Stock Market Closing 25 October 2022: భారత స్టాక్‌ మార్కెట్లు మంగళవారం నష్టపోయాయి. అంతర్జాతీయంగా సానుకూల సంకేతాలు అందలేదు. బ్యాంకు, ఫైనాన్స్‌ షేర్లపై అమ్మకాల ఒత్తిడి కనిపించింది. ఎన్‌ఎస్‌ఈ నిఫ్టీ (NSE Nifty) 74 పాయింట్ల నష్టంతో 17,656 బీఎస్‌ఈ సెన్సెక్స్‌ (BSE Sensex) 287 పాయింట్ల నష్టంతో 59,543 వద్ద ముగిశాయి. శుక్రవారంతో పోలిస్తే రూపాయి 5 పైసలు బలహీనపడి 82.73 వద్ద స్థిరపడింది.
BSE Sensex
క్రితం సెషన్లో 59,831 వద్ద ముగిసిన బీఎస్‌ఈ సెన్సెక్స్‌ నేడు 60,002 వద్ద లాభాల్లో మొదలైంది. 59,489 వద్ద ఇంట్రాడే కనిష్ఠాన్ని తాకింది. 60,081 వద్ద ఇంట్రాడే గరిష్ఠాన్ని అందుకుంది. మొత్తంగా 287 పాయింట్ల నష్టంతో 59,543 వద్ద ముగిసింది.
NSE Nifty
సోమవారం 17,730 వద్ద ముగిసిన ఎన్‌ఎస్‌ఈ నిఫ్టీ మంగళవారం 17,808 వద్ద ఓపెనైంది. 17,637 వద్ద ఇంట్రాడే కనిష్ఠాన్ని చేరుకుంది. 17,811 వద్ద ఇంట్రాడే గరిష్ఠాన్ని అందుకుంది. చివరికి 74 పాయింట్ల నష్టంతో 17,656 వద్ద స్థిరపడింది.
Nifty Bank
నిఫ్టీ బ్యాంక్‌ నష్టపోయింది. ఉదయం 41,513 వద్ద మొదలైంది. 41,021 వద్ద ఇంట్రాడే కనిష్ఠాన్ని తాకింది. 41,530 వద్ద ఇంట్రాడే గరిష్ఠాన్ని అందుకుంది. ఆఖరికి 182 పాయింట్ల నష్టంతో 41,122 వద్ద ముగిసింది.
Gainers and Lossers
నిఫ్టీ 50లో 18 కంపెనీలు లాభాల్లో 32 నష్టాల్లో ఉన్నాయి. టెక్‌ మహీంద్రా, జేఎస్‌డబ్ల్యూ స్టీల్‌, మారుతీ, ఎల్‌టీ, ఐచర్‌ మోటార్స్‌ షేర్లు లాభపడ్డాయి. నెస్లే ఇండియా, హిందుస్థాన్‌ యునీలివర్‌, బ్రిటానియా, కొటక్‌ బ్యాంక్‌, బజాజ్‌ ఫిన్‌సర్వ్‌ నష్టపోయాయి. ఆటో, ఐటీ, మెటల్, ఫార్మా, పీఎస్‌యూ బ్యాంక్‌, హెల్త్‌కేర్‌, ఆయిల్‌ అండ్‌ గ్యాస్‌ సూచీలు స్వల్పంగా ఎగిశాయి. బ్యాంకు, ఫైనాన్స్‌, ఎఫ్‌ఎంసీజీ, మీడియా, రియాల్టీ, కన్జూమర్‌ డ్యురబుల్స్‌ సూచీలు నష్టపోయాయి.
Disclaimer: ఈ వార్త కేవలం సమాచారం కోసం మాత్రమే! మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్ల పెట్టుబడులు ఒడుదొడుకులకు లోనవుతాయి. మార్కెట్‌ పరిస్థితులను బట్టి రాబడి మారుతుంటుంది. ఫలానా ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని ఏబీపీ దేశం చెప్పడం లేదు. పెట్టుబడి పెట్టేముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.