NET టీజర్: అవికా గోర్ గదిలో సీక్రెట్ కెమెరా పెట్టి.. రాహుల్ రామకృష్ణ పాడుపని

అవికా గోర్ గదిలో ఎవరో రహస్య కెమెరా పెట్టారు. ఆ వీడియోలను రాహుల్ రామకృష్ణ సీక్రెట్‌గా వీక్షిస్తున్నాడు. ఆ తర్వాత ఏం జరిగిందో ఈ ‘నెట్’ టీజర్‌లో చూడండి.

అవికాగోర్ ఇంట్లో ఎవరో సీక్రెట్ కెమెరాలు పెట్టారు. ఆ లైవ్‌ స్ట్రీమింగ్‌ను రాహుల్ రామకృష్ణ వీక్షిస్తూ... ఆనందిస్తున్నాడు. ఆమె తన బాయ్‌ఫ్రెండ్‌తో ఏకాంతంగా గడుపుతున్న క్షణాల నుంచి ఆమె దుస్తులు మార్చుకోవడం వరకు ప్రతి ఒక్కటీ తన మొబైల్‌లో చూస్తూ ఆనందిస్తున్నాడు. ఈ సందర్భంగా అతడికి ఓ అపరిచితుడు కనిపించాడు. అతడి వల్ల ఆమెకు ముప్పు ఉందనుకున్నాడు. మరి, రాహుల్ రామకృష్ణ అవికాగోర్‌ను రక్షించాడా? ఇంతకీ ఆ వ్యక్తి ఎవరు? ఈ ప్రశ్నలకు సమాధానం తెలియాలంటే.. NET సినిమా విడుదలయ్యే వరకు వేచి చూడాల్సిందే. 

ఈ చిత్రంలో అవికాగోర్ ప్రియా అనే మోడ్రన్ అమ్మాయి పాత్రలో నటిస్తోంది. చిత్ర యూనిట్ ఈ సినిమా టీజర్‌ను గురువారం విడుదల చేసింది. ఇందులో రాహుల్.. అవికాగోర్‌ను సీక్రెట్ కెమేరాల ద్వారా లైవ్‌‌స్ట్రీమింగ్‌లో చూస్తుంటాడు. తన మొబైల్ తీసిన భార్యపై అతడు మండిపడతాడు. అవికాగోర్ ప్రైవేట్ లైఫ్ మొత్తాన్ని మొబైల్‌లో చూసేందుకు అతడు ఓ నిఘా సంస్థలో రిజిస్టర్ అవుతాడు. వారు స్ట్రీమింగ్ చేసే వీడియోలు చూస్తూ ఆనందిస్తాడు. ఆ తర్వాత కొన్ని ఉత్కంటభరిత సన్నివేశాలతో టీజర్ ముగిసింది. ఈ థ్రిల్లర్ సినిమాను చూడాలంటే కొద్ది రోజులు వేచి చూడాల్సిందే. ‘నెట్’ సినిమా సెప్టెంబరు 10న ZEE5 ఓటీటీ ప్లాట్‌ఫామ్‌లో విడుదల కానుంది. టీజర్‌ను ఇక్కడ చూసేయండి. 

NET సినిమా టీజర్:

‘రాజు గారి గది 3’ సినిమా తర్వాత అవికా గోర్ మళ్లీ ఏ సినిమాలోనూ నటించలేదు. ‘నెట్’తోపాటు మరో సినిమాతో తెలుగు ప్రేక్షకుల ముందుకు వస్తోంది.  నవీన్ చంద్రతో కలిసి నటిస్తొంది. అయితే, హీరోయిన్‌గా మాత్రం కాదు.. అతడికి చెల్లెల్లుగా కనిపించనుంది. ఇటీవల హీరోయిన్ రష్మిక మందన్నా చేతుల మీదుగా ఈ మూవీ టైటిల్ పోస్టర్‌ను విడుదల చేశారు. హ్యాష్ ట్యాగ్ బ్రో (#BRO) టైటిల్‌తో వస్తున్న ఈ సినిమా తప్పకుండా అందరినీ అలరిస్తుందని దర్శక నిర్మాతలు భావిస్తున్నారు. రాఖీ పండుగ నేపథ్యంలో ఈ చిత్రాన్ని విడుదల చేసే అవకాశాలు కనిపిస్తున్నాయి. ఈ చిత్రానికి కార్తీక్ తురుపాని దర్శకత్వం వహిస్తోన్నారు. ఈ మూవీని రవిచంద్ నిర్మిస్తుండగా.. శేఖర్ చంద్ర సంగీతాన్ని సమకూరుస్తున్నారు.