Crime News: గర్భం దాల్చిన మహిళ.. విషయం తెలిసి ఇద్దరు ప్రియుల ఫైటింగ్.. ఇందులో అసలు ట్విస్ట్ ఏంటంటే..

ఆమె గర్భవతి. ఈ శుభవార్త విని భర్త ఎంతో సంతోషించాడు. ఇంతలో ఆమె ఇద్దరు ప్రియులు అక్కడ ప్రత్యక్షమయ్యారు. ఆమె కడుపులో పెరుగుతున్న బిడ్డకి తండ్రి తానంటే తానని వాగ్వాదానికి దిగారు. చివరికి ఏమైందంటే..

జీవితాలు పాడైపోతున్నాయి, కాపురాలు కూలిపోతున్నాయి, కుటుంబాలు విచ్ఛిన్నమైపోతున్నాయి..ఎన్ని జరుగుతున్నా..నిత్యం ఎన్ని ఘటనలు చూస్తున్నా పరిస్థితుల్లో ఎలాంటి మార్పు ఉండడం లేదు. తప్పు చేసి తలదించుకోవాల్సిన సమయంలోనూ తలెగరేస్తున్నారు. న్యాయం కావాలంటూ పోరాటాలు చేస్తున్నారు, దాడులు చేస్తున్నారు. అసలు  పుట్టబోయే బిడ్డ కోసం పోటీ పడటం ఎక్కడైన చూశామా. ఒక వేళ చూసినా  భార్యభర్తలు  విడిపోయే పరిస్థితి వస్తే అప్పుడు పిల్లలు నాక్కావాలి అంటే నా దగ్గరే ఉండాలనే పరిస్థితి వస్తుంది. కానీ భర్త ఉండగా..ఆమె కడుపులో పెరుగుతున్న బిడ్డకోసం ఇద్దరు ప్రియులు కొట్టుకోవడం అంటే ఏమనుకోవాలి. తమిళనాడులో జరిగిన ఈ ఘటన గురించి తెలుసుకుని అంతా నోరెళ్లబెడుతున్నారు. అంతా కలికాలం అంటున్నారు.

ఏం జరిగిందంటే తమిళనాడు సేలం జిల్లా అయోధ్య నగరం రామ్‌నగర్‌ కాలనీకి చెందిన మురుగేశన్‌ రెండో భార్య కలైమణి. అదే ప్రాంతానికి చెందిన కలై అరసన్‌, కృపై రాజ్‌ తో ఒకరికి తెలియకుండా మరొకరితో వివాహేతర సంబంధం పెట్టుకుంది. ఆమె గర్భవతి అయింది. ఈ శుభవార్త విని భర్త మురుగేశన్ సంతోషించాడు. అయితే కలైమణి తాను గర్భవతినని ఇద్దరు ప్రియులకు చెప్పింది. వాళ్లిద్దరూ ఒకేసారి ప్రియురాలి ఇంటికి వచ్చారు. ఒకర్నొకరు చూసుకుని కలైమణి కడుపులో బిడ్డకి తండ్రిని తానంటే తానని  వాదించుకున్నారు. వాదన కాస్త దాడుల వరకూ వెళ్లింది.  కలైఅరసన్‌ కత్తితో కృపైరాజ్‌పై దాడి చేసి చంపేశాడు. జరుగుతున్న రచ్చంతా చూస చుట్టుపక్క వారుపోలీసులకు సమాచారం అందించారు. ఘటనా స్థలానికి చేరుకున్న పోలీసులు కలైమణి, కలై అరసన్‌‌ను అరెస్టు చేసి కేసునమోదు చేశారు. స్థానికంగా ఈ ఘటన కలకలం చర్చనీయాంశమైంది.

బంధం, నమ్మకం, ప్రేమ..వీటి అర్థాన్ని పూర్తిగా మార్చేస్తున్నారు..నైతికతన వదిలేస్తున్నారు అందుకే ఇలాంటి ఘటనలు జరుగుతున్నాయంటున్నారు మానసిక నిపుణులు. క్షణికానందంకోసం క్షణికావేశంలో ఏ చేస్తున్నారో విచక్షణ కోల్పోతున్నారని అభిప్రాయపడుతున్నారు. ఏదేమైనా  భార్య-భర్త-ఇద్దరు ప్రియుల రచ్చ మాత్రం చర్చనీయాంశమవుతోంది.