Stock Market Closing Bell 09 September 2022: భారత స్టాక్‌ మార్కెట్లు శుక్రవారం లాభాల్లో ముగిశాయి. ఉదయం భారీ కొనుగోళ్లు చేపట్టిన మదుపర్లు ఆఖర్లో లాభాల స్వీకరణకు దిగారు. దాంతో ఆరంభం లాభాలు కాస్త తగ్గాయి. ఎన్‌ఎస్‌ఈ నిఫ్టీ (NSE Nifty) 34 పాయింట్ల లాభంతో 17,833 బీఎస్‌ఈ సెన్సెక్స్‌ (BSE Sensex) 104 పాయింట్ల లాభంతో 59,793 వద్ద ముగిశాయి. డాలర్‌తో పోలిస్తే రూపాయి 14 పైసలు బలపడి 79.57 వద్ద స్థిరపడింది.
BSE Sensex
క్రితం సెషన్లో 59,688 వద్ద ముగిసిన బీఎస్‌ఈ సెన్సెక్స్‌ నేడు 60,045 వద్ద లాభాల్లో మొదలైంది. 59,634 వద్ద ఇంట్రాడే కనిష్ఠాన్ని తాకింది. 60,119 వద్ద ఇంట్రాడే గరిష్ఠాన్ని అందుకుంది. చివరికి 104 పాయింట్ల లాభంతో 59,793 వద్ద ముగిసింది.
NSE Nifty
గురువారం 17,798 వద్ద ముగిసిన ఎన్‌ఎస్‌ఈ నిఫ్టీ శుక్రవారం 17,923 వద్ద ఓపెనైంది. 17,786 వద్ద ఇంట్రాడే కనిష్ఠాన్ని చేరుకుంది. 17,925 వద్ద ఇంట్రాడే గరిష్ఠాన్ని అందుకుంది. చివరికి 34 పాయింట్ల లాభంతో 17,833 వద్ద ముగిసింది.
Nifty Bank
నిఫ్టీ బ్యాంక్‌ లాభాల్లో ముగిసింది. ఉదయం 40,520 వద్ద మొదలైంది. 40,280 వద్ద ఇంట్రాడే కనిష్ఠాన్ని తాకింది. 40,685 వద్ద ఇంట్రాడే గరిష్ఠాన్ని అందుకుంది. మొత్తంగా 206 పాయింట్ల లాభంతో 40,415 వద్ద క్లోజైంది.
Gainers and Lossers
నిఫ్టీ 50లో 23 కంపెనీలు లాభాల్లో 26 నష్టాల్లో ముగిశాయి. టెక్‌ మహీంద్రా, అదానీ పోర్ట్స్‌, ఇన్‌పీ, ఇండస్‌ ఇండ్‌ బ్యాంక్‌, హెచ్‌సీఎల్‌ టెక్‌ షేర్లు లాభపడ్డాయి. అల్ట్రాటెక్‌ సెమ్‌, ఎస్‌బీఐ లైఫ్‌, ఎంఎ అండ్‌ ఎం, హెచ్‌డీఎఫ్‌సీ లైఫ్‌, గ్రాసిమ్‌ షేర్లు నష్టపోయాయి. బ్యాంకు, ఆటో, ఎఫ్‌ఎంసీజీ, ఐటీ, హెల్త్‌కేర్‌ సూచీలు ఎగిశాయి. కన్జూమర్‌ డ్యురబుల్స్‌, రియాల్టీ, ఫార్మా, మీడియా, ఫైనాన్స్‌ సూచీలు ఎరుపెక్కాయి.
Disclaimer: ఈ వార్త కేవలం సమాచారం కోసం మాత్రమే! మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్ల పెట్టుబడులు ఒడుదొడుకులకు లోనవుతాయి. మార్కెట్‌ పరిస్థితులను బట్టి రాబడి మారుతుంటుంది. ఫలానా ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని ఏబీపీ దేశం చెప్పడం లేదు. పెట్టుబడి పెట్టేముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.