అల్లు అర్జున్ ‘పుష్ప’ సినిమాపై పెట్టుకున్న ఆశలు ఇన్నీ అన్నీ కావు. శేషాచలం కొండల సాక్షిగా నిర్మించిన ఈ సినిమా విడుదలకు ముందు టీమ్ పెద్ద రేంజ్లో ప్రమోషన్లు నిర్వహించింది. శుక్రవారం పుష్ప సినిమా విడుదలైన సంగతి తెలిసిందే. శుక్రవారం ఉదయం తెల్లవారుజామునే అల్లు అర్జున్ కళ్లు తెరిచేసరికి ఓ అందమైన డ్రాయింగ్ అతని కళ్ల ముందుంది. ముద్దులకొడుకు అయాన్ ఓ అబ్బాయి బొమ్మ వేసి దానికి పుష్ప అని పేరు పెట్టాడు. విడుదల తేదీని కూడా పక్కన రాశాడు. చివరలో ఆల్ ది బెస్ట్ ఐకాన్ స్టార్ అల్లు అర్జున్ రాసి ఇచ్చాడు. అది చూసి మురిసిపోయాడు పుష్పరాజ్. ఆ డ్రాయింగ్ ను ఇన్ స్టాలో పోస్టు చేసిన అల్లు వారి హీరో ‘థ్యాంక్యూ సో మచ్ మై చిన్ని బాబు, ఐ లవ్ యూ అయాన్. నువ్వు నా ఉదయాన్ని మరింత ప్రత్యేకంగా మార్చావు ’ అని క్యాప్షన్ పెట్టారు.
సుకుమార్-అల్లు అర్జున్ కాంబినేషన్లో వచ్చిన మూడో సినిమా పుష్ప. అంతకుముందు ఆర్య, ఆర్య2 వచ్చాయి. ఆర్య ఎంత పెద్ద హిట్ట చెప్పక్కర్లేదు. ఇప్పుడు మళ్లీ దాదాపు 12 ఏళ్ల తరువాత ఈ ఇద్దరి కాంబినేషన్లో ‘పుష్ప’ వచ్చింది. ఈ సినిమా రెండు పార్ట్ లుగా తెరకెక్కిన సంగతి తెలిసిందే. మొదటి పార్ట్ నేడు విడుదలవ్వగా, రెండోది వచ్చే ఏడాది విడుదల కానుంది. మొదటి పార్ట్ కు ‘పుష్ప: ది రైజ్’ అని పెట్టారు. అయితే రెండో పార్ట్ కు ‘పుష్ప: ది రూల్’ అని పెట్టినట్టు సమాచారం. ఈ సినిమాలో అల్లు అర్జున్ , రష్మిక మందన్నా, ఫహద్ ఫాజిల్, సునీల్, అనసూయ కీలక పాత్రలు చేస్తున్నారు. ఈ సినిమాలో అర్జున్ ఎర్రచందనం స్మగ్లర్ గా చేస్తుండగా, అతడిని పట్టుకునే పోలీసాఫీసర్ గా ఫహద్ ఫాజిల్ నటిస్తున్నట్టు సమాచారం.
Also Read: ‘బిగ్ బాస్’ విజేత ఎవరు? ఇలా ఓటేసి విన్నర్‌ను మీరే నిర్ణయించండి
Also Read: అందాల రాక్షసి మనసూ అందమైనదే... బర్త్‌డే రోజు అనాథలతో!
Also Read: మగాళ్లది వంకరబుద్ధి... సమంత పాటకు స‌పోర్ట్‌గా మ‌హిళా మండలి
Also Read: తండ్రికి అనసూయ ప్రామిస్.. సోషల్ మీడియాలో హార్ట్ టచింగ్ పోస్ట్
Also Read: మరో క్లాసికల్ డాన్స్ పెర్ఫార్మన్స్‌కు రెడీ అయిన సౌజన్యా శ్రీనివాస్... త్రివిక్రమ్ వైఫ్
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి