Stock Market Opening Bell 24 June 2022: భారత స్టాక్‌ మార్కెట్లు (Indian equity markets) శుక్రవారం భారీ లాభాల్లో ఉన్నాయి. ఆసియా మార్కెట్ల నుంచి సానుకూల సంకేతాలు అందుతున్నాయి. ముఖ్యంగా బ్యాంకు, మెటల్ షేర్లకు గిరాకీ కనిపిస్తోంది. ఎన్‌ఎస్‌ఈ నిఫ్టీ (NSE Nifty) 113 పాయింట్ల లాభంతో 15,668, బీఎస్‌ఈ సెన్సెక్స్ (BSE Sensex) 393 పాయింట్ల లాభంతో 52,646 వద్ద కొనసాగుతున్నాయి.
BSE Sensex
క్రితం సెషన్లో 52,265 వద్ద ముగిసిన బీఎస్‌ఈ సెన్సెక్స్ నేడు 52,654 వద్ద భారీ లాభాల్లో మొదలైంది. 52,550 వద్ద ఇంట్రాడే కనిష్ఠాన్ని తాకింది. 52,909 వద్ద ఇంట్రాడే గరిష్ఠాన్ని అందుకుంది. ఉదయం 10:30 గంటలకు 393 పాయింట్ల లాభంతో 52,645 వద్ద కొనసాగుతోంది.
NSE Nifty
గురువారం 15,556 వద్ద ముగిసిన ఎన్‌ఎస్‌ఈ నిఫ్టీ శుక్రవారం 15,657 వద్ద ఓపెనైంది. 15,645 వద్ద ఇంట్రాడే కనిష్ఠాన్ని చేరుకుంది. 15,749 వద్ద ఇంట్రాడే గరిష్ఠాన్ని అందుకుంది. ప్రస్తుతం 113 పాయింట్ల లాభంతో 15,668 వద్ద ట్రేడ్‌ అవుతోంది.
Nifty Bank
నిఫ్టీ బ్యాంక్‌ భారీ లాభాల్లో ఉంది. ఉదయం 33,434 వద్ద మొదలైంది. 33,390 వద్ద ఇంట్రాడే కనిష్ఠాన్ని తాకింది. 33,692 వద్ద ఇంట్రాడే గరిష్ఠాన్ని అందుకుంది. ప్రస్తుతం 467 పాయింట్ల లాభంతో 33,602 వద్ద కొనసాగుతోంది.
Gainers and Lossers
నిఫ్టీ 50లో 38 కంపెనీలు లాభాల్లో 12 నష్టాల్లో ఉన్నాయి. హీరో మోటో, ఎం అండ్‌ ఎం, భారతీ ఎయిర్‌టెల్‌, బ్రిటానియా, ఇండస్‌ఇండ్‌ బ్యాంక్‌ షేర్లు లాభాల్లో ఉన్నాయి. అపోలో హాస్పిటల్స్‌, ఇన్ఫీ, బజాజ్‌ ఫిన్‌సర్వ్‌, ఎన్‌టీపీసీ, ఏసియన్‌ పెయింట్స్‌ షేర్లు నష్టాల్లో ఉన్నాయి. దాదాపుగా అన్ని రంగాల సూచీలు గ్రీన్‌లో కొనసాగుతున్నాయి. ఆటో, ఫైనాన్షియల్స్‌, ఎఫ్‌ఎంసీజీ, మీడియా, మెటల్ సూచీలు 1 శాతానికి పైగా ఎగిశాయి.