Pawan Kalyan In F3 Movie: 'ఎఫ్ 3'లో పవర్ స్టార్ - పవన్ సహా టాలీవుడ్ టాప్ హీరోలను వాడేసిన అనిల్

'ఎఫ్ 3'లో పవన్ కల్యాణ్ ఎంట్రీ ఉంటుంది. అయితే, అది ఎలా అనేది? మరికొన్ని గంటలు ఆగితే తెలుస్తుంది.

Pawan Kalyan, Tollywood Top Heroes Surprise Entry In F3 Movie: 'ఎఫ్ 3'లో హీరోలు ఎవరు? విక్టరీ వెంకటేష్, మెగా ప్రిన్స్ వరుణ్ తేజ్. ఈ సినిమాలో కేవలం  వాళ్ళిద్దరూ మాత్రమే కాదు... టాలీవుడ్ టాప్ హీరోలు కనిపించనున్నారు. అయితే, ఎలా కనిపిస్తారు? అనేది ప్రస్తుతానికి సస్పెన్స్. పవర్ స్టార్ పవన్ కళ్యాణ్ సహా తెలుగు సినిమా ఇండస్ట్రీలో టాప్ హీరోలు కనిపించేలా దర్శకుడు అనిల్ రావిపూడి ఒక సీక్వెన్స్ డిజైన్ చేశారు. సినిమా సమర్పకులు 'దిల్' రాజు స్వయంగా చెప్పిన మాట ఇది.

'ఎఫ్ 3'లో పవన్ కళ్యాణ్, టాలీవుడ్ టాప్ స్టార్స్ కూడా! 
''స్క్రీన్ పైన కళ్యాణ్ గారు (పవన్ కళ్యాణ్) వస్తారు. కళ్యాణ్ గారే కాదు, తెలుగు సినిమా ఇండస్ట్రీలో ఉన్న ఆల్ టాప్ స్టార్స్ కనిపించేలా అనిల్ ఒక ఎపిసోడ్ క్రియేట్ చేశాడు. అది రేపు థియేటర్లలో మామూలుగా ఉండదు'' అని 'దిల్' రాజు చెప్పారు. చిన్న పిల్లలు కూడా కనెక్ట్ అయ్యేలా దర్శకుడు అనిల్ రావిపూడి ఒక ఎపిసోడ్ క్రియేట్ చేశారట. చిన్న పిల్లల నుంచి పెద్దల వరకూ అందరూ రెండున్నర గంటలు ఎంజాయ్ చేసేలా సినిమా ఉంటుందని 'దిల్' రాజు తెలిపారు. 

'ఎఫ్ 3' ప్రీ రిలీజ్ ఈవెంట్ చూశారా? అందులో కూడా టాప్ స్టార్స్ డైలాగులను వెంకటేష్, వరుణ్ తేజ్ చెప్పారు. బహుశా... అటువంటి ఎపిసోడ్ ఏదైనా సినిమాలో డిజైన్ చేశారేమో! 'దిల్' రాజు ప్రొడ్యూస్ చేసిన 'శతమానం భవతి'లో ఇదే విధంగా ఒక సీన్ ఉంటుంది.

వెంకటేష్‌కు జోడీగా తమన్నా, వరుణ్ తేజ్ సరసన మెహరీన్ కౌర్, కీలక పాత్రలో మరో కథానాయికగా సోనాల్ చౌహన్... ఇతర ప్రధాన పాత్రల్లో రాజేంద్ర ప్రసాద్, సునీల్, ఆలీ, ప్రగతి, రఘుబాబు తదితరులు నటించారు. స్టార్ హీరోయిన్ పూజా హెగ్డే (Pooja Hegde) ప్రత్యేక గీతం చేశారు. ఈ చిత్రానికి అనిల్ రావిపూడి దర్శకుడు. శ్రీ వెంకటేశ్వర క్రియేషన్స్ ప‌తాకంపై 'దిల్' రాజు సమర్పణలో శిరీష్ నిర్మించారు. దేవి శ్రీ ప్రసాద్ సంగీతం అందించారు.