Ajay Devgn Singham Again Trailer: అజయ్ దేవ్‌గణ్ హీరోగా నటిస్తున్న లేటెస్ట్ బాలీవుడ్ యాక్షన్ సినిమా ‘సింగం అగైన్’. అజయ్ దేవ్‌గణ్, రోహిత్ శెట్టి కాంబినేషన్‌లో తెరకెక్కిన ‘సింగం’, ‘సింగం రిటర్న్స్’ సిరీస్‌లో మూడో భాగంగా వస్తుంది ‘సింగం అగైన్’. ‘సింగం’ సిరీస్ బేస్ చేసుకుని రోహిత్ శెట్టి ‘కాప్ యూనివర్స్’ అనే ఒక ప్రత్యేకమైన సినిమాటిక్ యూనివర్స్‌ని కూడా క్రియేట్ చేశాడు. అందులో ‘సూర్యవంశీ’, ‘సింబా’ సినిమాలు కూడా ఉన్నాయి. ఇప్పుడు ఈ సినిమాలన్నిటిలో ఉన్న పాత్రలన్నిటినీ ఒక చోటకి తెస్తూ ‘సింగం అగైన్’ను తీసుకువచ్చాడు రోహిత్ శెట్టి. ఈ సినిమా ట్రైలర్‌ను సోమవారం విడుదల చేశారు. అక్టోబర్ 31వ తేదీన దీపావళి సందర్భంగా ‘సింగం అగైన్’ థియేటర్లలోకి రానుంది.
ట్రైలర్‌లో ఏం ఉంది?
పురాణ గాథ రామాయణం ఆధారంగా ‘సింగం అగైన్’ తెరకెక్కిందని ఏ కన్ఫ్యూజన్ లేకుండా ట్రైలర్ ప్రారంభంలోనే చెప్పేశాడు రోహిత్ శెట్టి. అజయ్ దేవ్‌గణ్ భార్య పాత్ర పోషించిన కరీనా కపూర్‌ను విలన్ పాత్ర పోషించిన అర్జున్ కపూర్ ఎత్తుకుపోవడం... భార్యని తిరిగి తెచ్చుకోవడానికి బాజీరావ్ సింగం చేసే ప్రయత్నాలే ఈ సినిమా కథ అని ట్రైలర్ ప్రారంభంలోనే చెప్పేశాడు.
రామాయణంలోని పాత్రలను ప్రతిబింబించే పాత్రలను కూడా ఇందులో చూపించారు. లక్ష్మణుడిగా టైగర్ ష్రాఫ్, ఆంజనేయుడిగా రణ్‌వీర్ సింగ్‌ను చూపించారు. జటాయువుగా అక్షయ్ కుమార్‌ను చూపించారు. దీపికా పదుకోణేల పాత్ర కూడా చాలా బలంగా కనిపిస్తుంది. రావణుడి పాత్రలో అర్జున్ కపూర్‌ను అత్యంత క్రూరంగా చూపించారు.
Also Read: మెగా హీరో సినిమాలో సీనియర్ ఎన్టీఆర్ కటౌట్... 'మట్కా' టీజర్‌లో ఆ షాట్ గమనించారా?
యాక్షన్ సీన్లు అదుర్స్
‘సింగం అగైన్’లో యాక్షన్ సీన్లు మాత్రం అదరగొట్టేలా ఉన్నాయి. నేల మీద, గాల్లో ఇలా కుదిరిన అన్ని చోట్లా ఫైట్లు తీసుకుంటూ పోయారు. ప్రతి ఒక్కరికి మంచి యాక్షన్ ఎపిసోడ్లు సెట్ అయ్యాయి. సినిమా మీద పెట్టిన ఖర్చు అంతా యాక్షన్ సీన్లలో కనిపిస్తుంది. భారీ బడ్జెట్‌తో ఈ సినిమా తెరకెక్కిందని విజువల్స్ చూసి చెప్పవచ్చు.
‘భూల్‌భులయ్యా 3’తో క్లాష్...
‘సింగం అగైన్’ సినిమా అక్టోబర్ 31వ తేదీన విడుదల కానున్న ‘భూల్‌భులయ్యా 3’తో పోటీ పడనుంది. ఇందులో కార్తీక్ ఆర్యన్, విద్యా బాలన్, త్రిప్తి దిమ్రి నటిస్తున్నారు. ఇది ఒక హార్రర్ సినిమా. మొదటి రెండు భాగాలు బ్లాక్‌బస్టర్ హిట్ కావడంతో ఈ సినిమాపై కూడా మంచి అంచనాలు నెలకొన్నాయి. మరి ఈ క్లాష్‌లో ఎవరు విన్నర్‌గా నిలుస్తారో చూడాలి మరి!