Stock Market Closing Bell 27 July 2022: రెండు రోజుల వరుస నష్టాలకు తెరపడింది. భారత స్టాక్‌ మార్కెట్లు నేడు భారీ లాభాల్లో ముగిశాయి. అంతర్జాతీయ మార్కెట్ల నుంచి సానుకూల సంకేతాలు అందడంతో మదుపర్లు కొనుగోళ్లు చేపట్టారు. ఎన్‌ఎస్‌ఈ నిఫ్టీ (NSE Nifty) 157 పాయింట్ల లాభంతో 16,641 బీఎస్‌ఈ సెన్సెక్స్‌ (BSE Sensex) 547 పాయింట్ల లాభంతో 55,816 వద్ద ముగిశాయి. నిన్నటి ముగింపు 79.76తో పోలిస్తే డాలర్‌తో రూపాయి విలువ 14 పైసలు నష్టపోయి రూ.79.90 వద్ద ముగిసింది.
BSE Sensex
క్రితం సెషన్లో 55,266 వద్ద ముగిసిన బీఎస్‌ఈ సెన్సెక్స్‌ నేడు 55,258 వద్ద మొదలైంది. 55,157 వద్ద ఇంట్రాడే కనిష్ఠాన్ని తాకింది. 55,853 వద్ద ఇంట్రాడే గరిష్ఠాన్ని అందుకుంది. చివరికి 547 పాయింట్ల లాభంతో 55,816 వద్ద ముగిసింది.
NSE Nifty
మంగళవారం 16,483 వద్ద ముగిసిన ఎన్‌ఎస్‌ఈ నిఫ్టీ బుధవారం 16,473 వద్ద ఓపెనైంది. 16,438 వద్ద ఇంట్రాడే కనిష్ఠాన్ని చేరుకుంది. 16,653 వద్ద ఇంట్రాడే గరిష్ఠాన్ని అందుకుంది. మొత్తంగా 157 పాయింట్ల లాభంతో 16,641 వద్ద క్లోజైంది.
Nifty Bank
నిఫ్టీ బ్యాంక్ లాభాల్లో ముగిసింది. ఉదయం 36,370 వద్ద మొదలైంది. 36,248 వద్ద ఇంట్రాడే కనిష్ఠాన్ని తాకింది. 36,808 వద్ద ఇంట్రాడే గరిష్ఠాన్ని అందుకుంది. చివరికి 372 పాయింట్ల లాభంతో 36,783 వద్ద క్లోజైంది.
Gainers and Lossers
నిఫ్టీ 50లో 46 కంపెనీలు లాభాల్లో 4 నష్టాల్లో ఉన్నాయి. సన్‌ఫార్మా, ఎస్‌బీఐ, దివిస్‌ ల్యాబ్‌, ఎల్‌టీ, టీసీఎస్‌ షేర్లు లాభపడ్డాయి. భారతీ ఎయిర్‌టెల్‌, బజాజ్‌ ఆటో, హెచ్‌డీఎఫ్‌సీ లైఫ్‌, కొటక్‌ బ్యాంక్ షేర్లు నష్టపోయాయి. అన్ని రంగాల సూచీలు ఎగిశాయి. బ్యాంకు, ఐటీ, మీడియా, ఫార్మా, హెల్త్‌కేర్‌ సూచీలు ఒకశాతం కన్నా ఎక్కువ పెరిగాయి.