మెగా పవర్ స్టార్ రామ్ చరణ్ (Ram Charan), ఐకాన్ స్టార్ అల్లు అర్జున్ (Allu Arjun) - ఇద్దరూ ఒక్క ఫ్రేములో కనిపిస్తే? చూడటానికి రెండు కళ్ళు చాలవు! ఇద్దరూ కలిసి 'ఎవడు' సినిమా చేశారు. కానీ, అందులో అల్లు అర్జున్‌ది అతిథి పాత్ర. వాళ్ళిద్దరితో మల్టీస్టారర్ సినిమా తీయడం కోసం 'చరణ్ అర్జున్' టైటిల్ ప్రతి ఏడాదీ ఫిల్మ్ ఛాంబర్‌లో తాను రిజిస్టర్ చేయిస్తున్నట్లు మెగా నిర్మాత అల్లు అరవింద్ ఓ ఇంటర్వ్యూలో తెలిపారు. సినిమా సంగతి ఏమో గానీ... ఇప్పుడు ఫెస్టివల్ సందర్భంగా చరణ్, అర్జున్ కలిశారు.


మెగా కజిన్స్ సీక్రెట్ శాంటా!
పండగలు, ప్రత్యేక సందర్భాలు... వంటివి ఏవైనా ఉంటే మెగా కజిన్స్ అందరూ కలుస్తారు. కలిసి సెలబ్రేట్ చేసుకుంటారు. ఈ ఏడాది క్రిస్మస్ ముందు మెగా కజిన్స్ కలిశారు. అందరూ సీక్రెట్ శాంటాగా గిఫ్టులు ఇచ్చుకున్నారు. ఆ ఫోటోలను రామ్ చరణ్ సతీమణి ఉపాసన కొణిదెల సోషల్ మీడియాలో షేర్ చేశారు. భర్త ఇన్‌స్టాగ్రామ్ అకౌంట్‌తో కొలాబరేట్ చేశారు.


అల్లు అర్జున్, రామ్ చరణ్, మెగా కుటుంబంలో యువ హీరోలు వరుణ్ తేజ్, సాయి ధరమ్ తేజ్, అల్లు శిరీష్, పంజా వైష్ణవ్ తేజ్, బన్నీ సతీమణి స్నేహా రెడ్డి, మెగా బ్రదర్ నాగబాబు కుమార్తె నిహారికా కొణిదెల, చిరు కుమార్తెలు సుష్మిత, శ్రీజతో పాటు మిగతా కజిన్స్ కూడా సీక్రెట్ శాంటా క్రిస్మస్ సెలబ్రేషన్స్‌లో జాయిన్ అయ్యారు.


అల్లు అర్జున్, రామ్ చరణ్, మెగా కుటుంబంలో యువ హీరోలు వరుణ్ తేజ్, సాయి ధరమ్ తేజ్, అల్లు శిరీష్, పంజా వైష్ణవ్ తేజ్, బన్నీ సతీమణి స్నేహా రెడ్డి, మెగా బ్రదర్ నాగబాబు కుమార్తె నిహారికా కొణిదెల, చిరు కుమార్తెలు సుష్మిత, శ్రీజతో పాటు మిగతా కజిన్స్ కూడా సీక్రెట్ శాంటా క్రిస్మస్ సెలబ్రేషన్స్‌లో జాయిన్ అయ్యారు.


ఇప్పుడు మెగా ఫ్యామిలీలో హీరోలు అందరూ బిజీ బిజీ. మెగాస్టార్ చిరంజీవి రెండు సినిమాలు చేస్తున్నారు. అందులో 'వాల్తేరు వీరయ్య' సంక్రాంతికి రానుంది. మరో సినిమా 'భోళా శంకర్' సెట్స్ మీద ఉంది. పవర్ స్టార్ పవన్ కళ్యాణ్ 'హరి హర వీర మల్లు' షూటింగ్ కంప్లీట్ చేసే పనిలో ఉన్నారు. ఇంకా దర్శకులు సుజీత్, హరీష్ శంకర్ సినిమాలు అంగీకరించారు. 


రామ్ చరణ్, అల్లు అర్జున్ విషయానికి వస్తే... ఇద్దరూ పాన్ ఇండియా సినిమాలతో బిజీగా ఉన్నారు. 'పుష్ప' సినిమా సీక్వెల్ 'పుష్ప 2' చేస్తున్నారు అల్లు అర్జున్. సౌత్ ఇండియా స్టార్ డైరెక్టర్ శంకర్‌తో రామ్ చరణ్ సినిమా చేస్తున్నారు. ఇప్పుడు ఈ రెండూ సెట్స్ మీద ఉన్నాయి. 


Also Read : బేబీ బంప్‌తో మెగాస్టార్ కోడలు ఉపాసన - ఇవిగో ఫొటోలు


వచ్చే ఏడాది సాయి ధరమ్ తేజ్ కూడా పాన్ ఇండియా ప్రేక్షకుల ముందుకు వెళుతున్నారు. సుకుమార్ శిష్యుడు కార్తీక్ దండు దర్శకత్వంలో ఆయన హీరోగా నటించిన హారర్ థ్రిల్లర్ 'విరూపాక్ష' తెలుగుతో పాటు తమిళ, కన్నడ, మలయాళ, హిందీ భాషల్లో విడుదల కానుంది. ప్రస్తుతం ప్రవీణ్ సత్తారు దర్శకత్వంలో వరుణ్ తేజ్ ఓ యాక్షన్ థ్రిల్లర్ చేస్తున్నారు. మరో పాన్ ఇండియా సినిమా చేస్తున్నారు. నిహారికా కొణిదెల, సుష్మితా కొణిదెల నిర్మాతలుగా ప్రేక్షకుల ముందుకు వస్తున్నారు. వాళ్ళిద్దరూ వెబ్ సిరీస్‌లతో బిజీ. అల్లు శిరీష్ హీరోగా నటించిన 'ఊర్వశివో రాక్షసివో' సినిమా ఈ ఏడాది విడుదలైంది. ఇంకా మరో సినిమా యాక్సెప్ట్ చేయలేదు. 


Also Read : కథ వినకుండా 'పుష్ప' ఓకే చేసిన బన్నీ - సెకండ్ పార్ట్ మీద హైప్ చేస్తున్న టీమ్