇద్దరు భామల నడుమ బాలయ్య ఎలాంటి ఇబ్బందులు పడ్డారో, ఈ సినిమాలో శర్వా కూడా అలాగే ఇబ్బంది పడనున్నట్లు తెలుస్తోంది. ఈ మూవీ కూడా ఎమోషనల్, కామెడీతో తెరకెక్కనున్నట్లు తెలుస్తోంది. ప్రస్తుతం ఈ సినిమాకు సంబంధించి ప్రీ ప్రొడక్షన్ పనులు శరవేగంగా కొనసాగుతున్నాయి. త్వరలోనే సెట్స్ మీదకు వెళ్లే అవకాశం ఉంది.

‘శర్వా 37’ మూవీని  ఎకె ఎంటర్‌టైన్‌మెంట్స్, అడ్వెంచర్స్ ఇంటర్నేషనల్ ప్రైవేట్ లిమిటెడ్ బ్యానర్లపై అనిల్ సుంకర, రామబ్రహ్మం సుంకర నిర్మిస్తున్నారు. విశాల్ చంద్రశేఖర్ సంగీతం అందిస్తున్నారు. జ్ఞాన శేఖర్ VS సినిమాటోగ్రఫీ బాధ్యతలను నిర్వహిస్తున్నారు. భాను బోగవరపు కథ అందించగా, నందు సావిరిగాన డైలాగ్స్ రాశారు. బ్రహ్మ కడలి ఆర్ట్ డైరెక్టర్ గా ఉన్నారు. అజయ్ సుంకర సహ నిర్మాతగా, కిషోర్ గరికిపాటి ఎగ్జిక్యూటివ్ ప్రొడ్యూసర్ కొనసాగనున్నారు. ‘మనమే’ మూవీతో మంచి హిట్ అందుకున్న శర్వానంత్, ఈ సినిమాతో మరో హిట్ అందుకోవాలని భావిస్తున్నాడు.