Bigg Boss 8 Telugu Contestants: ప్రస్తుతం తెలుగు బిగ్ బాస్ లవర్స్ అంతా సీజన్ 8 ఎప్పుడు ప్రారంభమవుతుందా అని ఆసక్తిగా ఎదురుచూస్తున్నారు. ప్రతీ సీజన్‌కు మరింత పాపులారిటీని పెంచుకుంటూ ముందుకెళ్తోంది బిగ్ బాస్. ఇక బిగ్ బాస్ సీజన్ 7 ఎన్నో గొడవలతో, కాంట్రవర్సీలతో ముగిసింది కాబట్టి సీజన్ 8పై ప్రేక్షకుల్లో అంచనాలు భారీగానే ఉన్నాయి. ఇక బిగ్ బాస్ 8 ప్రోమో కూడా విడుదల కావడంతో త్వరలోనే ఈ సీజన్ ప్రసారానికి సిద్ధమవుతుందని ఆడియన్స్‌లో క్లారిటీ వచ్చేసింది. ఇప్పటికే ఇందులో కంటెస్టెంట్స్‌గా పలువురి పేర్లు వినిపిస్తుండగా.. ఇప్పుడు అందులో కొత్తగా ఒక ‘జబర్దస్త్’ కామెడియన్ పేరు యాడ్ అయ్యింది.


కామెడియన్స్‌కు ప్రాధాన్యత..


మామూలుగా ప్రతీ బిగ్ బాస్ సీజన్‌లో ఒక కామెడియన్ ఉండడం గ్యారెంటీ. వారు ఇతర కంటెస్టెంట్స్‌తో పాటు ఆడియన్స్‌ను కూడా నవ్విస్తూ ఎంటర్‌టైన్ చేస్తుంటారు. ఒకవేళ ఆ కామెడియన్ లైఫ్‌లో ఏదైనా విషాదం ఉంటే.. అది ఆడియన్స్‌లో సెంటిమెంట్ పాయింట్ కూడా అవుతుంది. అలా పలువురు కామెడియన్స్.. బిగ్ బాస్‌తో ఫేమ్ సంపాదించుకున్నారు. ఎక్కువగా ‘జబర్దస్త్’ షోలో కామెడియన్స్‌గా అలరిస్తున్న వారినే అత్యధిక రెమ్యునరేషన్ ఇచ్చి మరీ బిగ్ బాస్‌లో కంటెస్టెంట్స్‌గా తీసుకొస్తున్నారు మేకర్స్. ఇప్పటికే బిగ్ బాస్ సీజన్ 8లో కంటెస్టెంట్స్‌గా పలువురు జబర్దస్త్ కామెడియన్స్ పేర్లు వినిపిస్తుండగా ఇప్పుడు అందులో మరొకరి పేరు యాడ్ అయ్యింది.


ఫాలోవర్స్ వల్లే..


మహిధర్ సూరిశెట్టి అలియాస్ జబర్దస్త్ మహిధర్.. మొదట్లో కామెడి షోలో రైటర్‌గా పనిచేసేవాడు. అలా మెల్లగా స్టేజ్‌పై ఎక్కి కామెడి కూడా చేశాడు. కామెడియన్‌గా ప్రేక్షకుల్లో మంచి గుర్తింపు సంపాదించుకున్నాడు. కొన్నాళ్ల క్రితం జబర్దస్త్ నుండి దూరమయిపోయి సొంతంగా ఒక యూట్యూబ్ ఛానెల్ ప్రారంభించాడు. తన యూట్యూబ్ ఛానెల్‌లో ఎక్కువగా సినిమాలకు సంబంధించిన రివ్యులను ఇస్తూ సబ్‌స్క్రైబర్లను పెంచుకున్నాడు. అంతే కాకుండా వైరల్ వీడియోలపై రియాక్ట్ అవుతూ వారిని అలరిస్తున్నాడు. అలా ప్రస్తుతం సోషల్ మీడియాలో చాలావరకు జబర్దస్త్ కామెడియన్స్‌కు లేని ఫాలోయింగ్ మహిధర్‌కు ఉంది.


ఇతర పేర్లు కూడా..


బిగ్ బాస్‌లో కంటెస్టెంట్స్‌గా రావాలంటే సోషల్ మీడియాలో ఫాలోవర్స్, యూట్యూబ్‌లో సబ్‌స్క్రైబర్స్ సపోర్ట్ ఉండాలి. ఆ విధంగా చూస్తే మహిధర్‌కు చాలానే సపోర్ట్ ఉన్నట్టు కనిపిస్తోంది. అందుకే ఇతర జబర్దస్త్ కామెడియన్స్‌తో పోలిస్తే మహిధర్‌కే బిగ్ బాస్ మేకర్స్ ఎక్కువగా ప్రిఫరెన్స్ ఇస్తారని వార్తలు వినిపిస్తున్నాయి. ఇప్పటికే బిగ్ బాస్ 8లో కంటెస్టెంట్స్‌గా బుల్లెట్ భాస్కర్, నాటీ నరేశ్‌లో ఎవరో ఒకరు వచ్చే అవకాశం ఉందని రూమర్స్ వైరల్ అయ్యాయి. ఇప్పుడు వారితో పాటు మహిధర్ పేరు కూడా యాడ్ అయ్యింది. మరి వీరందరిలో ఎవరు ఫైనల్‌గా బిగ్ బిస్ 8లో కంటెస్టెంట్స్‌గా కనిపిస్తారా అని ప్రేక్షకులు అంచనా వేస్తున్నారు. వీరు మాత్రమే కాకుండా వెండితెరపై కామెడియన్స్ కూడా ఈసారి బిగ్ బాస్ కంటెస్టెంట్స్‌గా వచ్చే అవకాశం ఉండొచ్చని తెలుస్తోంది.



Also Read: యూట్యూబ్ కంటెంట్ క్రియేటర్లకు మహిళా కమిషన్ హెచ్చరిక - ఇక హద్దుమీరితే కఠిన చర్యలే