తెలుగు 'బిగ్ బాస్' సీజన్ 8లో సర్‌ప్రైజ్‌లు చాలా ఉంటాయని షో హోస్ట్, కింగ్ అక్కినేని నాగార్జున ముందు నుంచి చెబుతున్నారు. ఆడియన్స్, ఫ్యాన్స్ ఊహకు అందని విధంగా షో ఉంటుందని, లిమిట్ లెస్ ఎంటర్‌టైన్‌మెంట్ అని స్పష్టం చేశారు. షో చూసే జనాలకు ఏమో గానీ హౌస్‌లోకి ఎంటరైన కొంత మంది సీరియల్ ఆర్టిస్టులకు ఫస్ట్ వీక్ షాక్ తగిలింది. నామినేషన్స్‌లో వాళ్ల పేర్లు ఉన్నాయి మరి.
'బిగ్ బాస్ 8' ఫస్ట్ వీక్ నామినేషన్స్ షురూ...
ఆ నలుగురిలో ముగ్గురు సీరియల్ ఆర్టిస్టులే!
'బిగ్ బాస్ 8' నామినేషన్స్ ప్రక్రియ ఇవాళ మొదలు కానుందని తెలిసింది. ఈ రోజు రాత్రి టెలికాస్ట్ అయ్యే ఎపిసోడ్‌లో నామినేషన్స్ చూస్తారు. నలుగురి మెడ మీద ఎలిమినేషన్ కత్తి ఉందని తెలిసింది.
బిగ్ బాస్ సీజన్ 8 లాంచింగ్ ఎపిసోడ్ రోజు సీరియల్ ఆర్టిస్ట్ నాగ మణికంఠకు షాక్ తగిలింది. హౌస్‌లోని ఒకరిని బయటకు పంపాలని అన్నప్పుడు ఐదుగురు అతనికి ఓటు వేశారు. ఇప్పుడు నామినేషన్స్ విషయంలోనూ అతని పేరు ముందు వచ్చింది. ఈసారి కన్ఫెషన్ రూంలో ఎంటరైన మొదటి కంటెస్టెంట్ అతనే అని తెలిసింది.
బిగ్ బాస్ ఫస్ట్ వీక్ నామినేషన్స్‌లో రెండో పేరు 'కృష్ణ ముకుంద మురారి' సీరియల్ హీరోయిన్ ప్రేరణ కంబం. ఆవిడ పేరు ఉంటుందని ఎవరూ ఊహించి ఉండరు. ఆ హౌస్‌లో ఉన్న మరొక సీరియల్ ఆర్టిస్ట్, 'కృష్ణ ముకుంద మురారి' ఫేమ్ యష్మీ గౌడ, మరొక ఆర్టిస్ట్ నిఖిల్ మలియక్కల్ ఆవిడకు స్నేహితులే. పైగా, నిఖిల్ చీఫ్ అయ్యాడు కూడా! అయితే... యష్మీతో ప్రేరణకు చిన్న గొడవ ఏదో అయ్యిందని, అందువల్ల ఆవిడ నామినేషన్స్ లిస్టులోకి వచ్చిందని టాక్. మరొక సీరియల్ ఆర్టిస్ట్ పృథ్వీరాజ్ కూడా 'బిగ్ బాస్ 8' నామినేషన్స్ లిస్టులో ఉన్నాడని తెలిసింది.
వరంగల్ కుర్రాడిని మొదటి వారం పంపిస్తారా?
'బిగ్ బాస్' సీజన్ 7 గుర్తు ఉందా? ఎటువంటి బ్యాగ్రౌండ్ లేని రైతు బిడ్ద పల్లవి ప్రశాంత్ విజేతగా నిలిచాడు. ఈసారి బిగ్ బాస్ హౌస్‌లోకి 'వరంగల్ డైరీస్' యూట్యూబ్ ఛానల్ ద్వారా పాపులర్ అయిన యువకుడు, తెలంగాణ ముస్లిం బిడ్డ నబీల్ ఆఫ్రిదిని తీసుకు రావడంతో విన్నర్ రేసులో అతడు ఉంటాడని చాలా మంది భావించారు. అయితే... అనూహ్యంగా ఫస్ట్ వీక్ నామినేషన్స్ లిస్టులో అతను కూడా వచ్చాడు. నిఖిల్, నబీల్ మధ్య మొదటి రోజు చిన్నపాటి వాగ్వాదం జరిగింది. బహుశా... నబీల్ ఆఫ్రిది పేరును నిఖిల్ నామినేట్ చేశాడేమో!?
Also Read: నాగ మణికంఠను స్టెప్ ఫాదర్ ఇంటి నుంచి గెంటేశారా? వచ్చేశాడా? అసలు నిజం చెప్పిన చెల్లెలు
నాగ మణికంఠ, ప్రేరణ కంభం, పృథ్వీరాజ్... ఈ ముగ్గురిదీ సీరియల్ బ్యాగ్రౌండ్. ఫస్ట్ వీక్ ఈ ముగ్గురి పేర్లు వస్తాయని ఎవరూ ఊహించలేదు. ప్రస్తుతానికి వీరి పేర్లు నామినేషన్స్ లిస్టులో బలంగా వినబడుతున్నాయి. వాళ్లతో పాటు నబీల్ ఆఫ్రిది పేరు కూడా! మరి, ఈ రోజు రాత్రి ఎపిసోడ్‌లో వాళ్లు ఉంటారో? లేదో? వెయిట్ అండ్ సి.
Also Read: విష్ణుప్రియతో పాటు వాళ్లిద్దరూ... 'బిగ్ బాస్ 8'కు కిరాక్ ఖిలాడీ కనెక్షన్!