ఇండియన్ ఇన్స్టిట్యూట్ ఆఫ్ టెక్నాలజీ ఢిల్లీ.. కొత్త పోస్ట్ గ్రాడ్యుయేట్ కోర్సును ప్రారంభించింది. స్కూల్ ఆఫ్ ఆర్టిఫిషియల్ ఇంటెలిజెన్స్ కింద మెషిన్ ఇంటెలిజెన్స్ అండ్ డేటా సైన్స్‌లో కొత్త ఎంటెక్ కోర్సును ప్రకటించింది.
ఈ మధ్యకాలంలో దేశవ్యాప్తంగా ఉన్న ప్రతిష్టాత్మక విద్యాసంస్థలు... కంపెనీల అవసరాలకు సరిపోయేలా కోర్సులపై దృష్టి పెట్టాయి. కొత్తగా ఇండియన్ ఇనిస్టిట్యూట్ ఆఫ్ టెక్నాలజీ ఢిల్లీ కొత్త పోస్ట్ గ్రాడ్యుయేట్ కోర్సును ప్రారంభించింది. స్కూల్ ఆఫ్ ఆర్టిఫిషియల్ ఇంటెలిజెన్స్ కింద మెషిన్ ఇంటెలిజెన్స్ అండ్ డేటా సైన్స్‌లో కొత్త ఎంటెక్ కోర్సును విద్యార్థులకు ఆఫర్ చేస్తోంది. ఈ కోర్సు జులై 2022 నుంచి అందుబాటులోకి రానుంది.
ఇటీవలే ఐఐటీ ఢిల్లీ ‘ఎంటెక్ ఇన్ మెషిన్ ఇంటెలిజెన్స్ అండ్ డేటా సైన్స్ (MINDS)’ పేరుతో ఓ కొత్త ప్రోగ్రామ్ను ఆమోదించింది. ఈ ప్రోగ్రామ్కు అనుసంధానంగా ఆర్టిఫిషియల్ ఇంటెలిజెన్స్లో పీహెచ్‌డీ కోర్సును ఇప్పటికే ప్రారంభించింది. దీనికి అదనంగా పోస్ట్ గ్రాడ్యుయేట్ ప్రోగ్రామ్ను ఆఫర్ చేస్తోంది.
ఆర్టిఫిషియల్ ఇంటెలిజెన్స్ కోర్సు ప్రస్తుతం ట్రెండింగ్లో ఉందని ప్రొఫెసర్ మౌసమ్ తెలిపారు. ఈ కోర్సు నేర్చుచుకున్న వారికి ఐటీ రంగంలో అపారమైన ఉద్యోగ అవకాశాలు ఉంటాయన్నారు. కిందటి సంవత్సరం ఆర్టిఫిషియల్ ఇంటెలిజెన్స్లో పీహెచ్‌డీ ప్రోగ్రామ్ను ప్రారంభించామని.. ప్రోగ్రామ్కు అనూహ్యమైన స్పందన లభించిందని చెప్పారు. ప్రస్తుతం పోస్ట్ గ్రాడ్యుయేట్ ప్రోగ్రామ్ను ఆఫర్ చేస్తున్నామన్నారు.
'మైక్రోసాఫ్ట్ రీసెర్చ్, గూగుల్ ఏఐ, ఐబీఎం రీసెర్చ్ వంటి ఇండస్ట్రీ రీసెర్చ్ సెంటర్లలో పనిచేస్తున్న 40 మంది అనుభవజ్ఞులను ఫ్యాకల్టీలుగా నియమించాం. ఈ కొత్త ఎంటెక్ ప్రోగ్రామ్ ఇండస్ట్రీ ఓరియెంటెడ్ విధానంలో ఉంటుంది. ఈ ప్రోగ్రామ్లో ఐఐటీ ఢిల్లీ ప్రొఫెసర్, స్పాన్సరింగ్ కంపెనీకి చెందిన ఒక రిసెర్చ్ స్కాలర్ హెడ్గా పనిచేస్తారు. సైన్స్, కంప్యూటర్ విభాగంలో బీఈ/బీటెక్ పూర్తి చేసిన విద్యార్థులందరూ MINDS ప్రోగ్రామ్లో చేరేందుకు అర్హులు.' అని ప్రొఫెసర్ మౌసమ్ తెలిపారు.
Also Read: SHE STEM 2021: విద్యార్థులకు లక్కీ ఛాన్స్.. ఇలా.. ఇన్ స్టా గ్రామ్ రీల్ చేయండి.. ప్రైజ్ గెలవండి
Also Read: New Courses: ఇదిగో కొత్త కోర్సులు.. పూర్తి చేయగానే జాబ్ వచ్చేలా డిజైన్.. ఇక చేయడమే లేటు
Also Read: Army College: తొలిసారి ఆర్మీ కాలేజీలో బాలికలకూ ప్రవేశం... దరఖాస్తులకు చివరి తేదీ ఎప్పుడంటే