Aarti Ravi: నన్ను అడగకుండానే విడాకుల ప్రకటన చేశాడు, ‘జయం’ రవి పై భార్య సంచలన ఆరోపణలు

తమిళ హీరో ‘జయం’ రవిపై ఆయన భార్య ఆర్తి షాకింగ్ కామెంట్స్ చేసింది. తనకు చెప్పకుండానే విడాకుల ప్రకటన చేశాడని ఆరోపించింది. ఆయన ప్రకటన చూసి షాక్ కు గురైనట్లు వెల్లడించింది.

Aarti Ravi Responds On Jayam Ravi’s Divorce Announcement: తమిళ నటుడు ‘జయం’ రవి తన భార్యతో విడాకులు తీసుకుంటున్నట్లు తాజాగా ప్రకటించారు. ఈ నేపథ్యంలో ఆయన సతీమణి ఆర్తి సంచలన ఆరోపణలు చేసింది. తనకు తెలియకుండా, తనను సంప్రదించకుండానే విడాకుల ప్రకటన చేశారని వెల్లడించింది. విడాకుల ప్రకటన చూసి తాను షాక్ అయ్యానని తెలిపింది. ఈమేరకు సోషల్ మీడియా వేదికగా ఓ నోట్ రిలీజ్ చేసింది.

  

నేను, నా పిల్లలు షాకయ్యాం- ఆర్తి

తన నుంచి ఎలాంటి అనుమతి లేకుండానే రవి విడాకుల ప్రకటన చేశాడని ఆర్తి ఆరోపించింది. “నాకు తెలియకుండా, నా వివరణ అడగకుండానే రవి విడాకుల గురించి ప్రకటించారు. ఈ విషయం తెలిసి నేను షాకయ్యాను. ఎంతో బాధపడ్డాను. గత 18 సంవత్సరాలుగా ఇద్దరం కలిసి ఉంటున్నాం. అత్యంత కీలకమైన విడాకుల విషయంలో నా నుంచి అనుమతి తీసుకోలేదు. గత కొంత కాలంగా మా ఇద్దరి మధ్య మనస్పర్ధలు వచ్చాయి. నేరుగా మాట్లాడుకుని పరిష్కరించుకోవాలనుకున్నా. నా భార్తతో మాట్లాడలని ఇప్పటికీ ప్రయత్నిస్తూనే ఉన్నాను. కానీ, ఇప్పటికీ నాకు ఆ ఛాన్స్ దొరకలేదు. విడాకుల ప్రకటన చూసి నేను, నా పిల్లలు దిగ్భ్రాంతికి గురయ్యాం. ఇది పూర్తిగా వన్ సైడ్ నిర్ణయం. ఈ నిర్ణయం మాకు అన్యాయం చేసేలా ఉంది. ఎంతో బాధ ఉన్నా, గౌరవంగానే ఉండేందుకు ప్రయత్నిస్తున్నాను. అందుకే బహిరంగంగా ఎలాంటి కామెంట్స్ చేయడం లేదు. అన్యాయంగా నా గురించి తప్పుగా ప్రకటనలు చేయడం చాలా బాధగా అనిపిస్తున్నది. ఇలాంటి తప్పుడు నిందలు నాతో పాటు నా పిల్లల మీద తీవ్ర ప్రభావం చూపించే అవకాశం ఉంది. అయినా, నేను బయటకు మాట్లాడటం లేదు. కాలమే అన్ని ప్రశ్నలకు ఆన్సర్ చెప్తుందని భావిస్తున్నాను. నాకు అండగా నిలిచిన బంధు మిత్రులు, శ్రేయోభిలాషులకు ధన్యవాదాలు. మీ సపోర్టు మాకు ఇలాగే ఉండాలని కోరుకుంటున్నాను. మా ప్రైవసీకి ఇబ్బంది కలిగించకూడదని కోరుకుంటున్నాను” అని జయం రవి భార్య ఆర్తి తన ప్రకటనలో వెల్లడించింది. ప్రస్తుతం తమిళ ఇండస్ట్రీలో ఆర్తి కామెంట్స్ హాట్ టాపిక్ గా మారాయి.

సెప్టెంబర్ 9న విడాకుల ప్రకటన చేసిన ‘జయం’ రవి  

తమిళ స్టార్ హీరో ‘జయం’ రవి రెండు రోజుల క్రితం(సెప్టెంబర్ 9న) తన భార్యతో  ఆర్తి నుంచి విడాకులు తీసుకోబోతున్నట్లు ప్రకటించారు. బరువెక్కిన హృదయంతో తన వ్యక్తిగత విషయానికి సంబంధించి ఓ విషయాన్ని పంచుకోబోతున్నానంటూ డివోర్స్ విషయాన్ని వెల్లడించారు. “చాలా ఆలోచనలు చేశాక, అనేక చర్చలు జరిగాక, నా జీవితంలో అత్యంత కఠినమైన, కష్టతరమైన నిర్ణయం తీసుకున్నాను. ఆర్తితో వివాహ బంధానికి ఫుల్ స్టాఫ్ పెడుతున్నాను. ఈ నిర్ణయం నా వ్యక్తిగత కారణంతోనే తీసుకున్నాను. ఎలాంటి ఇతర కారణాలు లేవు. ఈ సమయంలో ఎవరూ తమ వ్యక్తిగత స్వేచ్ఛకు భంగం కలిగించే ఎలాంటి ఊహాగానాలు ప్రచారం చేయకూడదని, తమ వ్యక్తిగత జీవితాన్ని ప్రైవేటుగానే ఉండాలని వేడుకుంటున్నాను” అని వెల్లడించారు.