Two Decades Of NITHIIN in TFI: నితిన్ కథానాయకుడిగా పరిచయమైన సినిమా 'జయం'. అది విడుదలై నేటికి సరిగ్గా 20 ఏళ్ళు. హీరోగా నితిన్‌కూ 20 ఏళ్ళు. తెలుగు చలన చిత్ర పరిశ్రమలో రెండు దశాబ్దాల ప్రయాణం పూర్తి చేసుకున్న సందర్భంగా సోషల్ మీడియాలో ఆయన ఒక ఎమోషనల్ మెసేజ్ పోస్ట్ చేశారు.
''డియర్ ఫ్రెండ్స్... 20 సంవత్సరాల క్రితం, 'జయం' సినిమాతో నా ప్రయాణం ప్రారంభించాను. అది నా తొలి సినిమా. ఈ రోజు నేను ఎలా ఫీల్ అవుతున్నాననేది మాటల్లో చెప్పలేను. కానీ, ప్రయత్నిస్తా. ముందుగా... నాలో నటుడిని గుర్తించిన, నాకు ఫస్ట్ బ్రేక్ ఇచ్చిన తేజ గారికి థాంక్స్. నాతో పని చేసిన దర్శకులు, నిర్మాతలు, నటీనటులు, సాంకేతిక నిపుణులు, చిత్ర బృందంలో ప్రతి ఒక్కరికీ థాంక్స్. మీరు లేకపోతే... ఈ రోజు నేను ఉన్న స్థానంలో ఉండేవాడిని కాదు'' అని నితిన్ పేర్కొన్నారు.
హీరోగా రెండు దశాబ్దాల ప్రయాణం ఎంతో అందంగా ఉందని, అందుకు కృతజ్ఞుడిని అని నితిన్ సంతోషం వ్యక్తం చేశారు. జయాపజయాల్లో, ఈ ప్రయాణంలో తనకు అండగా నిలబడిన, తనను నమ్మిన, తనతో పాటు ఉన్న ప్రతి ఒక్కరికీ ఆయన కృతజ్ఞతలు చెప్పారు. అభిమానుల ప్రేమకు ఎప్పుడూ రుణపడి ఉంటానని ఆయన అన్నారు.
Also Read: తాప్సీతో అతడూ అక్కడికి వెళ్ళాడు కానీ...
సినిమాలకు వస్తే... ప్రస్తుతం 'మాచర్ల నియోజకవర్గం'లో నితిన్ నటిస్తున్నారు. ఈ సినిమాతో ఎం.ఎస్. రాజశేఖర్ రెడ్డి (ఎడిటర్ ఎస్.ఆర్. శేఖర్) ద‌ర్శ‌కుడిగా ప‌రిచ‌యం అవుతున్నారు. ఇందులో కేథరిన్, కృతి శెట్టి హీరోయిన్లు. ఆదిత్య మూవీస్ & ఎంటర్‌టైన్‌మెంట్స్‌, శ్రేష్ట్ మూవీస్ పతాకాలపై ఎన్. సుధాకర్ రెడ్డి, నికితా రెడ్డి నిర్మిస్తున్నారు.
Also Read: ఫ్యామిలీతో మహేష్ బాబు రోడ్ ట్రిప్ - సెల్ఫీ షేర్ చేసిన హీరో