Namura - Nykaa: 2023 మార్చి 31తో ముగిసిన నాలుగో త్రైమాసికానికి సంబంధించిన రెవెన్యూ అప్‌డేట్స్‌ ప్రకటించిన తర్వాత, నైకా షేర్లు గురువారం సెషన్‌లో (06 ఏప్రిల్‌ 2023) పట్టుదప్పి పడిపోయాయి. 


గురువారం నాడు 3.70% లేదా రూ. 5.05 నష్టపోయిన నైకా షేర్‌ ధర (FSN E-commerce Ventures Limited Share Price), రూ. 131.60 వద్ద ముగిసింది.


షేర్‌ ప్రైస్‌లో ప్రైస్‌ కరెక్షన్‌ ఉన్నప్పటికీ, నైకా మీద పూర్తి బుల్లిష్‌గా ఉంది గ్లోబల్ బ్రోకింగ్‌ కంపెనీ నోమురా. ఈ స్థాయి నుంచి మరో రూ. 82 లేదా 62% పెరుగుదలను ఈ బ్రోకింగ్‌ హౌస్‌  అంచనా వేస్తోంది. FY25-40 కాలంలో కంపెనీ ఆదాయం 18% CAGR వద్ద పెరుగుతుందని, మార్జిన్లు 17.5% స్థిరంగా ఉంటాయని లెక్కలు వేసింది.


టార్గెట్‌ ప్రైస్‌ రూ.214 
ఈ లెక్కల ఆధారంగా నైకా షేర్‌కు "బయ్‌" రేటింగ్‌ ఇచ్చిన నోమురా, టార్గెట్‌ ధరగా రూ. 214 ను ప్రకటించింది.


వ్యాపారంలో స్థిరమైన వృద్ధి అంచనాలు
“Q3FY23లో బ్యూటీ & పర్సనల్ కేర్ (BPC) విభాగంలో నికర అమ్మకాల విలువ (NSV) గత సంవత్సరం కంటే 26.5% పెరిగింది. FY23 తొలి 9 నెలల్లో ((9MFY23) 34% వృద్ధి సాధించింది. గత సంవత్సరంతో పోలిస్తే, Q4FY23లో (2023 జనవరి-ఏప్రిల్‌ త్రైమాసికం) NSV వృద్ధి 28%గా ఉండొచ్చన్నది మా అంచనా. తద్వారా మొత్తం ఆర్థిక సంవత్సరంలో (FY23) 32% YoY వృద్ధి ఉంటుంది. FY23 కోసం గతంలో వేసిన అంచనా 31% కంటే ఇది కొంచెం ఎక్కువ" - నోమురా


కంపెనీ వ్యాపారం తిరిగి గాడిలో పడుతున్నట్లు కనిపిస్తోంది, FY23-25 కాలంలో ఇదే ఊపు కొనసాగి 27% CAGR వద్దకు (సాధారణ స్థాయి) చేరుతుందని మేం ఆశిస్తున్నాం అని బ్రోకరేజ్ తెలిపింది.


ఫ్యాషన్ విషయంలో, గత ఏడాదితో పోలిస్తే, ఆర్థిక సంవత్సరం తొలి తొమ్మిది నెలల్లో (9MFY23) NSVలో 32% YoY వృద్ధి కనిపించింది. Q4FY23లో ఇది 17%గా నమోదు కావచ్చన్నది నోమురా లెక్క. ఫలితంగా మొత్తం FY23లో 28% YoY పెరుగుదల సాధ్యం అవుతుంది. FY23 కోసం గతంలో వేసిన 29% వృద్ధి అంచనా కంటే ఇది కొంచెం తక్కువ.


లాభదాయకత పెరుగుదల నేపథ్యంలో, BPC సెగ్మెంట్‌లో కంపెనీ కనబరుస్తున్న బలమైన వృద్ధిని స్టాక్‌ మార్కెట్‌ సానుకూలంగా తీసుకోవచ్చని గ్లోబల్ మార్కెట్ పరిశోధన సంస్థ తెలిపింది.


52 వారాల గరిష్ట స్థాయి నుంచి క్షీణత
2021 నవంబర్ 10ల తేదీన నైకా షేర్లు స్టాక్‌ మార్కెట్‌లో లిస్ట్‌ అయ్యాయి. 2022 ఏప్రిల్ 11వ తేదీన రూ. 315.44 వద్ద 52 వారాల గరిష్ట స్థాయిని (52-week high) తాకాయి, అక్కడి నుంచి కరెక్షన్‌లో ఉన్నాయి. ఈ ఏడాదిలో ఇప్పటి వరకు (YTD) 15% పైగా నష్టపోయాయి. 


Disclaimer: ఈ వార్త కేవలం సమాచారం కోసం మాత్రమే. మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్లు, ఫారెక్స్‌, కమొడిటీల్లో పెట్టే పెట్టుబడులు ఒడుదొడుకులకు లోనవుతుంటాయి. మార్కెట్‌ పరిస్థితులను బట్టి ఆయా పెట్టుబడి సాధనాల్లో రాబడి మారుతుంటుంది. ఫలానా మ్యూచువల్‌ ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని లేదా ఉపసంహరించుకోవాలని 'abp దేశం' చెప్పడం లేదు. పెట్టుబడి పెట్టే ముందు, లేదా ఉపసంహరించుకునే ముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.