Stock Market @ 12 PM 1 July 2022: భారత స్టాక్‌ మార్కెట్లు (Indian equity markets) శుక్రవారం భారీ నష్టాల్లో ఉన్నాయి. ఆసియా, అంతర్జాతీయ మార్కెట్ల నుంచి సానుకూల సంకేతాలు అందడం లేదు. రూపాయి విలువ పడిపోతుండటం మదుపర్లను కలవరపెడుతోంది. ఎన్‌ఎస్‌ఈ నిఫ్టీ (NSE Nifty) 187 పాయింట్ల నష్టంతో 15,511, బీఎస్‌ఈ సెన్సెక్స్‌ (BSE Sensex) 588 పాయింట్ల నష్టంతో 52,437 వద్ద కొనసాగుతున్నాయి.
BSE Sensex
క్రితం సెషన్లో 53,018 వద్ద ముగిసిన బీఎస్‌ఈ సెన్సెక్స్‌ నేడు 52,863 వద్ద భారీ గ్యాప్‌డౌన్‌తో మొదలైంది. 52,094 వద్ద ఇంట్రాడే కనిష్ఠాన్ని తాకింది. 52,863 వద్ద ఇంట్రాడే గరిష్ఠాన్ని అందుకుంది. మధ్యాహ్నం 12 గంటల ప్రాంతంలో 588 పాయింట్ల నష్టంతో 52,437 వద్ద కొనసాగుతోంది. ఒకానొక దశలో 1000 పాయింట్ల వరకు పడ్డ సూచీ ఆ తర్వాత రికవరీ బాట పట్టింది.
NSE Nifty
గురువారం 15,780 వద్ద ముగిసిన ఎన్‌ఎస్‌ఈ నిఫ్టీ శుక్రవారం 15,703 వద్ద ఓపెనైంది. 15,511 వద్ద ఇంట్రాడే కనిష్ఠాన్ని చేరుకుంది. 15,719 వద్ద ఇంట్రాడే గరిష్ఠాన్ని అందుకుంది. ప్రస్తుతం 187 పాయింట్ల నష్టంతో 15,591 వద్ద కొనసాగుతోంది.
Nifty Bank
నిఫ్టీ బ్యాంక్‌ నష్టాల్లో ఉంది. ఉదయం 33,264 వద్ద మొదలైంది. 33,080 వద్ద ఇంట్రాడే కనిష్ఠాన్ని తాకింది. 33,343 వద్ద ఇంట్రాడే గరిష్ఠాన్ని అందుకుంది. ప్రస్తుతం 188 పాయింట్ల నష్టంతో 33,236 వద్ద ట్రేడ్‌ అవుతోంది.
Gainers and Lossers
నిఫ్టీ 50లో 21 కంపెనీలు లాభాల్లో 29 నష్టాల్లో ఉన్నాయి. ఏసియన్‌ పెయింట్స్‌, బజాజ్‌ ఫిన్‌సర్వ్‌, సిప్లా, ఐటీసీ, బీపీసీఎల్‌ షేర్లు లాభాల్లో ఉన్నాయి. ఓఎన్‌జీసీ, రిలయన్స్‌, టైటాన్‌, బజాజ్‌ ఆటో, కోల్‌ ఇండియా నష్టాల్లో ట్రేడ్‌ అవుతున్నాయి. ఎఫ్‌ఎంసీజీ, ఫార్మా, రియాల్టీ షేర్లకు గిరాకీ ఉంది. ఆయిల్ అండ్‌ గ్యాస్‌, కన్జూమర్‌ డ్యురబుల్స్‌, మెటల్‌, ఐటీ, బ్యాంకు, ఆటో సూచీలు నష్టాల్లో కొనసాగుతున్నాయి.