Stock Market Closing 12 July 2023:


స్టాక్‌ మార్కెట్లు బుధవారం నష్టపోయాయి. గ్లోబల్‌ మార్కెట్ల నుంచి ప్రతికూల సంకేతాలు అందాయి. మదుపర్ల కొనుగోళ్లు ఉదయం లాభపడ్డ సూచీలు ఐరోపా మార్కెట్లు తెరవగానే ఢమాల్‌ అన్నాయి. ఎన్‌ఎస్‌ఈ నిఫ్టీ (NSE Nifty) 55 పాయింట్లు తగ్గి 19,384 బీఎస్‌ఈ సెన్సెక్స్‌ (BSE Sensex) 224 పాయింట్లు తగ్గి 65,393 వద్ద ముగిశాయి. డాలర్‌తో పోలిస్తే రూపాయి 12 పైసలు పెరిగి 82.24 వద్ద స్థిరపడింది.


BSE Sensex (బీఎస్ఈ సెన్సెక్స్)


క్రితం సెషన్లో 65,617 వద్ద ముగిసిన బీఎస్‌ఈ సెన్సెక్స్‌ నేడు 65,759 వద్ద మొదలైంది. 65,320 వద్ద ఇంట్రాడే కనిష్ఠాన్ని తాకింది. 65,811 వద్ద ఇంట్రాడే గరిష్ఠాన్ని అందుకుంది. చివరికి 223 పాయింట్ల నష్టంతో 65,393 వద్ద ముగిసింది.


NSE Nifty (ఎన్ఎస్ఈ నిఫ్టీ)


మంగళవారం 19,439 వద్ద ముగిసిన ఎన్‌ఎస్‌ఈ నిఫ్టీ బుధవారం 19,497 వద్ద ఓపెనైంది. 19,361 వద్ద ఇంట్రాడే కనిష్ఠాన్ని చేరుకుంది. 19,507 వద్ద ఇంట్రాడే గరిష్ఠాన్ని అందుకుంది. మొత్తంగా 55 పాయింట్లు తగ్గి 19,384 వద్ద క్లోజైంది.


Nifty Bank (బ్యాంకు నిఫ్టీ)


నిఫ్టీ బ్యాంక్‌ నష్టపోయింది. ఉదయం 44,872 వద్ద మొదలైంది. 44,562 వద్ద ఇంట్రాడే కనిష్ఠాన్ని తాకింది. 44,937 వద్ద ఇంట్రాడే గరిష్ఠాన్ని అందుకుంది. సాయంత్రం 105 పాయింట్లు తగ్గి 44,639 వద్ద క్లోజైంది.


Gainers and Lossers (టాప్ గెయినర్స్, టాప్ లాసర్స్)


నిఫ్టీ 50లో 15 కంపెనీలు లాభాల్లో 35 నష్టాల్లో ఉన్నాయి. ఓఎన్‌జీసీ, ఐచర్‌ మోటార్స్‌, నెస్లే ఇండియా, కొటక్‌ బ్యాంక్‌, ఎస్బీఐ లైఫ్‌ షేర్లు లాభపడ్డాయి. అదానీ ఎంటర్‌ప్రైజెస్‌, టాటా మోటార్స్‌, అల్ట్రాటెక్‌ సెమ్‌, ఇన్ఫీ, అదానీ పోర్ట్స్‌ షేర్లు నష్టపోయాయి. బ్యాంకు, ఫైనాన్స్‌, ఐటీ, ప్రైవేటు బ్యాంకు, కన్జూమర్‌ డ్యురబుల్స్‌ సూచీలు తగ్గాయి. మీడియా, ఫార్మా, పీఎస్‌యూ బ్యాంకు, రియాల్టీ, హెల్త్‌కేర్‌ సూచీలు ఎగిశాయి.


బంగారం, వెండి ధరలు (Gold, Silver Prices)


నేడు విలువైన లోహాల ధరలు స్వల్పంగా పెరిగాయి. 24 క్యారెట్ల స్వచ్ఛమైన బంగారం 10 గ్రాముల ధర రూ.210 పెరిగి రూ.59,620గా ఉంది. కిలో వెండి రూ.200 పెరిగి రూ.73,600 వద్ద కొనసాగుతోంది. ప్లాటినం 10 గ్రాముల ధర రూ.130 తగ్గి రూ.24,590 వద్ద ఉంది. 


Also Read: డీఏ అప్‌డేట్‌ - జులై 1 నుంచి సెంట్రల్‌ గవర్నమెంట్‌ ఉద్యోగుల జీతం పెంపు!


Disclaimer: ఈ వార్త కేవలం సమాచారం కోసం మాత్రమే. మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్లు, ఫారెక్స్‌, కమొడిటీల్లో పెట్టే పెట్టుబడులు ఒడుదొడుకులకు లోనవుతుంటాయి. మార్కెట్‌ పరిస్థితులను బట్టి ఆయా పెట్టుబడి సాధనాల్లో రాబడి మారుతుంటుంది. ఫలానా మ్యూచువల్‌ ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని లేదా ఉపసంహరించుకోవాలని 'abp దేశం' చెప్పడం లేదు. పెట్టుబడి పెట్టే ముందు, లేదా ఉపసంహరించుకునే ముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.