Eagle review starring Ravi Teja: మాస్ మహారాజా రవితేజ మొండి మోతుబరిగా ఈ రోజు ప్రేక్షకుల ముందుకు వచ్చారు. ఆయన హీరోగా నటించిన లేటెస్ట్ సినిమా 'ఈగల్' ప్రపంచవ్యాప్తంగా థియేటర్లలో విడుదలైంది. యూకేతో పాటు ఫారిన్ లొకేషన్స్ కొన్నిటిలో ముందుగా ప్రీమియర్ షోలు వేశారు. సినిమా చూసిన ఎన్నారై ఆడియన్స్ ఏం చెబుతున్నారు? సోషల్ మీడియాలో సినిమా టాక్ ఎలా ఉంది? అనేది ట్విట్టర్ రివ్యూలో చూడండి.


అబ్బాయిలూ... నాలుగు బస్తాల పేపర్లు తీసుకెళ్ళండమ్మా!
రవితేజ లుక్స్, సినిమా సూపర్ అని ఓ నెటిజన్ ట్వీట్ చేశాడు. ఇంకా అతను ''దర్శకుడు కార్తీక్ ఘట్టమనేని ఇచ్చి పడేశాడు. సూపర్ సినిమా తీశాడు. రవితేజ ఫ్యాన్స్... సెలబ్రేషన్స్ కోసం మీరు ఎంతైనా ఖర్చు చేసుకోండి. మీరు తీసుకువెళ్లే పేపర్లు ఫస్టాఫ్ అయ్యేసరికి అయిపోతాయి. సెకండాఫ్ కోసం ఇంకో నాలుగు బస్తాల పేపర్లు ఎక్కువ తీసుకువెళ్ళండి'' అని పేర్కొన్నారు.






'కెజియఫ్' స్ఫూర్తితో... స్టైలిష్ యాక్షన్ సీక్వెన్సులతో!
హీరో ఎలివేషన్ సీన్లు, ఆ బిల్డప్, స్టైలిష్ యాక్షన్ సీక్వెన్సులు చూస్తుంటే 'కెజియఫ్' ఇన్స్పిరేషన్ కనబడుతోందని మరొకరు ట్వీట్ చేశారు. అయితే... కథ కన్వీన్సింగ్‌గా లేదన్నారు. ''రవితేజ తన పాత్రకు న్యాయం చేశారు. అజయ్ ఘోష్ కామెడీ రిలీఫ్ ఇచ్చింది. అనుపమా పరమేశ్వరన్ ఇంప్రెసివ్ గా ఉన్నారు. అతిథి పాత్రలో కావ్య థాపర్ మెరిశారు. డీసెంట్ కాన్సెప్ట్ తో మూవీ తీశారు. ఎంగేజింగ్ స్క్రీన్ ప్లే ఉంటే ఇంకా బావుండేది'' అని పేర్కొన్నారు. సినిమాలో నేపథ్య సంగీతం హైలైట్ అని ఇంకొకరు పేర్కొన్నారు.


Also Read: 'యాత్ర 2' థియేటర్‌లో కొట్టుకున్న పవన్, జగన్ ఫ్యాన్స్... గొడవ తర్వాత ఏం జరిగిందంటే?



'మార్గశిరం మధ్య రాత్రి రవి అన్న హిట్టు బొమ్మ' అని ఒక అభిమాని తన సంతోషం వ్యక్తం చేశారు. 'ఈగల్'లో వన్ మ్యాన్ షో చేశారని, రవితేజ ఊచకోత, ఆ ఎలివేషన్స్, సినిమాటోగ్రఫీ, నేపథ్య సంగీతం బావున్నాయని పేర్కొన్నారు. పవన్ కళ్యాణ్ కి ఇటువంటి ఫైట్స్ పడితే సూపర్ ఉండేదది ఇంకొకరు ట్వీట్ చేశారు.   






బిలో ఏవరేజ్ ఫస్టాఫ్... ఏవరేజ్ సెకండాఫ్!
సోషల్ మీడియాలో 'ఈగల్'కు నెగిటివ్ టాక్ ఉంది. మొత్తం మీద మిక్స్డ్ టాక్ ఉందని చెప్పవచ్చు. ఒక నెటిజన్ 'బిలో ఏవరేజ్ ఫస్టాఫ్... ఏవరేజ్ సెకండాఫ్! రవితేజ బెస్ట్ ఇచ్చారు. ఎలివేషన్లు చాలా ఎక్కువ ఉన్నాయి. నేపథ్య సంగీతం ఫ్లాట్ గా సాగింది. పార్ట్ 2 కోసం సెటప్ చేశారు'' అని ట్వీట్ చేశారు.


Also Read: 'ఈగల్'ను ఎన్ని కోట్లకు అమ్మారు? రవితేజ సినిమా ప్రీ రిలీజ్ బిజినెస్ ఎంతంటే?






'ఈగల్' ట్విట్టర్ రివ్యూలు, ప్రేక్షకుల అభిప్రాయాలు ఎలా ఉన్నాయో చూడండి. సోషల్ మీడియాలో కొందరు చేసిన పోస్టులు మీకోసం...