దేశవ్యాప్తంగా వైద్య విద్య ప్రవేశాలకు నిర్వహించే నేషనల్ ఎలిజిబిలిటీ కమ్ ఎంట్రన్స్ టెస్ట్ (NEET) 2021 యూజీ (అండర్ గ్రాడ్యుయేట్) ప్రిలిమినరీ పరీక్ష ఆన్సర్ కీని నేషనల్ టెస్టింగ్ ఏజెన్సీ (NTA) విడుదల చేసింది. సమాధానాల కీతో పాటు అభ్యర్థుల ఆన్సర్ షీట్లను కూడా రిలీజ్ చేసింది. అభ్యర్థులు ఓఎంఆర్ ఆన్సర్ కీ స్కాన్ కాపీలను వారి ఈమెయిల్ ఐడీలకు పంపినట్లు ఎన్టీఏ వెల్లడించింది. ప్రిలిమనరీ కీపై అభ్యంతరాలను రేపు (అక్టోబ‌ర్ 17 ) రాత్రి 9 గంటల వరకు స్వీకరిస్తామని చెప్పింది. కీలోని ఆన్సర్లను సవాల్ చేయాలంటే ఫీజు చెల్లించాల్సి ఉంటుందని పేర్కొంది. దీనికి సంబంధించిన ఫీజు చెల్లింపు విండ్ రేపటి వరకు తెరిచి ఉంటుందని వివరించింది. ఆన్సర్ కీ డౌన్‌లోడ్, ఫీజు చెల్లింపు వివరాలను నీట్, ఎన్టీఏ అధికారిక వెబ్సైట్లు www.neet.nta.nic.in లేదా www.nta.ac.in నుంచి చేసుకోవచ్చు.
నీట్ యూజీ ప్రిలిమినరీ కీపై అభ్యంతరాలను నమోదు చేయండిలా..
* నీట్ అధికారిక వెబ్సైట్ https://neet.nta.nic.in/ ను ఓపెన్ చేయండి.
* ఇక్కడ 'వ్యూ కీ అండ్ ఛాలెంజ్ ఆన్సర్ కీ' అనే లింక్ మీద క్లిక్ చేయండి.
* అభ్యర్థులు తమ అప్లికేషన్ నంబర్, పాస్ వర్డ్ వంటి క్రెడెన్షియల్ వివరాలు ఇవ్వాలి.
* 'ఛాలెంజ్ /వ్యూ ఆన్సర్ కీ' అనే ఆప్షన్ ఎంచుకోండి.
* దీంతో నీట్ యూజీ 2021 ఆన్సర్ కీ మీ స్క్రీన్ మీద కనిపిస్తుంది.
* కోడ్ ఆధారంగా ప్రశ్నపత్రాన్ని ఎంచుకుని మీ సమాధానాలను సరిపోల్చుకోండి.
* కీపై అభ్యంతరాలు ఉంటే మీరు ఛాలెంజ్ చేయాలనుకునే ప్రశ్న పక్కన బాక్స్ ఎంచుకోండి.
* మీరు అభ్యంతరం లేవనెత్తిన ప్రశ్న సరైన సమాధానానికి సంబంధించిన డాక్యుమెంట్లను అప్లోడ్ చేయండి.
* మీ రిక్వెస్టును సేవ్ చేసుకోండి. తర్వాత ఫీజు చెల్లించండి.
* ఫాం సబ్మిట్ చేశాక.. భవిష్యత్ అవసరాల కోసం ఒక పీడీఎఫ్ కాపీని భద్రపరుచుకోండి.
Also Read: నేటి నుంచే జోసా కౌన్సెలింగ్.. ఈ డాక్యుమెంట్లు తప్పనిసరి.. పూర్తి వివరాలు ఇవే..
Also Read: దివ్యాంగ విద్యార్థులకు ఏఐసీటీఈ స్కాలర్షిప్.. ఏడాదికి రూ.50 వేలు సాయం..
Also Read: కోవిడ్ బాధిత విద్యార్థులకు ఎస్‌బీఐ స్కాలర్షిప్.. ఏడాదికి రూ.38,500 సాయం..