Desert Cooler Vs Tower Cooler: డెజెర్ట్ కూలర్ లేదా టవర్ కూలర్‌ - మీ ఇంటికి ఏది బెస్ట్‌ ఛాయిస్‌?

Beat Air Coolers 2025: మార్చి వచ్చింది, ఎండలు ముదరడం ప్రారంభమైంది. ఈ వేసవిలో చల్లదనం కోసం జనం ప్రయత్నాలు మొదలుపెట్టారు. వాతావరణం వేడిగా & పొడిగా ఉన్నా, తేమతో జిడ్డు పేరుకుపోతున్నా, ఉష్ణోగ్రతలు మితంగా ఉన్నా.. సరైన కూలర్ మీ ఒంటిని, ఇంటిని చల్లబరుస్తుంది. ఇప్పుడు వస్తున్న కూలర్లు లేటెస్ట్‌ ఫీచర్లతో ఉంటున్నాయి, ఒంటికి హాయినిచ్చేలా చల్లని గాలిని గదిలోకి వ్యాపింపజేస్తున్నాయి.

ఎయిర్ కూలర్లలో రకాలు
అన్ని ఎయిర్‌ కూలర్లు ఒకేలా పని చేయవు, నిర్దిష్ట అవసరాలను తీర్చేలా వాటిని రూపొందిస్తారు. గది పరిమాణం, వాతావరణ పరిస్థితులు, కూలింగ్‌ అవసరం వంటి అంశాల ఆధారంగా ఎయిర్ కూలర్ రకం మారుతుంది.

డెజెర్ట్‌ కూలర్లు (Desert Coolers) 
పెద్ద గదులు & బహిరంగ ప్రదేశాలలో పని చేయడానికి ఈ కూలర్లను ప్రత్యేకంగా తయారు చేస్తారు. వేడి & పొడి గాలి పరిస్థితులు ఉన్న పెద్ద ప్రాంతాలకు ఇవి అనువైనవి. పెద్ద ప్రాంతాలకు అనుగుణంగా ఈ కూలర్లలో పెద్ద నీటి ట్యాంకులు ఉంటాయి. పెద్ద ప్రాంతాలను చల్లబరచడానికి ఈ కూలర్లలో ఎప్పటికప్పుడు నీళ్లు నింపాలి. గాలిని బలంగా అన్ని వైపులా సమర్థవంతంగా వ్యాపింపజేయానికి డెజెర్ట్‌ కూలర్లలో పెద్ద & శక్తిమంతమైన ఫ్యాన్లు ఉంటాయి. వేడి & తేమతో కూడిన వాతావరణాలలో డెజెర్ట్‌ కూలర్లు చక్కగా ప్రభావం చూపగలవు.

టవర్ కూలర్లు (Tower Coolers)
టవర్ కూలర్లు పరిమిత స్థలం ఉన్న ప్రాంతాలకు, కాస్త పెద్ద గదులకు అనువుగా ఉంటాయి. సన్నగా, పొడవుగా ఉండే డిజైన్‌ కారణంగా ఈ కూలర్ సాధారణంగా ఎక్కువ స్థలాన్ని ఆక్రమించదు, ఒక ప్రాంతంలో చక్కగా అమరుతుంది. నగరాల్లో ఉండే ఇళ్లకు, కార్యాలయాలకు ఇది సరైనది. సన్నని డిజైన్ ఉన్నప్పటికీ, టవర్ కూలర్లు శక్తివంతమైన బ్లోయర్‌లు & భారీ కూలింగ్ ప్యాడ్‌లను కలిగి ఉంటాయి. ఇవి, తేమతో కూడిన పరిస్థితులను మార్చి & చల్లని గాలిని విడుదల చేస్తాయి. ఈ కూలింగ్ ప్యాడ్‌లు ఎవాపరేషన్‌ ప్రాసెస్‌ను మెరుగ్గా చేస్తాయి, వేడి ప్రాంతాల్లో చల్లటి గాలిని అందిస్తాయి. స్థలాన్ని ఆదా చేయాలనుకునే చోట టవర్ కూలర్లు సరిగ్గా సరిపోతాయి. తేమతో కూడిన వాతావరణం ఉన్నచోట ఇవి ఉత్తమంగా పని చేస్తాయి.

