Stock Market Closing: వరుసగా మూడో రోజు లాభాల పంట! సెన్సెక్స్‌ 550+, నిఫ్టీ 175+

Stock Market Closing 18 October 2022: భారత స్టాక్‌ మార్కెట్లు వరుసగా మూడో రోజు లాభపడ్డాయి. అంతర్జాతీయంగా సానుకూల సూచనలు అందాయి. కార్పొరేట్‌, రిటైల్‌ రుణాల వృద్ధితో బ్యాంకు షేర్లకు గిరాకీ పెరిగింది. ఎన్‌ఎస్‌ఈ నిఫ్టీ (NSE Nifty) 175 పాయింట్ల లాభంతో 17,486 బీఎస్‌ఈ సెన్సెక్స్‌ (BSE Sensex) 549 పాయింట్ల లాభంతో 58,960 వద్ద ముగిశాయి. డాలర్‌తో పోలిస్తే రూపాయి ఒక పైసా బలహీనపడి 82.36 వద్ద స్థిరపడింది.

BSE Sensex

క్రితం సెషన్లో 58,410 వద్ద ముగిసిన బీఎస్‌ఈ సెన్సెక్స్‌ నేడు 58,744 వద్ద లాభాల్లో మొదలైంది. 58,744 వద్ద ఇంట్రాడే కనిష్ఠాన్ని తాకింది. 59,143 వద్ద ఇంట్రాడే గరిష్ఠాన్ని అందుకుంది. మొత్తంగా 549 పాయింట్ల లాభంతో 58,960 వద్ద ముగిసింది.

NSE Nifty

సోమవారం 17,311 వద్ద ముగిసిన ఎన్‌ఎస్‌ఈ నిఫ్టీ మంగళవారం 17,438 వద్ద ఓపెనైంది. 17,434 వద్ద ఇంట్రాడే కనిష్ఠాన్ని చేరుకుంది. 17,527 వద్ద ఇంట్రాడే గరిష్ఠాన్ని అందుకుంది. చివరికి 175 పాయింట్ల లాభంతో 17,486 వద్ద ముగిసింది.

Nifty Bank

నిఫ్టీ బ్యాంక్‌ లాభాల్లో ముగిసింది. ఉదయం 40,252 వద్ద మొదలైంది. 40,139 వద్ద ఇంట్రాడే కనిష్ఠాన్ని తాకింది. 40,435 వద్ద ఇంట్రాడే గరిష్ఠాన్ని అందుకుంది. మొత్తంగా 398 పాయింట్ల లాభంతో 40,318 వద్ద స్థిరపడింది.

Gainers and Lossers

నిఫ్టీ 50లో 39 కంపెనీలు లాభాల్లో 11 నష్టాల్లో ముగిశాయి. ఎస్‌బీఐ, అదానీ పోర్ట్స్‌, ఐచర్‌ మోటార్స్‌, ఐటీసీ, ఎస్‌బీఐ లైఫ్‌ షేర్లు లాభపడ్డాయి. ఎన్టీపీసీ, హెచ్‌డీఎఫ్‌సీ, సన్ ఫార్మా, బ్రిటానియా, టెక్‌ మహీంద్రా షేర్లు నష్టపోయాయి. నేడు అన్ని రంగాల సూచీలు ఎగిశాయి. బ్యాంకు, ఆటో, ఎఫ్‌ఎంసీజీ, ఐటీ, మీడియా, మెటల్‌, రియాల్టీ, ఆయిల్‌ అండ్‌ గ్యాస్‌ సూచీలు ఒక శాతానికి పైగా లాభపడ్డాయి.

Disclaimer: ఈ వార్త కేవలం సమాచారం కోసం మాత్రమే! మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్ల పెట్టుబడులు ఒడుదొడుకులకు లోనవుతాయి. మార్కెట్‌ పరిస్థితులను బట్టి రాబడి మారుతుంటుంది. ఫలానా ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని ఏబీపీ దేశం చెప్పడం లేదు. పెట్టుబడి పెట్టేముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.

 

 

 

 

 

View this post on Instagram

 

 

 

 

 

 

 

 

 

 

 

A post shared by BSEIndia (@bseindia)