అక్కినేని నాగ చైతన్య (Akkineni Naga Chaitanya), కృతి శెట్టి (Krithi Shetty)ది సూపర్ హిట్ జోడీ. వీళ్ళిద్దరూ సూపర్ హిట్ సినిమా 'బంగార్రాజు'లో సందడి చేశారు. అందులో 'బంగార... బంగార...' సాంగ్ కూడా సూపర్ హిట్. ఈ జోడీ కెమిస్ట్రీకి మంచి పేరు వచ్చింది. ఇప్పుడు ఈ జోడీ రిపీట్ అవుతోంది. మరో సినిమాలో ఈ జంట సందడి చేయనుంది.
నాగ చైతన్య కథానాయకుడిగా వెంకట్ ప్రభు దర్శకత్వంలో తెలుగు, తమిళ భాషల్లో ఒక సినిమా రూపొందుతోంది. ఇందులో కథానాయికగా కృతి శెట్టిని ఎంపిక చేసినట్టు ఈ రోజు చిత్ర బృందం వెల్లడించింది.
అక్కినేని నాగ చైతన్యతో మాత్రమే కాదు... మూవీ ప్రొడక్షన్ హౌస్ శ్రీనివాసా సిల్వర్ స్క్రీన్స్‌లోనూ కృతి శెట్టికి ఇది రెండో సినిమా. శ్రీనివాసా చిట్టూరి నిర్మిస్తున్న 'ది వారియర్'లోనూ ఆమె కథానాయిక.
Also Read : మెడలో మంగళ సూత్రంతోనే నయన్ - హ‌నీమూన్‌లోనూ ట్రెడిషనల్‌గా
నాగ చైతన్యకు ఇది 22వ సినిమా. అందుకని, NC22గా వ్యవహరిస్తున్నారు. ఈ రోజు సినిమా షూటింగ్ మొదలైంది. ఈ సందర్భంగా హీరోయిన్ ఎంపిక విషయాన్ని వెల్లడించారు.
Also Read : షారుఖ్ ఖాన్ కోసం అతిథిగా మారిన రానా దగ్గుబాటి?