Stock Market Closing Bell 13 September 2022: భారత స్టాక్‌ మార్కెట్లు మంగళవారం లాభపడ్డాయి. ఆసియా, ఐరోపా మార్కెట్ల నుంచి సానుకూల సంకేతాలు అందాయి. ప్రధాన సూచీలు కీలకమైన నిరోధ స్థాయిలను బ్రేక్‌ చేశాయి. ఎన్‌ఎస్‌ఈ నిఫ్టీ (NSE Nifty) 133 పాయింట్ల లాభంతో 18,070 బీఎస్‌ఈ సెన్సెక్స్‌ (BSE Sensex) 455 పాయింట్ల లాభంతో 60,571 వద్ద ముగిశాయి. డాలర్‌తో పోలిస్తే రూపాయి విలువ 37 పైసలు లాభపడి 79.15 వద్ద స్థిరపడింది.
BSE Sensex
క్రితం సెషన్లో 60,571 వద్ద ముగిసిన బీఎస్‌ఈ సెన్సెక్స్‌ నేడు 60,408 లాభాల్లో మొదలైంది. 60,381 వద్ద ఇంట్రాడే కనిష్ఠాన్ని తాకింది. 60,635 వద్ద ఇంట్రాడే గరిష్ఠాన్ని అందుకుంది. చివరికి 455 పాయింట్ల లాభంతో 60,571 వద్ద ముగిసింది.
NSE Nifty
మంగళవారం 17,936 వద్ద ముగిసిన ఎన్‌ఎస్‌ఈ నిఫ్టీ మంగళవారం 18,044 వద్ద ఓపెనైంది. 18,015 వద్ద ఇంట్రాడే కనిష్ఠాన్ని చేరుకుంది. 18,088 వద్ద ఇంట్రాడే గరిష్ఠాన్ని అందుకుంది. మొత్తంగా 133 పాయింట్ల లాభంతో 18,070 వద్ద క్లోజైంది.
Nifty Bank
నిఫ్టీ బ్యాంక్‌ భారీగా లాభపడింది. ఉదయం 40,802 వద్ద మొదలైంది. 40,693 వద్ద ఇంట్రాడే కనిష్ఠాన్ని తాకింది. 40,802 వద్ద ఇంట్రాడే గరిష్ఠాన్ని అందుకుంది. చివరికి 299 పాయింట్ల లాభంతో 40,873 వద్ద క్లోజైంది.
Gainers and Lossers
నిఫ్టీ 50లో 34 కంపెనీలు లాభాల్లో 15 నష్టాల్లో ముగిశాయి. బజాజ్‌ ఫిన్‌సర్వ్‌, టాటా కన్జూమర్‌, ఇండస్‌ఇండ్‌ బ్యాంక్‌, బ్రిటానియా, భారతీ ఎయిర్‌టెల్‌ షేర్లు లాభపడ్డాయి. శ్రీసెమ్‌, సిప్లా, ఐచర్‌ మోటార్స్‌, దివిస్‌ ల్యాబ్‌, బీపీసీఎల్‌ షేర్లు నష్టపోయాయి. ఐటీ, రియాల్టీ, ఆయిల్‌ అండ్‌ గ్యాస్‌ సూచీలు స్వల్పంగా నష్టపోయాయి. బ్యాంకు, ఆటో, ఫైనాన్స్‌, ఎఫ్‌ఎంసీజీ, మీడియా, మెటల్‌, ఫార్మా, హెల్త్‌కేర్‌, కన్జూమర్‌ డ్యురబుల్స్‌ సూచీలు ఎగిశాయి.
Disclaimer: ఈ వార్త కేవలం సమాచారం కోసం మాత్రమే! మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్ల పెట్టుబడులు ఒడుదొడుకులకు లోనవుతాయి. మార్కెట్‌ పరిస్థితులను బట్టి రాబడి మారుతుంటుంది. ఫలానా ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని ఏబీపీ దేశం చెప్పడం లేదు. పెట్టుబడి పెట్టేముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.