Kalki 2898 AD: ‘క‌ల్కి’ టక టక్కర ఫుల్ వీడియో సాంగ్ వచ్చేసింది - కాంప్లెక్స్‌లో ప్రభాస్‌ చేసిన సందడి మరోసారి చూసేయండి!

Kalki Ta Takkara Full Video Song: కల్కి మూవీ లవర్స్‌‌ కోసం సరిగమప ఓ సర్‌ప్రైజ్‌ ఇచ్చింది. ఈ చిత్రంలోనే టక టక్కర ఫుల్‌ వీడియో సాంగ్‌ను రిలీజ్‌ చేసింది. ప్రస్తుతం ఈ పాట యూట్యూబ్‌లో ట్రెండ్‌ అవుతుంది. 

Kalki Ta Takkara Full Telugu Video Song: పాన్‌ ఇండియా స్టార్‌ ప్రభాస్‌ నటించని 'కల్కి 2898 Ad' బాక్సాఫీసు వద్ద దుమ్మురేపుతుంది. జూన్‌ 27న వరల్డ్‌ వైడ్‌గా భారీ అంచనాల మధ్య థియేటర్లోకి వచ్చిన ఈ చిత్రం ఎక్స్‌పెక్టేషన్స్‌ మించి రెస్పాన్స్‌ అందుకుంటుంది. ఇడియన్స్‌ అంతా మూవీ నెక్ట్స్‌ లెవెల్‌ అంటూ హాలీవుడ్‌ రేంజ్‌ని మించి ఉందంటున్నారు. విడుదలైన ఫస్ట్‌ డే ఫస్ట్‌ షో నుంచి హిట్‌ టాక్‌తో దూసుకుపోతున్న కల్కి ఓవర్సిస్‌లోనూ భారీగా వసూళ్లు చేస్తుంది. ఫస్ట్‌ డేనే ఆర్‌ఆర్‌ఆర్‌ వంటి ఆస్కార్‌ నామినేటెడ్‌ సినిమా రికార్డులను బ్రేక్ చేస్తూ బాక్సాఫీసు వద్ద వసూల్లు సునామీ సృష్టిస్తుంది.

మొత్తానికి కల్కి మూవీ విడుదలై బ్లాక్‌బస్టర్‌ హిట్‌ వైపు దూసుకుపోతుంది. ఇక ఈ సినిమా చూసిన ఆడియన్స్‌ అంతా కల్కి సినిమాటిక్ యూనివర్స్‌లోనే మునిగితేలుతున్నారు. కల్కితో కొత్త ప్రపంచాన్ని, విజువల్‌ వండర్‌ చూపించిన  దర్శకుడు నాగ్‌ అశ్విన్‌ పనితనాన్ని కొనియాడుతున్నారు. సాధారణ ఆడియన్స్‌ మాత్రమే కాదు సెలబ్రిటీలు, సినీ దిగ్గజాలు సైతం కల్కిని సినిమాపై ప్రశంసలు కురుపిస్తున్నారు. ప్రస్తుతం ఇండియా వైడ్‌గా కల్కి మేనియానే కనిపిస్తుంది. ఈ క్రమంలో ఆడియన్స్‌కి మరింత ఉత్సాహాన్ని ఇస్తూ ఈ సినిమా 'టక టక్కర'(Ta Takkara)  సాంగ్‌ను రిలీజ్‌ చేసింది ప్రముఖ మ్యూజికల్‌ సంస్థ సరిగమప. కల్కి విడుదలైన మూడు రోజుల్లోనే ఈ సినిమాలోని ఫుల్‌ సాంగ్‌ రిలీజ్‌ అవ్వడంతో ఫ్యాన్స్‌ హ్యాపీ అవుతున్నారు.

సినిమా మొత్తంలో ఈ సాంగ్‌ ఆడియన్స్‌లో ఫుల్‌ జోష్‌ నింపింది. కాంప్లెక్స్‌ ఎప్పుడెప్పుడు వెళతానా? అని ఆరాటపడే భైరవ(ప్రభాస్‌) తన ప్రియురాలు రోక్సీ ద్వారా కాంప్లెక్స్ వెళతాడు. అక్కడ స్వచ్ఛమైన గాలి, నీరు, ప్రకృతిని చూసి ఆశ్చర్యపోతుంటాడు. ఈ క్రమంలో దిశా పటాని, ప్రభాస్‌ మధ్య సాగే ఈ సాంగ్‌ ఆడియన్స్‌ని బాగా ఆకట్టుకుంటుంది. ఇప్పుడు ఇదే ఫుల్‌ వీడియోను సాంగ్‌ మూవీ లవర్స్‌కి అందించింది సరిగమప. దీంతో టక టక్కర పాటకు యూట్యూబ్‌లో భారీ రెస్పాన్స్‌ వస్తుంది. మిలియన్ల వ్యూస్‌తో ట్రెండింగ్‌లో కొనసాగుతుంది. కాంప్లేక్స్‌కి వెళ్లిన ప్రభాస్‌ అక్కడ వింతలు చూసి చెందిన అనుభూతి, సందడిని మరోసారి ఈ సాంగ్‌లో చూసేయండి. ఇదిలా ఉంటే ఇప్పుడంత కల్కి 2 కోసం వెయిట్‌ చేస్తున్నారు.

ఫస్ట్‌ పార్ట్‌తో ఆడియన్స్‌లో ఫుల్‌ క్యూరియాసిటీ పెంచాడు నాగ్‌ అశ్విన్‌. కల్కి సినిమాటిక్‌ యూనిర్స్‌ ద్వారా నాగ్‌ అశ్విన్‌ ఇంకేన్ని వండర్స్‌ క్రియేట్‌ చేయబోతున్నాడా? అని అంచనాల్లో మునిగితేలుతున్నారు. ఈ క్రమంలో ఈ మూవీ నిర్మాత అశ్వినీ దత్‌ కల్కి సెకండ్‌ పార్ట్‌పై అప్‌డేట్‌ ఇచ్చారు. 'కల్కి 2898 ఏడీ' కథ అనుకున్న సమయంలోనే రెండు భాగాలుగా తెరకెక్కించాలని అనుకున్నామన్నారు. కమల్ హాసన్ ఈ ప్రాజెక్టులో భాగమైన తర్వాత రెండు భాగాలు తీయాలని బలమైన నిర్ణయం తీసుకున్నట్టు చెప్పారు. ఫస్ట్‌ పార్ట్‌తోనే సెకండ్‌ పార్ట్‌ షూటింగ్‌ కూడా కొనసాగించామని, పార్ట్ 2కి సంబంధించిన చిత్రీకరణ దాదాపు 60 శాతం పూర్తి అయ్యిందని అశ్వినీదత్ తెలిపారు.