మెగాస్టార్ చిరంజీవి (Chiranjeevi) కథానాయకుడిగా బాబీ (కెఎస్ రవీంద్ర) దర్శకత్వంలో ఒక సినిమా (Mega 154) రూపొందుతోంది. స్వతహాగా చిరంజీవి అభిమాని అయిన బాబీ... మెగా అభిమానులకు 'పూనకాలు లోడింగ్' అంటూ సినిమాపై అంచనాలు పెంచుతున్నారు.
ఈ సినిమాలో మాస్ మహారాజ రవితేజ (Ravi Teja) కీలక పాత్రలో నటిస్తున్న సంగతి తెలిసిందే. ఈ రోజు ఆ విషయాన్ని అధికారికంగా ప్రకటించారు. మెగా 154 సెట్స్‌కు రవితేజ వెళ్లిన వీడియో విడుదల చేశారు. 'అన్నయ్యా...' అని రవితేజ కేర్ వ్యాన్ డోర్ కొట్టడం... 'వెల్కమ్ బ్రదర్' అని చిరంజీవి అనడం అందులో వినిపించాయి. 'మెగా మాస్ కాంబో మొదలైంది' అని దర్శకుడు బాబీ తెలిపారు.
Mega 154కు 'వాల్తేరు వీరయ్య' (Waltair Veerayya) టైటిల్ ఖరారు చేసినట్టు ఇండస్ట్రీ వర్గాల సమాచారం. అయితే... ఇంకా అధికారికంగా ప్రకటించలేదు. వచ్చే ఏడాది సంక్రాంతికి సినిమాను విడుదల చేయాలనుకుంటున్నారు.
చిరంజీవి సరసన శృతి హాసన్ కథానాయికగా నటిస్తున్న ఈ చిత్రాన్ని మైత్రీ మూవీ మేకర్స్ పతాకంపై నవీన్ యెర్నేని, యలమంచిలి రవి శంకర్ నిర్మిస్తున్నారు. రాక్ స్టార్ దేవి శ్రీ ప్రసాద్ సంగీతం అందిస్తున్నారు.
Also Read : అరెరే, విజయ్ దేవరకొండ 'లైగర్' క్లైమాక్స్ ట్విస్ట్ లీక్ అయ్యిందే
చిత్ర దర్శకుడు బాబీ కథ, మాటలు రాయగా... స్క్రీన్‌ప్లే : కోన వెంకట్, కె చక్రవర్తి రెడ్డి అందిస్తున్నారు. హరి మోహన కృష్ణ, వినీత్ పొట్లూరి రైటింగ్ డిపార్ట్‌మెంట్‌లో పని చేస్తున్నారు. ఇంకా ఈ చిత్రానికి సినిమాటోగ్రఫీ : ఆర్థర్ ఎ విల్సన్, ఎడిటర్: నిరంజన్‌ దేవరమానె, ప్రొడక్షన్‌ డిజైనర్: ఎఎస్‌ ప్రకాష్‌, కాస్ట్యూమ్ డిజైనర్: సుష్మిత కొణిదెల, సహ నిర్మాతలు: జీకే మోహన్, ప్రవీణ్ ఎం.
Also Read : నాకు మా అమ్మాయి ఏమీ చెప్పలేదు - లలిత్ మోడీతో సుష్మితా సేన్ డేటింగ్‌పై తండ్రి స్పందన