Nikhil Vijayendra Simha : నిఖిల్ విజయేంద్ర సింహ నెటిజన్లకు సుపరిచితుడే కానీ.. టీవి ప్రేక్షకులకు అంత తెలియకపోవచ్చు. ఎందుకంటే ఇతగాడు యూట్యూబర్గా తన కెరీర్ను ప్రారంభించాడు. యూట్యూబరే కదా అని తక్కువ అంచనాకి వచ్చేయకండి. ఇతని బ్యాక్గ్రౌండ్ బాగా గట్టిగానే ఉంది. అలాగే ఫ్యాన్స్ ఫాలోయింగ్ కూడా గట్టిగా ఉన్నట్లే తెలుస్తుంది. బిగ్ బాస్ సీజన్ 7లో కూడా ఇతను వైల్డ్ కార్డ్ ఎంట్రీ ఇస్తాడని అంతా అనుకున్నారు కానీ అది జరగలేదు. ఈ సీజన్లో కూడా అతను డైరక్ట్ ఎంట్రీ ఇస్తున్నాడని ప్రచారం జరిగింది కానీ.. అదేమి లేదని తేలిపోయింది.
మహాతల్లి వీడియోలతో..
కా.......స్కో అంటూ నిఖిల్ తన కెరీర్ను మొదలు పెట్టాడు. యూట్యూబర్గా మహాతల్లితో కలిసి కెరీర్ ప్రారంభించాడు నిఖిల్. అప్పట్లో మహాతల్లి వీడియోలకు మంచి ప్రేక్షకాదరణ లభించింది. యూట్యూబ్కి తెలుగులో బూమింగ్ వస్తున్న సమయంలోనే వీరు వీడియోలు చేయడం స్టార్ట్ చేశారు. అలా కెరీర్ను ప్రారంభించిన నిఖిల్.. తర్వాత కాస్కో అంటూ యూట్యూబ్ వీడియోలు చేయడం మొదలు పెట్టాడు. టీవీ, సినీ సెలబ్రెటీలతో వీడియోలు, ప్రమోషనల్ వీడియోలు చేసి.. వాటిని యూట్యూబ్లో అప్లోడ్ చేసేవాడు. తర్వాత కా..స్కో కాస్త నిఖిలుఉఉఉఉఉఉగా మారింది.
వైజాగ్ కుర్రోడు..
నిఖిల్ సెప్టెంబర్ 18, 1994లో విశాఖపట్నంలో జన్మించాడు. తండ్రి బిజినెస్ మ్యాన్ కాగా.. తల్లికి ఓ రెస్టారెంట్ ఉంది. గీతమ్ యూనివర్సిటీలో డిగ్రీ చేసిన తర్వాత.. నిఖిల్ హైదరాబాద్కి షిఫ్ట్ అయ్యి అక్కడ ఓ మీడియా సంస్థతో కలిసి యూట్యూబర్గా చేశాడు. బీకామ్ చేస్తున్న రోజుల నుంచే నిఖిల్కు ఈ కంటెంట్ క్రియేటర్ అవ్వాలని ఉండేదని ఓ సందర్భంలో తెలిపాడు. దానికి తగ్గట్లు తన లుక్స్ కూడా ఛేంజ్ చేసుకున్నాడు నిఖిల్. ఇలా యూట్యూబర్గానే తన కెరీర్ను మరింత ముందుకు తీసుకెళ్లాడు నిఖిల్. ఇండస్ట్రీలోని నటులతో ఇంటర్వ్యూలు చేసి మంచి ఫేమ్ సంపాదించుకున్నాడు. అలాగే బుల్లి తెర నటుల్లో చాలామంది ఫ్రెండ్స్ నిఖిల్కు ఉన్నారు. అయితే ఎక్కువమందికి తెలియని విషయం ఏంటంటే.. నిఖిల్ ఓ డైరక్టర్కి స్వయాన తమ్ముడు.
ఆ హిట్ డైరక్టర్కి తమ్ముడు.. సినీ కెరీర్ ఇదే
హాయ్ నాన్న సినిమాతో హిట్ కొట్టిన శౌర్యకు.. నిఖిల్ తమ్ముడు. ఇదే కాకుండా నిఖిల్ హీరోగా ఓ సినిమాను కూడా ఆ మధ్యలో అనౌన్స్ చేశారు. నిహారిక కొణిదెల.. నిఖిల్కు మంచి బాండింగ్ కూడా ఉంది. ఆమె తన తమ్ముడిగా, మంచి ఫ్రెండ్గా నిఖిల్కు సపోర్ట్ చేసింది. అలాగే రీసెంట్గా రామ్ చరణ్ ఇంటర్వ్యూలో నిఖిల్ గురించి పలు విషయాలు గుర్తు చేశారు. చిన్నవయసులోనే ఎంతో అచీవ్ చేశావంటూ.. చెర్రీ చెప్పగా.. ఆ వీడియోను నిఖిల్ సోషల్ మీడియాలో షేర్ చేసుకున్నాడు. ప్రస్తుతం ఇది వైరల్గా మారింది.
సినీ, బుల్లితెర నటులతో ఫ్రెండ్ షిప్
నిఖిల్కు అతనికి ఇండస్ట్రీలో, బుల్లితెర ఫ్రెండ్స్ ఎక్కువగానే ఉన్నారు. దేత్తడి హారిక, వితికా షేరు, నోయల్ ఇలా చాలామంది సెలబ్రెటీలకు నిఖిల్ బెస్ట్ ఫ్రెండ్. ఇతనికి యూత్లో కూడా మంచి క్రేజ్ ఉంది. అమ్మాయిల్లో కూడా ఇతని ఫాలోయింగ్ బాగానే ఉంది.