Raj Kundra Case: రాజ్ కుంద్రా ఫోన్‌లో 119 పోర్న్ వీడియోలు, వాటితో భారీగా.. ముంబయి పోలీసుల కీలక వివరాలు

రాజ్ కుంద్రా గత రెండు నెలలుగా ముంబయిలోని ఆర్థర్ రోడ్ జైలులో జ్యుడీషియల్ కస్టడీలో ఉంటున్నారు. తాజాగా ఆయనకు ముంబయిలోని మెజిస్ట్రేట్ కోర్టు బెయిల్ మంజూరు చేయడంతో ఆయన సోమవారమే బయటికి వచ్చారు.

పోర్న్ చిత్రాల వ్యాపారం కేసులో బెయిల్ పొందిన వెంటనే రాజ్ కుంద్రా వ్యవహారంలో మరో సంచలన వ్యవహారాన్ని ముంబయి పోలీసులు మంగళవారం బయటపెట్టారు. రాజ్ కుంద్రా ఫోన్, ల్యాప్ ట్యాప్‌లలో తాము 119 పోర్న్ వీడియోలను గుర్తించామని ముంబయి క్రైమ్ బ్రాంచ్ పోలీసులు ప్రకటించారు. వాటిని రూ.9 కోట్లకు అమ్మి సొమ్ము చేసుకోవాలని రాజ్ కుంద్రా యత్నించినట్లుగా వెల్లడించారు. పరారీలో ఉన్న నిందితుడు యశ్ ఠాకూర్ అలియాస్ అరవింద్ శ్రీవాస్తవ, రాజ్ కుంద్రా అనుచరుడు ప్రదీప్ బక్షిపై ముంబయి పోలీస్ క్రైమ్ బ్రాంచ్ లుక్ అవుట్ సర్క్యులర్ జారీ చేసినట్లు పోలీసులు వెల్లడించారు.

రాజ్ కుంద్రా గత రెండు నెలలుగా ముంబయిలోని ఆర్థర్ రోడ్ జైలులో జ్యుడీషియల్ కస్టడీలో ఉంటున్నారు. తాజాగా ఆయనకు ముంబయిలోని మెజిస్ట్రేట్ కోర్టు బెయిల్ మంజూరు చేయడంతో ఆయన సోమవారమే బయటికి వచ్చారు. రూ.50 వేల పూచీకత్తుపై ఆయనకు బెయిల్ మంజూరైంది. ఆ వెంటనే ఆయన ఫోన్లో గుర్తించిన పోర్న్ వీడియోల గురించి పోలీసులు వెల్లడించడం ప్రాధాన్యం సంతరించుకుంది. 

మరోవైపు, ఇదే కేసులో కుంద్రా అనుచరుడు రియాన్ థ్రోప్ జులై 19న అరెస్టు కాగా ఆయనకు కూడా బెయిల్ మంజూరైంది. బాలీవుడ్ నటి శిల్పా శెట్టి భర్త అయిన రాజ్ కుంద్రాపై ముంబయి క్రైం బ్రాంచ్ పోలీసులు ఐటీ యాక్ట్ సహా వివిధ చట్టాల కింద కేసులు నమోదు చేసిన సంగతి తెలిసిందే. వివిధ వ్యక్తులతో పోర్న్ చిత్రాలు తీసి వాటిని వివిధ యాప్‌లలో పబ్లిష్ చేస్తున్నారన్న ఆరోపణలపై రాజ్ కుంద్రాపై పోలీసులు ఈ కేసు పెట్టారు.