నట సింహం నందమూరి బాలకృష్ణ (Nandamuri Balakrishna), డైరెక్టర్ బాబీ (Director Bobby) కాంబినేషన్లో రూపొందుతున్న లేటెస్ట్ యాక్షన్ ఎంటర్టైనర్ 'ఎన్‌బికే 109' (ఇది వర్కింగ్ టైటిల్). సంక్రాంతి కానుకగా రిలీజ్ కాబోతున్న ఈ సినిమాపై అంచనాలు భారీగా ఉన్నాయి. తాజాగా మేకర్స్ ఈ సినిమా టైటిల్ అప్డేట్ ను ఇచ్చారు. కేవలం టైటిల్ మాత్రమే కాదండోయ్, టీజర్ రిలీజ్ ఎప్పుడు అనే విషయాన్ని కూడా వెల్లడించారు. మరి బాలయ్య కొత్త సినిమా టైటిల్, టీజర్ ఎప్పుడు రిలీజ్ కాబోతున్నాయో తెలుసుకుందాం పదండి.
నందమూరి బాలకృష్ణ ప్రస్తుతం బాబి దర్శకత్వంలో 'ఎన్‌బికే 109' అనే సినిమాను చేస్తున్న సంగతి తెలిసిందే. సితార ఎంటర్టైన్మెంట్స్, శ్రీకర స్టూడియోస్, ఫార్చ్యూన్ ఫోర్ సినిమాస్ బ్యానర్లపై నిర్మితమవుతున్న ఈ మూవీ ఒక భారీ పీరియాడిక్ యాక్షన్ ఎంటర్టైనర్. ఈ సినిమా షూటింగ్ శరవేగంగా జరుపుతున్నారు మేకర్స్. ఇక ఇప్పటికే 'ఎన్‌బికే 109' మూవీ నుంచి గ్లిమ్స్ రిలీజ్ చేసిన సంగతి తెలిసిందే. అలాగే అఫీషియల్ గా ఈ సినిమాను సంక్రాంతికి రిలీజ్ చేస్తామని అనౌన్స్ చేశారు. కానీ మూవీ టైటిల్ని మాత్రం ఇంకా వెల్లడించలేదు మేకర్స్. దీంతో అసలు ఈ సినిమాకు టైటిల్ ఏంటి? అనే విషయంపై ఎప్పటి నుంచో చర్చ నడుస్తోంది. ఈ నేపథ్యంలోనే తాజాగా టైటిల్ రిలీజ్ డేట్ ను అనౌన్స్ చేసి ఆ సస్పెన్స్ కు ఫుల్ స్టాప్ పెట్టబోతున్నట్టు వెల్లడించారు. ఈ మేరకు 'ఎన్‌బికే 109' సినిమా టైటిల్ అప్డేట్ ఇచ్చారు మేకర్స్.
అందులో భాగంగా ఈ సినిమా టైటిల్ ను నవంబర్ 15న ఉదయం 10:24 నిమిషాలకు రిలీజ్ చేయబోతున్నామని ప్రకటించారు. కేవలం టైటిల్ మాత్రమే కాకుండా దానితో పాటు టీజర్ ని కూడా రిలీజ్ చేస్తామని చెప్పి డబుల్ సర్ప్రైజ్ ఇచ్చారు నందమూరి అభిమానులకు. దీంతో బాలయ్య నెక్స్ట్ మూవీ టైటిల్, టీజర్ ఎంత పవర్ ఫుల్ గా ఉండబోతున్నాయో అనే ఉత్కంఠ మొదలైంది. ఇక ఈ సినిమాలో బాలయ్య డిఫరెంట్ షేడ్స్ పాత్రలో నటిస్తున్నారు. బాలయ్యతో పాటు ప్రగ్యా జైస్వాల్, ఊర్వశి రౌతెల, చాందిని చౌదరి లాంటి హీరోయిన్లు సినిమాలో నటిస్తున్నారు. బాలీవుడ్ స్టార్ బాబి డియోల్ విలన్ రోల్ లో కనిపించబోతున్నారు. ఈ సినిమాకు తమన్ సంగీతం అందిస్తున్నారు. ప్రముఖ నిర్మాతలు సూర్యదేవర నాగవంశీ, సాయి సౌజన్య ఈ సినిమాను నిర్మిస్తున్నారు.
కాగా బాలయ్య ప్రస్తుతం వరుస సినిమాలతో బిజీగా ఉన్నారు. 'ఎన్‌బికే 109'తో పాటు బాలకృష్ణ - బోయపాటి కాంబినేషన్లో నాలుగవ సినిమా "అఖండ 2' కూడా తెరకెక్కనుంది. ఈ మూవీ షూటింగ్ ను డిసెంబర్ లో మొదలు పెడతారని తెలుస్తోంది. అయితే ఈ మోస్ట్ అవైటెడ్ మూవీ పూర్తయ్యేలోపే సంక్రాంతికి బాలయ్య 'ఎన్‌బికే 109' మూవీ థియేటర్లలో సందడి చేయబోతోంది.