Stock Market Closing: ఆరంభ లాభాలు స్వీకరించినా పైపైకే నిఫ్టీ, సెన్సెక్స్‌! మదుపర్ల ఇంట డబ్బుల వర్షం!

Stock Market Closing 14 October 2022: భారత స్టాక్‌ మార్కెట్లు శుక్రవారం లాభపడ్డాయి. ఆసియా, అంతర్జాతీయ మార్కెట్ల నుంచి సానుకూల సంకేతాలు అందాయి. అమెరికా మార్కెట్ల దన్నుతో ట్రేడర్లు, ఇన్వెస్టర్లు కొనుగోళ్లు చేపట్టారు. ఎన్‌ఎస్‌ఈ నిఫ్టీ (NSE Nifty) 169 పాయింట్ల లాభంతో 17,183 బీఎస్‌ఈ సెన్సెక్స్‌ (BSE Sensex) 684 పాయింట్ల లాభంతో 57,919 వద్ద ముగిశాయి. ఉదయం వెయ్యి పాయింట్ల మేర లాభపడ్డ సెన్సెక్స్‌ లాభాల స్వీకరణతో సగం వరకు తగ్గింది. రూపాయి ఒక పైసా నష్టపోయి 82.36 వద్ద స్థిరపడింది.

BSE Sensex

క్రితం సెషన్లో 57,235 వద్ద ముగిసిన బీఎస్‌ఈ సెన్సెక్స్‌ నేడు 58,162 వద్ద లాభాల్లో మొదలైంది. 57,848 వద్ద ఇంట్రాడే కనిష్ఠాన్ని తాకింది. 58,435 వద్ద ఇంట్రాడే గరిష్ఠాన్ని అందుకుంది. చివరికి 684 పాయింట్ల లాభంతో 57,919 వద్ద ముగిసింది.

NSE Nifty

గురువారం 17,014 వద్ద ముగిసిన ఎన్‌ఎస్‌ఈ నిఫ్టీ శుక్రవారం 17,322 వద్ద ఓపెనైంది. 17,169 వద్ద ఇంట్రాడే కనిష్ఠాన్ని చేరుకుంది. 17,348 వద్ద ఇంట్రాడే గరిష్ఠాన్ని అందుకుంది. మొత్తంగా 169 పాయింట్ల లాభంతో 17,183 వద్ద క్లోజైంది.

Nifty Bank

నిఫ్టీ బ్యాంక్‌ భారీగా లాభపడింది. ఉదయం 39,446 వద్ద మొదలైంది. 39,196 వద్ద ఇంట్రాడే కనిష్ఠాన్ని తాకింది. 39,570 వద్ద ఇంట్రాడే గరిష్ఠాన్ని అందుకుంది. మొత్తంగా 658 పాయింట్ల లాభంతో 39,282 వద్ద స్థిరపడింది.

Gainers and Lossers

నిఫ్టీ 50లో 29 కంపెనీలు లాభాల్లో 21 నష్టాల్లో ముగిశాయి. ఇన్ఫీ, హెచ్‌డీఎఫ్‌సీ బ్యాంక్‌, హెచ్‌డీఎఫ్‌సీ, యూపీఎల్‌, హెచ్‌సీఎల్‌ టెక్‌ షేర్లు లాభపడ్డాయి. ఓఎన్‌జీసీ, ఎం అండ్‌ ఎం, జేఎస్‌డబ్ల్యూ స్టీల్‌, హిందాల్కో, బీపీసీఎల్‌ షేర్లు నష్టపోయాయి. ఆటో, మీడియా, మెటల్‌, రియాల్టీ, ఆయిల్‌ అండ్‌ గ్యాస్‌ సూచీలు నష్టపోయాయి. బ్యాంకు, ఫైనాన్స్‌, ఎఫ్‌ఎంసీజీ, ఐటీ, ఫార్మా, హెల్త్‌కేర్‌, కన్జూమర్‌ సూచీలు ఎగిశాయి.

Disclaimer: ఈ వార్త కేవలం సమాచారం కోసం మాత్రమే! మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్ల పెట్టుబడులు ఒడుదొడుకులకు లోనవుతాయి. మార్కెట్‌ పరిస్థితులను బట్టి రాబడి మారుతుంటుంది. ఫలానా ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని ఏబీపీ దేశం చెప్పడం లేదు. పెట్టుబడి పెట్టేముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.

 

 

 

 

 

View this post on Instagram

 

 

 

 

 

 

 

 

 

 

 

A post shared by NSE India (@nseindia)