వ్యక్తిగత లేదా పోర్టబుల్ కూలర్లు (Personal or Portable Coolers): 
చిన్న గదుల నుంచి మధ్య తరహా గదులకు ఇవి అనుకూలం. ఇవి పోర్టబుల్ కూలర్లు కాబట్టి ఇష్టం వచ్చిన చోటుకు ఈజీగా తీసుకెళ్లవచ్చు. ఎక్కడికైనా తీసుకెళ్లడానికి సౌకర్యవంతంగా & బరువు తక్కువగా ఉంటాయి. బెడ్‌రూమ్, స్టడీ రూమ్ లేదా చిన్న ఆఫీస్ ఏరియా వంటి ప్రాంతాలకు ఇది అనువుగా ఉంటుంది. దీన్నుంచి వచ్చే చల్లటి గాలి ఇద్దరు వ్యక్తులకు సరిపోతుంది. వీటిలో చిన్న నీళ్ల ట్యాంక్‌ ఉంటుంది, అవసరమైనప్పుడు సులభంగా నింపుకోవచ్చు. ఒక చిన్న ప్రాంతాన్ని ఏసీ రూమ్‌లా మార్చుకోవాలనుకునే వ్యక్తులకు ఇది మంచి ఆప్షన్‌ అవుతుంది. పరిమితమైన ఉష్ణోగ్రతలు ఉండే చోట వ్యక్తిగత కూలర్ ఒక అద్భుతమైన ఎంపిక. 

చూడాల్సిన ఇతర అంశాలు

గాలి ప్రవాహం, ఫ్యాన్ వేగం: ఒక ఎయిర్ కూలర్ ఎంత గాలిని ప్రసరింపజేయగలదో కొనేముందే తెలుసుకోవాలి, దీనిని 'నిమిషానికి క్యూబిక్ అడుగులలో' (CMF) కొలుస్తారు. ఫ్యాన్ వేగాన్ని నియంత్రించగలిగే ఎయిర్ కూలర్‌ను ఎంచుకోవడం వల్ల వాతావరణ అవసరాలకు అనుగుణంగా కూలర్‌ను నియంత్రించవచ్చు.

కూలింగ్ ప్యాడ్ మెటీరియల్: ఎయిర్ కూలర్‌లో అత్యంత ముఖ్యమైన పదార్థం కూలింగ్ ప్యాడ్. దీనిలో రెండు ప్రధాన పదార్థాలు ఉంటాయి - సెల్యులోజ్, ఆస్పెన్. సెల్యులోజ్‌కు ఎక్కువ నీటిని నిలుపుకునే సామర్థ్యం ఉంటుంది. ఆస్పెన్‌కు నీటి నిలుపుదల సామర్థ్యం తక్కువగా ఉంటుంది. వ్యక్తుల అవసరాలు, బడ్జెట్ ప్రకారం వీటిని ఎంచుకోవచ్చు.

శబ్ద స్థాయి: తక్కువ శబ్దాన్ని ఉత్పత్తి చేసే ఎయిర్ కూలర్‌ను ఎంచుకుంటే మీరు ప్రశాంతమైన వాతావరణంలో ఉంటారు. సైలెంట్ మోడ్ లేదా ఏరోడైనమిక్ ఫ్యాన్ బ్లేడ్‌లు శబ్ద స్థాయిని గణనీయంగా తగ్గిస్తాయి.

అదనపు ఫీచర్లు: టైమర్, స్లీప్ మోడ్, విద్యుత్‌ ఆదా వంటి ఇతర ఫీచర్లు కస్టమర్ సంతృప్తిని మెరుగుపరుస్తాయి & ఎయిర్ కూలర్‌కు మరింత విలువను జోడిస్తాయి.

మరో ఆసక్తికర కథనం: OTP స్కామ్‌ నుంచి మీ డబ్బును ఎలా రక్షించుకోవాలి, నకిలీ రిక్వెస్ట్‌ను ఎలా గుర్తించాలి?