Bigg Boss 8 Telugu: బిగ్ బాస్ సీజన్ 8కి ఎండ్ కార్డు పడింది. విన్నర్ ఎవరు? అనేది తెలిసింది. కన్నడ సీరియల్ 'మానేయ మంత్రాలయ'తో కెరీర్ స్టార్ట్ చేసి... తెలుగులో 'గోరింటాకు', 'స్రవంతి', 'అమ్మకు తెలియని కోయిలమ్మ'తో పలు సీరియళ్లలో నటించిన నిఖిల్ విజేతగా నిలిచారు. బిగ్ బాస్ 8 విజేతగా నిలిచిన చేది ఎవరు? అనేది పక్కన పెడితే... విన్నర్ ఎవరైనా సరే, వాళ్ళు అందుకునే అమౌంట్ ఎంత? విజేతకు స్టార్ మా ఛానల్ ఎంత ఇస్తుంది? అనేది చూస్తే... 


బిగ్ బాస్ 8 ప్రైజ్ మనీ... రూపాయి తక్కువ 55 లక్షలు
Bigg Boss 8 Telugu Winner Prize Money: అక్షరాలా యాభై నాలుగు లక్షల తొంభై తొమ్మిది వేల తొమ్మిది వందల తొంభై తొమ్మిది రూపాయలు... 54,99,999. ఒక్కటంటే ఒక్క రూపాయి తక్కువ 55 లక్షలు. ఇదీ మొదట అనౌన్స్ చేసిన మనీ. తర్వాత దానిని నాగార్జున రౌండ్ ఫిగర్ చేశారు. చిన్న టాస్క్ పెట్టి రూ. 55 లక్షలకు మార్చారు. బిగ్ బాస్ సీజన్ 8 విన్నర్ నిఖిల్ ఖాతాలోకి వచ్చే ప్రైజ్ మనీ అది. అది కాకుండా మరో బహుమతి కూడా వచ్చింది. స్విఫ్ట్ డిజైర్ కారును అతడిని అందించారు.


నిఖిల్ మొదటి నుంచి హౌస్‌లో ఉన్నాడు. సెప్టెంబర్ 1న బిగ్ బాస్ సీజన్ 8 మొదలు అయ్యింది. అంటే... ఆయన ఇంటిలోకి వెళ్లి ఇప్పటికి 105 రోజులు ఉన్నాడు. అతను విన్నర్ అయ్యాడు గనుక ఏవరేజ్ గా ఒక్కో రోజుకు ఆల్మోస్ట్ 52,000 రెమ్యూనరేషన్ వచ్చినట్టు. అఫ్ కోర్స్... అందులో ట్యాక్స్ కూడా కట్ అవుతుందని అనుకోండి. ఈ ప్రైజ్ మనీ కాకుండా ముందు మాట్లాడుతున్న రెమ్యూనరేషన్ కూడా అందుతుంది. 


Also Read: బిగ్ బాస్ 8 విజేత నిఖిల్... అతని కంటే ముందు విన్నర్స్ ఎవరో గుర్తు ఉన్నారా? ఓ లుక్ వేయండి






ఒకవేళ గౌతమ్ కృష్ణ గనుక విన్నర్ అయితే... 'బిగ్ బాస్ 8'లోకి వైల్డ్ కార్డు ద్వారా అతను 35వ రోజు బిగ్ బాస్ ఇంట్లోకి వచ్చాడు. గేమ్ మొదలై 105 రోజులు గనుక... అందులో 35 రోజులు తీస్తే ఇంటిలో గౌతమ్ ఉన్నది 70 రోజులు. అప్పుడు అతను రోజుకు 70,000లకు కొంచెం ఎక్కువ అందుకునేవాడు. అది మిస్ అయ్యింది. ఇంకా గోల్డెన్ సూట్ కేసు కూడా రిజక్ట్ చేశాడు. సో రెమ్యూనరేషన్ తప్ప గౌతమ్‌కు ఇంకేమీ రాలేదు.


Also Readబిగ్ బాస్ 8 గ్రాండ్ ఫినాలే... చీఫ్ గెస్ట్ ఫిక్స్, విన్నర్ అతడే - ఇంకేం జరుగుతుంది? లైవ్ అప్డేట్స్ దేఖో



టాప్ 5లో ఉన్న వారిలో ఎవరి ప్లేస్ ఏమిటి?
నిఖిల్, గౌతమ్ కృష్ణ కాకుండా... బిగ్ బాస్ సీజన్ 8 చివరి వరకు వచ్చి టాప్ 5 లిస్టులో చోటు సంపాదించుకున్న మరో ముగ్గురు ముక్కు అవినాష్ (జబర్దస్త్ అవినాష్), 'కృష్ణ ముకుంద మురారి' సీరియల్ ఫేమ్ ప్రేరణ కంభం, ఎటువంటి సినీ టీవీ నేపథ్యం లేని సాధారణ కుర్రాడు, వరంగల్ యువకుడు, యూట్యూబర్ నబీల్ అఫ్రిది. ఈ ముగ్గురిలో ఐదో స్థానంలో అవినాష్ నిలవగా... ఆ తర్వాత నాలుగో స్థానంలో ప్రేరణ... ఇక మూడో స్థానంలో నబిల్ నిలిచినట్టు తెలిసింది. ఎవరెవరికి ఎంత వచ్చాయి? ఎవరెవరు ఎంత మనీ అందుకున్నారు? అనేది త్వరలో తెలుస్తుంది. 


Also Readనిఖిలే విన్నర్... ట్రోఫీ ఇచ్చిన రామ్ చరణ్, స్టార్స్ సందడి - బిగ్ బాస్ 8 గ్రాండ్ ఫినాలే హైలైట్స్ ఏంటో చూడండి