'30 వెడ్స్ 21'... యూట్యూబ్‌లో మంచి హిట్ అయిన వెబ్ సిరీస్. ఫస్ట్ లాక్‌డౌన్‌లో ప్రజలను ఎంట‌ర్‌టైన్ చేసిన సిరీస్. ఇప్పుడు సీజన్ 2 కూడా వస్తోంది. అందులో హీరోగా నటించిన చైతన్య రావు ఉన్నారు కదా! ఆల్రెడీ ఆయన కొన్ని సినిమాలు చేశారు. ప్రస్తుతం 'ముఖచిత్రం' అనే సినిమాలో ఓ హీరోగా నటిస్తున్నారు. అయితే... చైతన్య రావు సోలో హీరోగా బిగ్ బెన్ సినిమాస్ సంస్థ ఓ సినిమా ప్రకటించింది.
Also Read: 'రాధే శ్యామ్'కు రెండోసారి సెన్సార్ ఎందుకు చేశారు? దీని వెనుక రాజమౌళి సలహా ఉందా?
చైతన్య రావు మాధాడి కథానాయకుడిగా 'ఓ పిట్టకథ' ఫేమ్ చందు ముద్దు దర్శకత్వంలో ఓ సినిమా రూపొందనుంది. పల్లెటూరు నేపథ్యంలో థ్రిల్లర్ అంశాలతో పాటు ఫ్యామిలీ కామెడీ ఎంట‌ర్‌టైన‌ర్‌గా రూపొందే ఈ చిత్రాన్ని బిగ్ బెన్ సినిమాస్ సంస్థ నిర్మించనుంది. 'పెళ్లి చూపులు', 'డియర్ కామ్రేడ్', 'దొరసాని', 'ఏబీసీడీ', 'భాగ్ సాలే' చిత్రాల తర్వాత ఆ సంస్థ నిర్మిస్తున్న చిత్రమిది. దీనికి యశ్ రంగినేని నిర్మాత. త్వరలో ఈ సినిమాలో నటించనున్న ఇతర నటీనటులు, చిత్రానికి పనిచేయబోయే సాంకేతిక నిపుణుల వివరాలు వెల్లడించనున్నారు.