ఒక వైపు కొరటాల శివ దర్శకత్వంలో ‘ఆచార్య’ సినిమా షూటింగ్ తో బిజీగా ఉన్న మెగాస్టార్ చిరంజీవి మరోవైపు మోహన్ రాజా దర్శకత్వంలో మలయాళంలో సూపర్ హిట్ అయిన ‘లుసిఫర్’ సినిమా రీమేక్ తో కూడా క్షణం తీరిక లేకుండా గడుపుతున్నారు. కొణిదెల ప్రొడక్షన్ కంపెనీ, సూపర్‌గుడ్ ఫిల్మ్ పతాకంపై రూపొందిస్తున్న ఈ చిత్రం (చిరు 153) ప్రీలుక్‌ను నిర్మాతలు శనివారం విడుదల చేశారు. ఈ చిత్రానికి ‘గాడ్ ఫాదర్’ అనే టైటిల్‌ను ఖరారు చేస్తూ మోషన్ పోస్టర్‌ను విడుదల చేశారు. ఈ వీడియో చూస్తే తప్పకుండా అభిమానుల రోమాలు నిక్కబొడుచుకుంటాయి.


‘గాడ్ ఫాదర్’ మోషన్ పోస్టర్ వీడియో:


మరో వైపు ‘వెంకీ మామ’ దర్శకుడు కె.ఎస్.రవీంద్ర అలియాస్ బాబి దర్శకత్వంలో సైతం చిరంజీవి ఓ సినిమా చేయబోతున్నారు. #Chiru154 చిత్రంగా చెబుతున్న ఈ సినిమా గురించి ఒక ఆసక్తికరమైన అప్డేట్ సోషల్ మీడియా లో విడుదలైంది. ‘‘మెగాస్టార్ పుట్టినరోజు సందర్భంగా ఆదివారం సాయంత్రం 4:05 నిమిషాలకు మెగా అల తీరం చేరుకోనుంది. రోమాలు నిక్క పొడిచే ఒక మెగా పోస్టర్ మీ ముందుకు రాబోతోంది’’ అంటూ ఈ సినిమాను నిర్మిస్తున్న ప్రొడక్షన్ బ్యానర్ మైత్రి మూవీ మేకర్స్ ట్విట్టర్ ద్వారా తెలియజేశారు. అంటే చిరంజీవి పుట్టినరోజు సందర్భంగా #చిరు154 సినిమాకి సంబంధించిన ఫస్ట్ లుక్ పోస్టర్ విడుదల చేయనున్నారు. ఈ సినిమాకి ‘భోళా శంకర్’ అనే టైటిల్‌ అనుకుంటున్నారని సమాచారం. కానీ దీనికి సంబంధించిన అధికారిక ప్రకటన మాత్రం ఇంకా వెలువడలేదు.


ఇప్పటికే ‘ఆచార్య’ సినిమా నుంచి చిరంజీవి బర్త్ డే పోస్టర్ రిలీజైంది. చిరంజీవి కెరీర్ లో 152వ సినిమా ఇది. చిరంజీవి-మోహన్ రాజా కాంబినేషన్ లో వస్తున్న లూసిఫర్ రీమేక్ కు సంబంధించి అప్ డేట్ కూడా రానుంది. ఈ సినిమాకు గాడ్ ఫాదర్ అనే టైటిల్ ను అనుకుంటున్నారని సమాచారం. అదే విషయాన్ని బయటపెడతారా లేక చిరంజీవి కొత్త లుక్ తో పోస్టర్ రిలీజ్ చేస్తారా అనేది చూడాలి.


Also Read: కొణిదెల శివశంకర వర ప్రసాద్.. చిరంజీవిగా ఎలా మారారు? అరుదైన ఫొటోలతో ‘చిరు’ చిత్రమాలిక


ఇక చిరంజీవి-మెహర్ రమేష్ మూవీకి సంబంధించి ఓ హాట్ హాట్ అప్ డేట్ ఆదివారం  ఉదయం 9 గంటలకు రాబోతోంది. ఏకే ఎంటర్ టైన్ మెంట్స్, క్రియేటివ్ కమర్షియల్స్ బ్యానర్లపై ఈ సినిమా వస్తోంది. వేదాళం సినిమాకు రీమేక్ ఇది. ఇక ఆదివారం సాయంత్రం నాలుగు గంటలకు  మైత్రి మూవీ మేకర్స్ బ్యానర్ పై రాబోతున్న సినిమా అప్ డేట్ రానుంది. బాబి దర్శకత్వంలో తెరకెక్కనున్న ఈ మూవీకి దేవిశ్రీ ప్రసాద్ మ్యూజిక్ డైరెక్టర్. ఇలా ఈసారి చిరు పుట్టినరోజు సందర్భంగా మెగా అభిమానులకు బ్యాక్ టు బ్యాక్ గిఫ్టులన్నమాట. మొత్తం మీద పుట్టిన రోజునాడు నాలుగు అప్ డేట్స్ తో రావడం చిరుకి ఇదే తొలిసారేమో...


Also Reda: చిరంజీవి, పీవీ సింధుతో రాధిక ఫొటో.. ఆమె ట్వీట్ చూసి నెటిజనులు ట్రోలింగ్, ఆ తప్పేంటో తెలుసా?


Also Read: బ్రేక్‌టైమ్‌లో గన్ ఎక్కుపెట్టిన పవర్ స్టార్.. ఆ విషయంపై క్లారిటీ ఇచ్చేశారు


Also Read: ‘మా’ భవనానికి స్థలం చూశా.. నాగబాబు సవాల్‌కు విష్ణు జవాబ్ ఇదేనా? కన్నెందుకు కొట్టావంటూ ట్రోల్స్


Also Read:యువరాణిలా గుర్రంపై హొయలుపోతున్న ప్రియాంక జవాల్కర్