Stock Market Opening 17 January 2023:
భారత స్టాక్‌ మార్కెట్లు మంగళవారం భారీ లాభాల్లో మొదలయ్యాయి. ఆసియా, అంతర్జాతీయ మార్కెట్ల నుంచి సానుకూల సంకేతాలు అందాయి. ఎన్‌ఎస్‌ఈ నిఫ్టీ (NSE Nifty) 107 పాయింట్ల లాభంతో 18,002 బీఎస్‌ఈ సెన్సెక్స్‌ (BSE Sensex) 392 పాయింట్ల లాభంతో 60,485 వద్ద కొనసాగుతున్నాయి. కంపెనీలు మెరుగైన త్రైమాసిక ఫలితాలు వెల్లడిస్తుండటం, ఎఫ్‌ఎంసీజీ, క్యాపిటల్‌ గూడ్స్‌ సూచీలు పెరగడంతో మదుపర్లు కొనుగోళ్లు చేపట్టారు.
BSE Sensex
క్రితం సెషన్లో 60,092 వద్ద ముగిసిన బీఎస్‌ఈ సెన్సెక్స్‌ నేడు 60,142 వద్ద మొదలైంది. 60,072 వద్ద ఇంట్రాడే కనిష్ఠాన్ని తాకింది. 60,578 వద్ద ఇంట్రాడే గరిష్ఠాన్ని అందుకుంది. ఉదయం 11 గంటలకు 392 పాయింట్ల లాభంతో 60,485 వద్ద కొనసాగుతోంది.
NSE Nifty
సోమవారం 17,894 వద్ద ముగిసిన ఎన్‌ఎస్‌ఈ నిఫ్టీ మంగళవారం 17,922 వద్ద ఓపెనైంది. 17,886 వద్ద ఇంట్రాడే కనిష్ఠాన్ని చేరుకుంది. 18,029 వద్ద ఇంట్రాడే గరిష్ఠాన్ని అందుకుంది. ఉదయం 107 పాయింట్ల లాభంతో 18,002 వద్ద ట్రేడవుతోంది.
Nifty Bank
నిఫ్టీ బ్యాంక్‌ లాభపడింది. ఉదయం 42,241 వద్ద మొదలైంది. 42,029 వద్ద ఇంట్రాడే కనిష్ఠాన్ని తాకింది. 42,383 వద్ద ఇంట్రాడే గరిష్ఠాన్ని అందుకుంది. ప్రస్తుతం 100 పాయింట్లు పెరిగి 42,268 వద్ద చలిస్తోంది.
Gainers and Lossers
నిఫ్టీ 50లో 35 కంపెనీలు లాభాల్లో 15 నష్టాల్లో ఉన్నాయి. ఎల్‌టీ, హిందుస్థాన్‌ యునీలివర్‌, హెచ్‌సీఎల్‌ టెక్‌, టాటా మోటార్స్‌, హెచ్‌డీఎఫ్‌సీ షేర్లు లాభపడ్డాయి. ఇండస్‌ ఇండ్‌ బ్యాంక్‌, టాటా స్టీల్‌, బజాజ్ ఫైనాన్స్‌, జేఎస్‌డబ్ల్యూ స్టీల్‌, బీపీసీఎల్‌ షేర్లు నష్టపోయాయి. మీడియా, మెటల్‌, ఫార్మా, పీఎస్‌యూ బ్యాంకు, హెల్త్‌కేర్‌, కన్జూమర్‌ డ్యురబుల్స్‌ సూచీలు పతనమయ్యాయి. బ్యాంకు, ఆటో, ఫైనాన్స్‌, ఎఫ్‌ఎంసీజీ, ఐటీ సూచీలు ఎగిశాయి.
Disclaimer: ఈ వార్త కేవలం సమాచారం కోసం మాత్రమే! మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్ల పెట్టుబడులు ఒడుదొడుకులకు లోనవుతాయి. మార్కెట్‌ పరిస్థితులను బట్టి రాబడి మారుతుంటుంది. ఫలానా ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని ఏబీపీ దేశం చెప్పడం లేదు. పెట్టుబడి పెట్టేముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.