By: ABP Desam | Updated at : 16 Jul 2022 01:16 PM (IST)
Edited By: Ramakrishna Paladi
జీఎస్టీ
GST Tax Rates Increased Check List of Items Which Get Costlier from July 18, 2022: పక్షం రోజుల క్రితం చండీగఢ్లో జీఎస్టీ మండలి సమావేశం జరిగింది. పన్ను రేటు హేతుబద్ధీకరణపై మంత్రుల కమిటీ చర్చించింది. కొన్ని వస్తువులపై పన్ను పెంచగా మరికొన్నింటిపై తగ్గించింది. ఇందులో సామాన్యుడిపై భారం పెరిగే ఉత్పత్తులూ ఉండటం కలవర పెడుతోంది. జులై 18 నుంచే పెరిగిన రేట్లు అమల్లోకి వస్తాయి.
పన్నుల వల్ల సామాన్యుడి వంటింటి ఖర్చు మరికొంత పెరగనుంది. ప్యాక్ చేసిన పెరుగు, మజ్జిగ, పన్నీర్, ముందుగానే ప్యాక్ చేసిన బియ్యం, గోధుమలు, పిండిపై 5 శాతం జీఎస్టీ వడ్డించారు. ఫలితంగా నిత్యావసర సరకుల ధరలు పెరగనున్నాయి.
ఏయే ధరలు పెరుగుతాయంటే
ప్యాకేజ్ చేసిన ఆహారం: ముందుగా సిద్ధం చేసిన ఆహార పదార్థాలను పన్ను పరిధిలోకి తీసుకురావాలన్న మంత్రుల కమిటీ ప్రతిపాదనను జీఎస్టీ మండలి ఆమోదించింది. ఇప్పటి వరకు బ్రాండెడ్ కాని ఆహార పదార్థాలపై పన్ను ఉండేది కాదు. అందులోంచి ప్రీ ప్యాకేజ్డ్, ప్రీ లేబుల్డ్ రిటైల్ ప్యాకెట్లను ఇందులోంచి మినహాయించాలని నిర్ణయం తీసుకున్నారు. ఇకపై లేబుల్, ప్యాక్ చేసిన పెరుగు, లస్సీ, బటర్ మిల్క్పై పన్ను వేస్తారు.
బ్యాంకు చెక్ బుక్కులు: వినియోగదారులకు కొద్దిగా రుసుము తీసుకొని బ్యాంకులు చెక్ బుక్కులు మంజూరు చేస్తాయి. ఆ రుసుముపై ఇక నుంచి 18 శాతం జీఎస్టీ విధించనున్నారు.
హోటల్ గదులు: రోజుకు వెయ్యి రూపాయిలు వసూలు చేసే హోటల్ గదులను 12 శాతం జీఎస్టీ పరిధిలోకి తీసుకొచ్చారు. ప్రస్తుతం ఇది పన్ను మినహాయింపు పరిధిలో ఉంది.
హాస్పిటల్ పడకలు: ఆస్పత్రుల్లో ఒక పడకకు రోజుకు రూ.5000కు మించి బిల్లు వేస్తే దానిపై ఐటీసీతో సంబంధం లేకుండా 5 శాతం పన్ను వేస్తారు. ఐసీయూ పడకలకు మాత్రం మినహాయింపు ఇచ్చారు.
ఎల్ఈడీ బుగ్గలు: త్వరలో ఎల్ఈడీ బుగ్గలు, ఫిక్చర్లు, ఎల్ఈడీ దీపాల ధరలు పెరగనున్నాయి. ఇప్పటి వరకు ఉన్న 12 శాతం పన్నును 18 శాతానికి పెంచారు.
కత్తులు: కట్టింగ్ బ్లేడ్స్, పేపర్ కత్తులు, పెన్సిల్ చెక్కే షార్ప్నర్లు, బ్లేడులు, చెంచాలు, ఫోర్కులు, లాడ్లీలు, స్కిమ్మర్లు, కేక్ సర్వ్ చేసే పాత్రలను 12 శాతం నుంచి 18 శాతం పరిధిలోకి తీసుకొచ్చారు.
పంపులు, యంత్రాలు: నీటి పంపులు, సెంట్రీఫ్యూజల్ పంపులు, బావుల్లో వాడే టర్బైన్ పంపులు, సబ్మెర్సిబుల్ పంపులు, సైకిల్ పంపులను 12 నుంచి 18 శాతం పరిధిలోకి తీసుకొచ్చారు. శుభ్రం చేసే యంత్రాలు, గార్డెనింగ్ యంత్రాలు, విత్తనాలు నాటే యంత్రాలు, వాయు ఆధారిత పిండి చక్కీ, వెట్ గ్రైండర్లపై 12 కాకుండా 18 శాతం పన్ను విధిస్తారు.
SBI ATM Card: ఎస్బీఐ ఏటీఎం కార్డ్ కోసం అప్లై చేయడం ఇప్పుడు ఈజీ, బ్యాంక్ ఆ పనిని సింపుల్గా మార్చింది
ITR 2024: ఐటీఆర్ను ఇప్పుడు సబ్మిట్ చేయాలా, ఆగాలా? - ఎక్స్పర్ట్స్ ఏం చెప్పారు?
Post Office Schemes: పోస్టాఫీస్లో పొదుపు ఖాతా ప్రారంభించే ముందు ఈ రూల్స్ తెలుసుకోండి
Latest Gold-Silver Prices Today: యుద్ధ భయంతో పసిడికి రెక్కలు - ఈ రోజు బంగారం, వెండి కొత్త ధరలు ఇవి
Gold-Silver Prices Today: తగ్గిన పసిడి ప్రకాశం - తెలుగు రాష్ట్రాల్లో ఈ రోజు బంగారం, వెండి ధరలు ఇవి
Premalu 2 Update: బ్లాక్బస్టర్ చిత్రం 'ప్రేమలు'కు సీక్వెల్ ప్రకటించిన మేకర్స్ - రిలీజ్పై ఎప్పుడో కూడా చెప్పేశారు
Chilkur Balaji Temple: భక్తులకు బ్యాడ్ న్యూస్ - చిలుకూరు బాలాజీ ఆలయంలో గరుడ ప్రసాదం నిలిపివేత
Best Horror Movies on OTT: సాధారణ అమ్మాయికి సూపర్ పవర్స్ వస్తే? ట్విస్టులతో భయపెట్టే మిస్టీరియస్ హర్రర్ మూవీ ఇది, ఏ ఓటీటీలో అంటే?
T Rajaiah vs Kadiyam: దమ్ముంటే ఎమ్మెల్యే పదవికి రాజీనామా చేసి, నా మీద పోటీ చెయ్: కడియం శ్రీహరికి రాజయ్య సవాల్